اول شي الله يسعدهم اللي كانو بالاستقبال رجال وحريم وش تنظيم وش احترام وش ذوق ربي يوفقهم

انا مقابلتي للاسف مو كويسه طحت بواحد كل البنات يحذرون منه شديد ويخرش خرش فقدت الذاكره الاشوي
اول شي سالني عن اسمي وسجلي المدني ومن اي جامعه متخرجه وتخصصي ووش الوظيفه الللي مقدمه عليها وعلاقتها بتخصصي
بعدين سالني عن مهام الباحث الشرعي وانواع محاكم الديوان ومهام المحاكم الاداريه واخر بحث سويته وحقق معي شوي بخصوص البحث حسيتني جالسه اناقش رسالة الدكتوراه بعدين قال افتحي الوورد طبعا انا انعميت ماعاد اشوف شي فتحه هو وقالي اكتبي اسمك الرباعي وكبري الخط وحطيه بالنص وبركه اللي كتبت اسمي بعدين قال شكل الجهاز بوه بلا مدري صادق والا يتمسخر لان حتى البنت اللي قبلي ماقدرت تكبر الخط بعدين قالي بالتوفيق

السلام عليكم ورحمة الله ..
اليوم كانت مقابلتي ( باحث شرعي)

بالبداية تدخلين داخل المبنى وتروحين الكاونتر ويعطيك رقم ثم يحولك بنفس الكاونتر على أحد الموظفين يطبع لك نموذج الطلب ( طبعا لازم يكون معك نموذج طلبك جاهز)*
بعدين تدخلين صالة وينادون عشرة عشرة ماتطولين بهالمكان..*
وتروحين صالة ثانية تدخلين ع الموظفات تطابق لك ببطاقة الأحوال وتختم لك نموذج الطلب، طبعا اللي مامعهم أحوال ومعها كرت العائلة تخليها تبصم ..*
تجلسين في الصالة وينادون مجموعة ويدخلونك المقابلة في غرفة كبيرة وفيها طاولات وكمبيوتر وسماعة ومايك والوورد مفتوح أمامك ..
يوزعونك ع اللجان ثم تاخذ منك النموذج وتجلسين ع الكرسي ..*

طبعا نظام وترتيب الله يجزاهم كل خير ..

أنا سألني /
بالبداية عرفي بنفسك؟ سجلك المدني ؟ جامعتك ؟ تاريخ تخرجك؟
تخصصك ؟*
دوراتك؟ خبراتك؟
ماذا تعرفين عن ديوان المظالم ..؟
ولما قلت الأعمال الإدارية وكذا قالي مثل ايش اعطيني أمثلة؟*
وسألني عن مهام الباحث الشرعي ؟
وسألني قد عملتي بحوث؟*
وايش هي وسألني عن نفس بحثي اللي طرحته ..*
واخيراً قالي اكتبي بسم الله الرحمن الرحيم واكتبي اسمك ..*

وبس بالتوفيق للجميع، والله يكتب لكم الخير جميعاً..*

السﻻم عليكم ،،رحت للمقابله اليوم الحمدالله ..

طبعا تنظيم من أروع ماشفت ماشاءالله عليهم ..

طبعا كالعاده اﻷسئله اﻷولى تكون عنك ،،اسمك ، رقم السجل ، جامعتك ، تخصصك ، الوظيفه اللي مقدمه عليها " باحث شرعي "
سألني شو مهام الباحث ، وشنو تخصص الديوان ،*
وسالني شنو عﻻقة اﻹداره بالشرعيه اﻷسﻻميه طبعا انا تنحت هنا*وقلت له انو انظمة اﻻداره تكون وفق الشريعه ادري جوابي خطأ من اول ماقال ليكل انظمة السعوديه قائمه على الشريعه
و
سالني عن البحوث اللي سويتها ،، وكمان سألني شنو التوصيات اللي قدمتيها بالبحث
طبعا مافهمت له وحاولت اسلك لنفسي بكم كلمه
وبعدها طلب مني اكتب على الورود ، بسم الله الرحمن الرحيم ، واسمي الرباعي وانو اوسطه واكبر الخط
وسألني استخدم يد وحده في الكتابه او اﻻثنين وسألني بعد اطالع بالكيبورد او ﻻ
وماصدقت وقتها يوم قال خﻻص*طبعا كنت لجنة رقم ، 1 ،

والحمدالله راضيه باللي يكتبه ربي لي والله يوفقنا جميعا

عندي سوال بنات الحين في المقابله يطلبون الشهادات الاصل او السيرة الذاتيه ولا


وممكن تعطوني وصف للمحكمة اللى في الرياض

صعبة اجي بدري انا من خارج الرياض يبي لي ساعتين من غير
الزحمه اول مادخل الرياض انا على ان موعدي الساعه اربعه قلت اجي 3ونص
توقعتهم ملتزمين بالساعات اما كذا احس لخبطه كان من البداية ماحددو ساعات
ربي يسهلها انشاء الله ونخلص ونرتاح

اللي تسأل عن الفرق بين الوورد 2010 و 2007 ما فيه فرق
الله يوفقكم