السلام عليكم ورحمة الله وبركاته
موضوعي للمعلمات اللي يسافرون يوميا ويتركون بيتهم وعيالهم خاصه اللي فوق200 كيلو
لان اغلب وقتك بيصير بالطريق
نبي استعداداتكم وترتيباتكم
كيف بتنظمين وقتك وماتقصرين بحق زوجك وعيالك
اللي عندها اطفال يدرسون اكيد بتطلعين قبل الفجر كيف بتتصرفين
اللي ماعندها خدامه زي حالتي وش راح تسوي
هالموضوع نبي فيه الفايده
انا بديت اخطط للوقت فقط مثلا بصحى الصباح اجهز فطور زوجي واطفالي وملابسهم واتوكل على الله
هو بياخذهم الصباح للمدارس
اذا رجع من العمل يجيبهم معه
اذا رجعت على طول اسوي لهم الغداء نتغدا ونرتاح

بس هذا اللي فكرت فيه

خلونا نواسي بعض ونهونها على بعض لان اللي يده بالماء مو زي اللي يده بالنار

همتكم يابنات الوقت قصير احنا من رمضان ماتهنينا بشي لا راحه ولا نوم
والحين يبونا نداوم الاسبوع الجاي واحنا مانعرف وين بيحطونا

معلمات العام والمجربات ساعدونا والله اللذي لا اله الا هو اني بهم لا يعلمه الا الله
خاصه ان شرط زوجي اروح يوميا

الله يفرج لنا

ويعينك
ان شالله البنات يفيدونك بتجاربهم

انا يابنات متعينه بحفر الباطن وعندي اطفال صغار مو بالمدارس ولا عندي شغاله
والله مره مهمووومه ومحتاره اذا داومت فين اخليهم بالذات ان زوجي مايقدر ينقل عمله معانا
ولا اعرف فيها احد ممكن اخلي عيالي عنده
لا تقولولي حضانه لانه لو وجهوني لقريه بضطر اخرج من بدري قبل ماتفتح الحضانات

للأسف إلى الآن مني قادرة أخطط كله راح يعتمد على مكان التوجيه
و ربي لن يخيب لنا رجاء بحوله و قوته : (

مشكوره سعادة حظ وربي ييسر للجميع ويكتبلنا الخير[align=center][/align]