يعيني مثل الشركات الكبيرة أو الشركات والمؤسسة وغيرها وحتى الدوائر الحكومية
كيف اعرض خدمات مؤسستي لهم مؤسسة تجارة ومقاولات مثل هل اقدم عليهم مثل الوظائف ولا كيف ابيها من دون واسطات ولا شئ ابي اسوي لي زي الكتلوج واعطيهم الشركات الكبار و المؤسسات وغيرها هل هذا ممكن ولا كيف
بحث ان تكون خدمات مؤسستي موجودة عندهم بحيث لو اتحاجو الخدمات يشترونها ؟؟؟؟؟؟

سؤال ليش ما توظف واحد عنده خبرة
او تشتغل عند شركة مقاولات و تفهم اسرار اللعبة

تصميم بروفايل للشركة و تعرض نشاطتك

ماهو بروفايل ؟

[align=justify]اخوي الفاضل لا يوجد عمل مؤسساتي ناجح دون علاقات عامة وشغل واسطات احيانا انت تعيش في السعودية وليس في السويد

وعليك اولا بتاسيس فريق علاقات عامة ومسوقين وبعدها يتم انشاء بروفايل يعني ملف متكامل عن مؤسستك تجيب فيه عن كل التساؤلات المطروحة ويفضل تعمل نسخة الكترونية ومطبوعة، في الالكترونية تصمم عرض تقديمي مميز عن مؤسستك .. عن رسالة المؤسسة ورؤيتها خطتها المستقبلية امكانيتها الحالية، نماذج لاعمال سابقة قامت بها، شركاؤها وحلفاؤها بالمنطقة ..

يعني مثلا هناك مؤسسة مقاولات درجة خامسة او رابعة توقع عقد اتفاقيه تعاون او شراكة مع شركة كبيرة مصنفة درجة اولى ..
بحيث اذا حصل نقص في تنفيذ المشاريع او مشكلة من نوع معين تغطيها الشركة الكبيرة وهذا الشغلة يعمل عليها كثير من المؤسسات الصغيرة او المتوسطة

او مثلا تقوم الشركة درجة اولى او ثانية بالتعاقد مع مؤسسة درجة رابعة من الباطن لتنفيذ مشاريع اصغر بناء على اتفاقية معينة فاختيار المؤسسات ليس عشوائي او مقياسا لافضل جودة انما يتم عبر شراكات واتفاقيات معينة يتم توقعيها سلفا بين الجانبين ..

[/align]

اتمنى لك التوفيق
اختكم
سيدة مبدعة

شوف لك مسوّق واتفق معه على نسبه

حياك الله اخوي

تعمل لك اعلانات بالجرايد الصغيرة والجرايد المعروفه
+ تدخل منتديات تهتم بالمقاولات وتنزل اعلانات ونبذه عن مؤسستك مثلا :

لدي مؤسسة مقاولات :
بناء - مصنعيه - تشطيب - عظم - اشراف هندسي

مهندسين كفاءة عاليه
للتواصل : رقمك وايميل خاص للمؤسسة ..

+

تتفق مع مسوق ممكن يكون معك يداوم بالمؤسسه بحيث يكون تخصصه تسويق اعلانات الكترونيه بمختلف المنتديات المهتمه بالمقاولات
+ والفيس وتويتر بإسم المؤسسه ويتابعها يوميا ..
او مسوق منزلي يقوم بهذه المهمه ..

+

وفي اعلانات النت والجرايد تكتب يسعدنا التعاون مع الوسطاء اللي يوفر عمل للمؤسسه وله عموله مجزيه .
وبهذي الحاله تبدأ تنعرف مؤسستك خطوه خطوه .ان شاء الله.

والله يوفقك..

وبخصوص انه مؤسستك لها بمجال التجارة كمان شي طيب ماشاء الله

نفس الكلام اللي كتبته قبل توزع اعلاناتك بالاقسام المهتمه بالسلع التجاريه ..



انا وضحت لك التسويق الالكتروني ..
وبالتووفيق يارب

قبل فترة اعرف واحد سجل شركته في ارامكو من خلال موقعهم بحيث لو ارادو عمل مشروع ولا شي واحتاجوه يتواصلون معه هذا اللي ابيه يعني تكون مؤسستي عند الشركات الكبيرة بحيث لو احتاجو خدمه مني يتواصلون معي
لو اروح لم مقر الشركة اللي ابي اتعامل معها واعطيهم زي الكتلوج بتعرف الشركه ومنتجاتها وهكذا بس ما ادري على وين احطها مثل اللي يقدمون على وظيفه يروح للموارد البشرية لكن اللي يبغى يجيب مثل كتلوج خاص بشركه وين يوديه هل في قسم بالشراكه او دائره حكوميه مثل المندوب المبيعات من يتكلم معه ؟؟؟؟؟