ومن لا يودك نور عينك فراقه

راعي الجوف · #1 (**permalink**) 30-06-2008, 03:05 PM

عاد اليوم جايبلكم سالفة مع ابيات وهي امتع في القرائه من القصيد الهل

قلت يمكن تلاقي استحسانكم

هذي شاعرة يقال لها الدقيس وهي صلبية
شاعرة ذكرها المؤلف ( عبدالله محمد بن ردّاس ) في كتابه شاعرات من الجزيرة العربية
المقصود أن الشاعرة قد عشقت فارس من فرسان الشمال " قبيلي " و قد عشقها أيضا ولم تستطيع الزواج به فظلّت تتوجد عليه و حصل أن قالت قصيدتها ولم تعلم بوجود أمها وهي تستمع لكلامها حين قالت :

أمس الضحى عدّيت في راس مزبور =أشرف على راعي العلوم الدقاقة

أنــا شفاتي واحـد(ن) من هل الهـور = هو عشقتي من ناقلين التفاقة

عوق " الظـليـم " إذا تحدّر مع الخـور = دم القرا ينقط على عظم ساقه

هو صار عوق(ن) ونا صرت عاثور = و الكل منا صار شوفه شفاقة

لعب بقلبي لعبة الغــوش بالبــور = و أومى بي أومـاي العصا بالعلاقة

غديت أنا لا أحدي ..ولا بدي.. ولا أثور = ثناني تـثـنــاة الخلوج الوســــاقـة

يـا ونتي يـامـا بكبدي من الجور = ونة ضعيف(ن) ضـاهـدينه رفـاقـة

ودِّه سمر قلبي ورا مشّة الزور = سمر الحديد اللي جواد(ن) حلاقة

سمعتها أمها تردد الأبيــات فبادرتها قائلة محذرة لها من العشق و أللاعيب الرجال :

وتظهر هنا عقلانية الام.

برق(ن) يجنّب عنك .. لو كان به نور = بالك تخِيله لو ربيعك شفاقة

ترى الرجــال بهم .. تمازيح و غرور = ومن قبل بخصه لا يجي لك عشاقة

بادرت " الدقيس " أمها بجواب سريع مفحم وموجز مختصر أسكتها بقولها :

من لا إستشارك لا تبدي له الشور = ومن لا يودك نور عينك فراقه

وسلامتكم
ابي اشرح بعظ الكلمات لان القصيده قديمه ( يعني كلاماتها موهوب اي واحد يفهمها ) والي عنده سعوال يقول
معاني الكلامات:
الدقاقة: الحقير والسخيف والعلوم والسوالف الرخيصه
التفاقة: البندقيه
القرا : ذبيحة الضيف لان الرجال اذا ذبح ينزل دم الذبيحه على رجله
شفاقة: شدة الشوق

زيدان · #2 (**permalink**) 30-06-2008, 04:20 PM

الله .. الله ..

تسلم يمناك يالجوفي وبيض الله وجهك على القصة والابيات .. جدا رائعه ..

عاطل الطائف · #3 (**permalink**) 30-06-2008, 09:27 PM

الله يعطيك العافية

لاعدمناك

الملاذ · #4 (**permalink**) 30-06-2008, 10:30 PM

تسلم,,,,قصيدة رائعة

باحث عن وظيفه · #5 (**permalink**) 01-07-2008, 01:29 AM

مشكور يالجوفي على ايراد القصيده وتسلم يمينك يالذيب ......

واعجبني هذا البيت

من لا إستشارك لا تبدي له الشور = ومن لا يودك نور عينك فراقه

مَاجِد · #6 (**permalink**) 01-07-2008, 03:25 AM

من لا إستشارك لا تبدي له الشور = ومن لا يودك نور عينك فراقه

البيت هذا يا كثر اللي يحفظونه
حكمه

يعطيك العافيه خيو الجوفي

نجمه متألقه · #7 (**permalink**) 01-07-2008, 06:11 PM

قصه رائعه لولا الكلمات الالغريبه وصدق من قال:
ترى الرجــال بهم .. تمازيح و غرور = ومن قبل بخصه لا يجي لك عشاقة ...
((تدري وش اصعب شي شفته بدنياي؟؟؟؟ غلطات غيري تنحسب في رصيدي,,,,