مساكم الله بالخير يااخوان والله يعطيكم العافية جميعا ....

بغيت لاهنتو نصيحة في وضعي ... انا خريج جامعة الملك فهد للبترول والمعادن تخصص هندسة كهربائية سنة التخرج 2004. مجموع خبراتي العملية 10 سنوات بين GE و SIEMENS و Mobily ... وظيفتي الحالية مدير تنفيذي اقليمي في موبايلي ومن كم يوم طلع اسمي في جدارة لاستكمال اجراءات الترشيح والتوجيه للجهة الي راح اشتغل فيها ... انا صراحة متردد كثير ... اولا شكل ماراح يحسبون سنوات الخبرة وراح يعاملوني كاني متخرج جديد ويحطوني على مرتبه ماتسوى , فهل هذا الكلام صحيح ؟؟ ... ثانيا الراتب , لله من فضله الراتب فوق ال 30 الف .. بس مع وظيفة الحكومة مااظن بحصل نصه ... ايش النصيحة يالربع ؟؟؟ ... علما اني ذكرت سنوات الخبرة واخر مسمى وظيفي في ملفي بموقع جدارة ...

مع خالص الشكر

مبروك التخرج

يجي من يفيدك

ماشاء الله تبارك الرحمن ..
أتوقع انك تبغى الوظيفه الحكوميه لان الميزه الوحيده فيها الامان الوظيفي والاجازه الطويله نوعاا ما ..غير كذا ماشووف اي ميزه بوظايف التعليم الحكومي لامن تامين طبي ولا سكن ولا شي ..غير وجع الراس من الطلاب ..
عموما انت ادرى بوظيفتك اللي انت فيها خذ لك ورقه وقلم واكتبي جميع ابجابيات وسلبيات وظيفتك الحاليه وقارنها في لو تعينت معلم ...
وترى الحين اغلب الناس صارت تدور اعمال حره اضافه لعملها الحكومي ،،يعني عصر مابي الا وظيفه حكومي رااح ..
صحييح موظفي القطاع الخاص عليهم ضغط ضغط ..لكنهم ماشاء الله معوضينهم براتب مرتفع وبدلات وتامينات مثل الشركات المتعاقده مع سابك ..
واول واخيرا لاتنسى الاستخااااااره ثم الاستخاره ..

اذا مرتاح خلك في مكانك مع ان القطاع الخاص مهما اعط راتب. غير مرضي للجميع لان أنظمتهم ضد موظيفهم ويمكن اي زله مع الباب اما الحكومي راح نفسيه وأمان وظيفي والدوام ممتاز وراح تمسك مناصب قياديه في الجهات الحكوميه. اما الخبرة راح تفيدك خدمه وكذلك لو جات مسابقات وظيفيه اعلا من المرتبه الا انت فيها راح تفيدك. واستخير افضلك. والسعادة ليست في المال وانما راحة الجسد هي الأهم سوا مقارنه بين الشركه والحكوميه. من ناحية الإجازات. وكذلك انظر للمدي البعيد كيف بيصير وظعك في الشركه. علي حسب خبرتي كل ما طولت في الشركه راح تصعب الامور من ناحية الراحة وكذلك المكانه الوظيفيه. لن تجلس طول حياتك مدير تنفيذي. يمكن يجي من يأخذ مكانك بطريقه اخرى. وحط خط تحت كلمت اخرى. هذا وجهة نظري والله اعلم. وانا أحدثك عن نفسي كوني اعمل في شركه كبري وحكوميه وخبره خمس سنوات. فما لاحظته ان الشركات. تعب نفسي وكله من اجل تحقيق هدف معين خاص فيهم وما همهم صحتك. ودوام مقرف. والحمدلله الله رزقني بوضيفه عن طريق جدارة. واستخرت وقارنت. ووجت ان السعاده ليست في المال وانما الشخص المناسب يكون في المكان المناسب. والخيار لك وهذا وجهت نظري

ماشاء الله
صلي استخارة
انا اشوف الحكومي ميزته فقط امان حتى لو اجازة يعطونك الراتب كامل
اما الخاص له مميزات الراتب عالي ودورات لكن مو مضمون البقاء فيه مدى العمر
انت استخير الله واللي يريحك افعله
سبحان الله والحمدلله ولا اله الا الله والله اكبر
لا اله الا الله وحده لا شريك له له الملك وله الحمد وهو على كل شي قدير
لا اله الا انت سبحانك اني كنت من الظالمين
استغفر الله واتوب اليه
ولا حول ولا قوة الا بالله العلي العظيم

علفكرة اغلب المهندسين يفضلون الشركات لعشان رواتبهم عالية ويعطون دورات باستمرار يعني حلوة
المهندس افضل له شركة

عمرك بالثلاثينيات يعني كلها كم سنة وتكمل الأربعين خلك بوظيفتك أفضل لأنك متعود على الروتين

جزاكم الله الخير يااخوان وشاكر مروركم وتفاعلكم الكريم ... وجهات نظركم سليمة وأنا إلى راح يساعدني ع القرار بعد استخاررة رب العالمين هو معرفة الوظيفة أولا والراتب ثانيا واحتساب سنوات الخبرة ثالثا

ماشاء الله تبارك الله
الله يوفقك ويكتب لك اللي فيه الخير
نصيحه من أخوك الصغير خلك على عملك
ولو رحت للتدريس راح يضيفون لك سنوات الخبره ذي
وترتفع مرتبه او مرتبتين لكن ما تفيدك بالراتب زياده
200 ريال او اقل بعد

تسلم بسام ... بس انا مهندس مش مدرس