السلام عليكم جميعا الله يرزقنا جميعا محتاجة مساعدتكم بكرة باذن الله عندي مقابلة في البنك العربي

قالتلي قسم الاستثمار البيع المباشر (اش طبيعة هالقسم احسه صعب ومعقد )

2- مين ريهام ؟اش الاجابة النموذجية للسوال هذا

3- وين تشوفين نفسك معنا بعد خمس سنوات ؟؟ وش الاجابة النموذجية كذلك

4- ايش تعرفين عن البنك العربي ؟ وش اقول وبصراحة ماعرف الا اسمه

5- ليش اخترتي تقدمين على العربي بالذات ؟ وش اقول

6- وش تعرفين عن طبيعة عمل الصرافة وخدمة العملاء (مدري احس مالي علاقة بالموضوع)

7- نقاط القوة والضعف عندك؟

8- وين تشوفين نفسك اكثر في مجالات العمل ؟

الله يوفقكم جميعا ايش الاجوبة النموذجية للاسئلة هذي ودعوااااااتكم لي بالتوفيق واجتاااز المقابلة على خير مع اني مترددة على سالفة الربا وماربا ومظطرة في نفس الوقت نصحية الجميع

ليييييييييييييييييييييش محد رد بكرة المقاااابلة ؟؟


تكفوووووووون

الله المستعان

2- مين ريهام ؟اش الاجابة النموذجية للسوال هذا < مافهمت

3- وين تشوفين نفسك معنا بعد خمس سنوات ؟؟ وش الاجابة النموذجية كذلك
طبعا الاجابة النموذجيه انك يكون طموحك لاعلى المناصب يعني ماتبقي ع وظيفتك المتقدمة عليها
مثلا : اكون مشرفه او مسؤوله قسم او مديره قسم او او او يعني يشوفون طموحك لوين واصل

4- ايش تعرفين عن البنك العربي ؟

الافضل تدخلي الموقع للبنك وتاخذي فكره عنها متى تأسس والفروع
وش الخدمه اللي يقدمها ووووو

5- ليش اخترتي تقدمين على العربي بالذات ؟

مثلا قولي بسبب انضباطيه البنك او اعجاب بالبنك او سمعته الطيبه
المهم عطيهم من هالزين هههههههههههههه

6- وش تعرفين عن طبيعة عمل الصرافة وخدمة العملاء ؟
هذا عاد يااختي ادخلي بقوقل واكتبي مهام عمل الصرافه وخدمة العملاء وفيه الف موقع كاتب المهام

7- نقاط القوة والضعف عندك؟
القوة اذكري منها واشوفها اهم شي تحمل ضغط العمل
ضعف قولي مااشوف فيني ضعف او قولي اي سبب مايشكك بقدراتك بالوظيفة

8- وين تشوفين نفسك اكثر في مجالات العمل ؟
هذي طبعا لازم تجاوبي فيها بنفس الوظيفة اللي قدمتيها
مثلا مثل وظيفتك هذي قولي خدمة العملاء والتواصل معهم
اووو المهم المجال اللي قدمتي فيه

اتمنى قدمت شي ينفعك .. واتمنى لك التوفيق

بلغينا وش يصير معك

هلالي الله يجزاااااااك خير

مين ريهاام يعني انا بيقولون عرفينا عن نفسك ودي اعرف بالظبط وش اقول

كيف اتكلم عن نفسي

طيب ابغى اعرف كيف اعرف عن نفسي بالظبط

وش اقول تكفووووون

السلام عليكم

التعريف عن نفسك يكون باعطاء معلومات شخصيه اولا مثال اسمك عمرك والحاله الاجتماعيه.

بعد ذلك تتكلمي عن تحصيلك العلمي وتخصصك ومتى تخرجتي.

ثم الخبرات العمليه السابقه.

بعد ذلك تختمي بان لديك اهداف قريبه وهي الحصول على الوظيفة. واهداف طويلة المدى ومنها ان تكوني في منصب ممتاز في نفس البنك


واسال الله لك التوفيق

الله يجزاك خير يارامز الحي

دعوااااااتكم لي بالتوفيق

بالتوفيق لك ياريهام
الله يكتب لك نصيب بها الوظيفة يارب

مقابلتي اليوم السعة 2ونص الظهر
اذا جيت اخبركم وش صار معي