٨

انت مهندس .. طيب ايش مسمى الوظيفة اللي ترشحت لها في جدارة ؟


ونصيحة خلك على وظيفتك ماشاء الله راتب عالي ومنصب .. وخبرة
ودائما القطاع الخاص متجدد ومتطور بعكس الحكومي يغلب عليه الرووووتين

والله يكتب لك الخير

سبحانك اللهم وأتوب إليك واستغفرك

خلك على وظيفتك نعمه
تامين طبي للعائله كلها
راتب ممتاز
زيادات سنويه
30 الحمدلله وشكر نعمه + ازين من 8 او 7 زين بعد اذا عطوك مرتبه مادري كم
ويمكن يحطونك في منطقه نائيه + ولا يبعدونك عن اهلك

تبي تضمن نفسك كانك حكومي اشتر لك عماره او شقه واجرهاااا + تضمن راتب شقق حكومي

خالي مهندس بس ماادري وش تخصصه ويشتغل بادارة التعليم من سنين
على المرتبه الثامنه وماادري اي درجة بس ماهنا زود رواتبهم اتوقع 16-17 الف بعد هالسنين
ولما خذ الماستر طلعت روحه على شان ترقيه المرتبه ومااستفاد ماقبلوها
طبعا كانت تجيه عروض شركات قويه رواتب حول 25 وتأمين طبي وبدل سكن و14 راتب بالسنه بس كان يخاف يطلع من وظيفته ويندم لان القطاع الخاص مجهد وياخذون قوة الموظف وبس يضعف ادائه يسلمونه الباب يعني ماهنا امان واستقرار

خلك على وظيفتك نصيحة الحكومة دخلها مو مرة مقارنة بالخاص
حتى لو لا قدر الله تركت شغلك أو فصلت منه بالخاص بإمكانك تحصل وظيفة ثانية وبراتب مقارب للأول لأن تخصصك حلو ما شاء الله وخبرتك طويلة
الحكومة مكافآتها قليلة لا تكاد تذكر لو بتكوّن نفسك وبتسوي مشاريع ماقدرت بسبب ضعف الراتب لأن الراتب ما يلحق الراتب عكس الخاص بإمكانك تبني مستقبلك بأريحية وتعيش بمستوى ممتاز
لا يغرك مسمى حكومي وإنك تضمنه و و و ....... الشركات الخاصة كثيرة وبحاجة لأشخاص مثلك
أعرف ناس مهندسين تركوا الحكومي وراحوا الخاص يقولون خلق وفرق تونا عرفنا الحياة كنا مظلومين بالحكومي
استمر على وظيفتك بالخاص أفضل لك وسنة ورا سنة راح تشوف التعزيز منهم والمكافآت خصوصا لا صرت مخلص بعملك
والله يكتب لك اللي فيه الخيرة

انا زوجي كان معه خبره ٨ سنوات حولك يعني وعينوه مستوى زي الخريج اللهم مرتبة اعلى ب ٣٠٠ الى ٤٠٠ ريال
لوك بنت بقولك رح لحكومه دوام اقصر واجازات بس رجال واول شبابك تذبح نفسك مع الحكومه براتب ٨ والا ١٠ الاف ليش
الي يقولك مو امان انت بشركة كبيره واخذت مكانها في السعوديه ولو طلعت ستين شركه تبيك
الحكومي زين للي راتبه ضعيف او حتى مقارب للحكومي ويبي يرتاح وشركته ماهناش ممكن تطرده ماحد يطلعونه بدون سبب
اممم لو انا مكانك بلغي فكرة الحكومي بنسبة ١٠٠ بالنسبه لوضعك الحالي

اسأل الله العظيم رب العرش العظيم ان ييسر امورك ويكتبلك الخير اينما كان ويرزق كل محتاج ياحي ياقيوم

الله يجزاكم كل خير ياخواتي وانا شاكر ومقدر مشاركتكم القيمة والله يجعله في ميزان حسناتكم ... ان غدا لناظره قريب .. باذن واحد احد متوجه غدا لفرع الخدمة المدنية وبشوف ايش تفاصيل خطاب التعيين وبقرر بحول الله... انا صراحة عارف كل الكلام الي قلتوه وماني متعشم كثير .. بس خلينا نشوف الربع ايش عندهم ..

تم مراجعة فرع الديوان المحترم في الدمام ... هههههههههههههههههه ...... هههههههههههه ... شي مضحك مبكي ... الوظيفه مهندس كهربائي مساعد في وزارة الشوون الاسلامية والاوقاف فرع سكاكا ع المرتبه ال 7 المربوط 8 ونص ... لاحول ولاقوة الا بالله ... فعلا شر البليه مايضحك ... الشره مو عليهم , الشره علي الي فكر فيهم ... والله يوفق الجميع

لا تضحك اخوي ،، قل الحمدالله الي اغناني من فضله واكرمني بكرمه


فيه من يبي هالراتب وبيقول الحمدالله ،،، رغم ان التخصص حلو والمعدل مرتفع والخريج ماشاء الله تبارك الله



بكل الاحوال ،، ربي يوفقك ويوفق كل عيال هالبلد