[align=center]نفس خشتي وانا كل يوم وانا ادور وظيفة ^_^

السلام عليكم
كيف الحال طيبين انشالله

الصراحة معكم حق لو تقلون فاضي ومنزل موضوع بس انا منزل الموضوع استفسار

طبعنا الصورة ذي تنطبق علي وانا كل يوم جالس احوس بين هالشركات ادور وظيفة
انا عندي سوالين بس

اول سوال
الحين وش وضع هالشركات كل مارحت لشركة وقالو لك معك خبرة على اساس اني يبي يشغلني مهندس ولا مدير تنفيذي على شان يطلب هالخبرة
والوظيفة كلة ماتتعدا استقبال ولا مراسل ولا كاتب يعني توي مكروش من الجامعة من وين اجيبلك خبرة شي يقهر قسم والمشكلة يجبون ناس من برا الديرة بدون خبرات ويخلونهم يتعلمون عندنا وحنا يطلبون خبرة

ثاني سوال

الحين اذا دخلت بعض الشركات وكلمت بعض الموضفين الي من برا الديرة وقلتلة وين مدير التوظيف ويقولك وش تبي فية اقولة ابي وظيفة يقول اصلنا حنا مكتفين وحنا نبي نقلل العد ويمكن نقفل الشركة لن الشركة خسرانة اعوذ بالله حسيت اني شارون جاي ادور وظيفة يوم تحط كل هالعذريب ذي كل ذا على شان ماتوظفن

النكتة اني يوم الاثنين كنت ابي اطلع من البيت واشوف اللبس البكستاني لبس المكاشيت والصيد معلق قلت ياولد خل البسة واجرب ادور وظيفة طبعنا لبست اللبس الباكستاني والطاقية الافغانية وعلى كم كلمة مكسر طبعنا نزلت عند كم شركة وادخل اشوف بعض الموظفين الي داخل هالشركات من الجنسيات العربية اقول صديق فية وزيفة هنا يقول اله ازاي مافية وزيفة وويجلس يعدد علي كم وظيفة صح انة الوظائيف كلهن بين سواق وعامل بس اسمي لقيت وانا لابس لبس باكستاني واذا قلت انا سعودي قال اصلنا مافية وظائف لسعودين طيب توك تقول فية اصلا انا كنت فكرك اقنبي يارجال اجنبي اجل انا مستعد اشتغل وظيفة الاجنبي ويعطيني رد قوي يقول نبغا نشغلة على شان ننقلة على كفلتنا

انا ابي حل لها الوظع ياشباب وانا الصراحة منزل الموضوع ابي افهم لية يحطون قدامك مليون مطب وصبات وتحويلات وحبوس وردميات كل ذا مايبون يوظفون ولد الديرة فوق كل ذا يقول ابي خبرة طيب انسان توة مخلص ثنوي ولا مخلص كلية ما امداة يشتغل على شان يجيب خبرة وش يسوي بعمرة طيب انسان مثلي انكرش من الجامعة وماخذ الثنوي لة ست سنين وقالت مالي الا ادور وظيفة كيف تطلب منة خبرة وش بيدة يسوي يعني على شان يجيبلك خبرة الرجال كان يدرس وامورة بالسليم بس مالله كتب لة يكمل انكرش وقال خل اشتغل لية ماتقولة انا ابي اشغلك ثلاث تشهر تدرب واعرف الشغل وبعدة ان اثبت جدارتك شغلتك والمشكلة اغلب الشغلت بالشركات سهلة مثل لو قالك سكرتير امرة بسيط ولا استقبال مثل امرة هوين يعني فية شغلات ماتحتاج لاخبرة ولا شي
الي ضحكني قبل كم يوم طالبين معقب ومشترطين انة يتكلم انقليزي ياخي معقب ذا تبي ترنة الشموس بها القوايل واهو يخلص اشغلك وش تبي الانقليزي يوم تطلبة بس لازم يحاول يصعب الموضوع عليك باي طريقة

والى هالحين وانا احوس ادور وظيفة وانشالله ربي يبي يرزقن من عندوة[/align]

والله وانا اختك مانقول الا
حسبي الله ونعم الوكيل

والشروط والمطبات لاحظناها من مسؤولين التوظيف وماعندهم سااااااااااالفه تلقاه هو نفسه مايعرف انجليزي وشغله الله بالخير المعامله ماينجزها الا الشهر الجاي
وتخيل من ناحية الوظائف المفتوحه للجنسين
تجيك الوحدة لاخبرة تسوى ماتعرف كمبيوتر انجليزي انسى
بس تقوم تتميع وتسوي حركات عند المدير او المسؤول خلااااااص يحطلها وظيفه ملكية وياوييييييييل احد يزعلها


كلمة اقولها للمسؤولين
من تسبب بتعسير امور المسلمين
من قطع ارزاقهم
من ظلمهم
من وضع العقبات
من جعل اهوائه الشخصية هي اللتي تقرر

{ إِنَّ رَبَّكَ لَبِالْمِرْصَادِ }

وبالتوفيق للجميع لما فيه الخير

خخخخخخخ حلوة تميع عاد ربعنا الله بالخير مهب شايفين خير

يابنت الحلال الدعوة سهلات مادام الواحد عايش ورايق ذا المهم والامور بيد الله يفرجة من عندة

ولله ياخوي انا اعرف سوري مامعه إلّا ثانوية جاء هنا واشتغل في دهانات الجزيرة واعطوه دورة والأن هو مشرف مشاريع !!

البلا من هالشركات مايبون عيال الديرة على شانهم شهبان لهبان يبون ابو خدود حمر وعيون زرق اما ابوخدوم مشقة ومشهبة مايبونة <<<وصف بليغ

صادق وانا اخوك

المفروض الاولوية لعيال البلاد

فوق مإنّهم مو جالسين يدفعون ضرائب مثل الدول الثانية

جالسين يفضلون الاجنبي على السعودي !!

الله يوفقك وييسر أمرك يالغالي

فالغالب الشركات اذا عندها نقص , تعلن و تعرض الوظائف في مكاتب التوظيف واشهرها باب رزق جميل أو صندوق الموارد البشرية أو طاقات

[align=center]يارجال خلها على الله عندنا وعندك خير انا لي سبع شهور متخرجه واحس لي سنين
حامت تسبدي والله ماتركت موقع ماحطيت سيرتي فيه وقبل كم يوم طبعت اوراقي وقلت بشوف المدارس الاهليه رحت لمدرسه المسؤؤله تقهر قلت لها ابي اقدم قالت مافيه وظايف انتي مين قال لك! قلت مو مشكله اخذي الملف ولاصار فيه خير ومسهلا واذا لا منتي خسرانه شي ! وقامت تقول لازم الشهادات الاصل وتطبعين بطاقه الاحوال وجه وقفى ! سلامات وجه وقفى وش تبي بصوره الشعار
واللي يقهر انها ماتحط عيني بعينها جالسه تمسح غبار الطاوله! مسكت معها تمسح يوم اكلمها ! انواع التصريف وقلة الدبره ! واطلع من عندها باوراقي حسبي الله عليها حسيتني اشحد واللي يقهر زياده كان فيه اجنبيه شكلها مصريه تعبي استماره
صار اول مادخل النت تحضير عند وزاره العمل والخدمه المدنيه ومواقع الشركات والغرفه التجاريه وحافز لازم احدث كرهت النت وهو كان مصدر سعادتي
ماعليه مصيرنا نتوظف طال العمر ولاقصر لاحياة مع اليأس ولا يأس مع الحياه> هالجمله حافظتها كانت مكتوبه على جدار مدرسه بحارتنا القديمه[/align]

يقول المثل شر البلية مايضحك هالحين الواحد لاهو متشرط ولا هو قايل شي راضي بكل شي صح اني رافض مبدا كاشير ولا سكيورتي ولا معقب بس راضي بكل الوظايف الباقية ولاكن ما لقيت شي

المفروض على شان الواحد يضمن انة يلقا شغل قبل مايروح لي شركة يجيب علبة فيري ويدهن خشتوة ويخلية تلمع خل المشق الي بالشدوق يروح والشهابة تخف شوي خخخخ

كيف مالقيت حرام عليكم والله الوظائف في كل محل خلنا نكون واقعيين اذا انت في الرياض عططني رقمك ان شاءالله ادبرلك وظيفيه انتظرك راتب 4 الاف وفوق