يابنات ترى يسالونك عن رقم السجل وتاريخ والمعدل يبون يشفون مدى حفظك للمعلومات ودقتك
ومن الكتابه ع الورد يبون يشوفون سرعتك في الطباعه
ومن المعلومات عن ديوان المظالم وكذا يبون يشوفون ثقافتك
يعني احرصو تجهزون اجاباتكم وتحفظون
رقم السجل المدني
تاريخ التخرج
المعدل
الدورات الي حصلت عليها
وكذا

انا مقابلتي اليوم الحمدلله ارتحت من التوترالدمام لجنه1
*كان الشيخ شوي مدقق مررره حاول يربكني خﻻني اعيد سجلي المدني مرتين*وكتبني 3 سطور كلام واجد لدرجة اني م اتذكره*اول مره غلطت بالسطر الثاني وخلاني امسح كل اللي كتبته*والمره الثانيه كملت 3 سطور وغلط باخر كلمه قالي خﻻث حددي الصفحه جاني فقدان ذاكره مؤقت هههه وحددتها*قالي وين اشتغلتي قبل كذا ا
ايه اول شي بعد م سالني عن السجل المدني قالي وش شهادتك قلتله ثانويه قال اي ثانويه قلتله قال اي حي هههههه قلتله باقي يقولي وين بيتكم بعدين قالي طيب ما هي مهام الموظف قلتله اداء مهامه وطاعة مديره قالي شكرا لك

اللي بتقابل لجنه 1 تنتبه طوولت والله كثير ابو ربع ساعه باقي البنات م اخذو 5 دقايق عنده نفسه

موفقين يارب

"] السلام عليكم

مقابلتي اليوم على وظيفة كاتب سجل المرتبه الرابعه بالرياض

وصلت للمكان الساعه خمس الا ربع دخلت واخذت رقم وكان رقمي 147

المكان جداً جميل وهادي ومنظم وتحسين بالراحه النفسيه فيه

انتظرنا شوي وكانو ينادون على عشر ارقام ويدخلون للقاعه اللي فيها المقابله

كانت لجنتي رقم 3 كان صوت الشيخ جدا مريح وهادي الله يوفقه

البدايه سئلني عن رقم السجل بعدها قال اسمي قلت نعم قال مقدمه على كاتب سجل قلت نعم

سألني ادبي ولا علمي وقالي ليش ماكملتي دراستك ونسبتك ممتازه

وكيف تقضين يومك وماهي هواياتك

وش تعرفين عن ديوان المظالم

وهل اشتغلتي قبل كذا او لا

وش معك دوره

واكتبي على الورد اسمك الرباعي انا مدري وش صار فيني قمت كتبت اسمي الثلاثي وتذكرت بعد ماخصلت انه طلب الرباعي جلس ينتظرني اسوي شي او اعدل وانا تركت مثل ماهو اخر شي قال بالتوفيق

وانتهت اسرع مقابله يمكن ماكملت دقيقه

مع ان البنت اللي قبلي طول معها ومسك معها تحقيق لانها موظفه على راس العمل وسئلها عن وظيفتها وليش مقدمه اذا هي موظفه وش نوع وظيفتها ودوراتها واسئله كثيره

يمكن يوم جاء دوري كان تعبان من الاسئله واختصرها معي ههههههههه


سبحان الله وقت المقابله الكلام يطلع منك من غير ترتيب ولا تفكير وبعد ماتخلصين تندمين ليش ماقلت كذا ولا قلت كذا

يالله الحمدلله على كل حال مع اني ماكنت راضيه عن اللي قلت

انا اليوم سويت مقابله كاتب سجل المرتبة الرابعة الرياض
ماراح اتكلم عن التنظيم بدخل بالموضوع

دخلت اللجنه 3

سألني عن السجل وجاوبته سألني عن اسمي قلت اسمي والعائله فقط
قال اسمك عندي فلانه بنت فلان والعائله
قلت صحيح
قال مؤهلاتك قلت له
قا عندك خبره قلت عندي وجهة نظر في هذا للموضوع لو تسمح لي قال تفضلي
قلت انا دورت وظايف كثيره بس ماتناسبني كمرأه اختلاط او كشف وجه وماألى
اتمنى تعطون فرصه للي ماعندهم خبره يزاولون مهنه ويحققون اهدافهم هنا
قال هذا الشي مايطلب مني قلت ادري بس الخبره صارت عقبه في وجيهنا
المهم بعد كذا قال وش تعرفين عن الديوان
وبعدها ماهي مهام كاتب السجل
وبعدها الوورد مفتوح اماك اكتبي اسمك رباعيا

وانتهى

أوصيكم كلها توافيق من رب العالمين اذا لنا رزق ماراح احد ياخذه والله يوفقنا ويفرحح قلوبنا يارب
بس وصيتي لاتتوترون والله ماتسوى الضغط النفسي انا من التوتر اسمع صوتي يرتجف على ايش

هذا انا خلصت وتحسفت مية مره لو اني مركزه شوي كانت اجابتي احسن الف مره

نقطه ثانيه المشرفات اتوقع يحاول يشتتون ذهنك انا جالسه المكتب نظيف جايه ترتبه وانا اتكلم

الله يوفق الجميع يارب

يوم مقابلتي الثلاثاء فيه مقدمات علي راس عمل فيه وحده اداريه وفيه وحده حاسب في مدرسه حكوميه كيف كذا

بنات ممكن اعرف متى تنتهي كل المقابلات الشخصية مستنية موعد اعلان النتائج بس عشان ارتاح من التفكير من شعبان ونحنا في توتر