[align=center]السلام عليكم ورحمة الله وبركاته ..

انا بنت وعمري 23.....
افكر بمشروع (صغير) ابدا فيه طريقي
عرضت كذا مشروع على اهلي ومااشوف منهم الا التخويف والتحطيم وان افكاري وطموحاتي عاليه ...وبعدها اتخوف واكنسل الموضوع ...
لكن الان بإذن الله عزمت ابدا بمشروع بيع التمر بجدة
مح استعين ب أي احد من اللي حوليني بحاول اسوي كل شيء بنفسي وجيتكم باخذ رايكم ومعلوماتكم


اولا :ببدا بمبلغ صغير جدا تقريبا 2000 ريال
: بشتري تمر خلاص_سكري , بوصي عليه من موقع بالنت <-مالقيت قدامي الا هذا الحل ,
لاني عرضت على اخوي الكبير يروح بنفسه او يوصي احد من معارفه يرسلنا , ولكن مالقيت الا التحطيم

ثانيا :اذا وصلني التمر بحتاج اشتري فريزر تبريد ....رايكم ؟

ثالثا: طريقة بيع وتوزيع التمر :
اعطي خبر للاقارب والمعارف واعرض بالنت والانستقرام .....الخ رايكم ؟
<-- مالقيت الا هذي الطريقة للبيع لان كان براسي اني اتفق مع محلات او سوبرماركات يعرضونها عندهم , ولكن هذي الشغله يبيلها رجال يلفلف وانا اخواني مايساعدون نهائيا

رابعا :بحتاج سواق يوصلي اذا احد طلب




بالمختصر لو اني رجال كان هانت علي طريقة الشراء والبيع والتوصيل والتوزيع ....الخ

اتمنى تعطوني نصايحكم واقتراحتكم او اي معلومه انا غافله عنها


.

[/align]

وعليكم السلام ورحمة الله وبركاته

اختي اول شي
ايش اللي يخلي الناس اللي حولي يشترون مني ويتركون اللي بمحلات التمور والسوبرماركات

الشي الوحيد اللي يخلي الناس تشتري مني هو فقط التميز
تميزي بالمنتج وراح تلحقين خير

اختي .. اهنيك على طموحك والله يوفقك

نعم التميز هو الي يخليك تفوقي على غيرك .. كما ذكرررر بالرد الي قبلي


مثلاً.. جيبي التمرر .. وسوي له حشو مكسرات .. او لوز . وحطي عليه طحينه وزبطيه بعلب .. وبيعي بالنت او على المحلات .. والتجاره يبيلها صبرررر والله يرزقك ويوفقك ...

فكرة حارس أمن جداً رائعة

واقترح تاخذين افكار من محل إسمة " تمرية " عندهم تمر بالمكسرات ومعة صلصة .. جداً رائع ولذيذ عيبة إنة غآلي

مشروع محل تمور ما يصلح لك أختي

لكن ممكن تشرين تمر وتسوين منتجات من المنزل وتبيعينها على محلات التمور وعن طريق النت
وانا اعرف صديق لي صاحب محل تمور يأخذ المنتجات هذي من شغل بيت
وهذا مشروع ناجح ان شاء الله واقل خطورة.

انا من القصيم وممكن اساعدك بالموضوع.

[align=right]

الفكره ليست كيف تشترين التمر لان التمر مليان السوق منه

الفكره انك وش تسوين من التمر نفسه ..
الاخوان هنا ماقصروا اعطوك بعض الاشياء مثل حشو التمر بالمكسرات

ويبغالك تتفننين في التغليف لانه هو الاهم هنا

وتحاولين تتعاملين مع المدارس والدوائر الحكوميه ..


بالتوفيق ..

[/align]

[align=center][/align]ذكرتيني بنفسي أختي العزيزة ، عندما بدأت و كنت أصغر منكِ بقليل
لم أجد إلا التحطيم و التخويف ، لكني لم أتلفت ، و عملت كل شئ لوحدي
.. لأني عرفت أن لا أحد سيفيدني غير نفسي ..
و حتى اليوم بعد أن تقدمت في عملي ، و أصبح لدي رأس مال لا بأس به
هم ما زالوا يحاولون تحطيمي ..
أنا مثلكِ وحدي مع وجود الإخوة إلا أنهم للأسف كإخوتك " ما فيهم فايدة "
.. كلهم يعارضون تجارتي و لا يتوقفون عن نصحي بالركض خلف التعيين
أو وظيفة لا تُسمن و لا تغني من جوع .. مساكين لم يعلموا أن في التجارة
خير و بركة لا تتوفر في أي مهنة أخرى ..
آسفة للإطالة أختي .. فقط أحببتُ أن أخبرك بأنكِ لستِ وحدكِ و إن بدا لكِ ذلك
، أنتِ على الطريق الصحيح بمجرد تفكيرك في التجارة .. فقط توكلي على الله
و خذي بنصائح العارفين ، و إن شاء الله تصلي إلى أكبر مما تطمحين إليه .

أختي اذا تبغي تمور من المدينة المنورة بالجملة انا على استعداد لتوفيرها لك
ايضا لدي طريقة للتعاون مع مصانع التمور ممكن يبيعونها لك بالجملة و يشترون لك ايضا
ايضا اذا حبيتي تشتري تمر و توزعي على المحلات ممكن اقدر افيدك بس ما ادري اقدر افيدك بجدة ولا لا
راح اشوف كيف الوضع و ارد عليك
لكن السؤال الاهم .... لماذا اخترتي طريق توزيع التمور ؟
هل رغبة منك في مشاريع التمور خاصة و تطمحيين للتميز في هذا المجال ؟
ام تبحثين عن مشروع تترزقي منه فقط ؟
لان مجال التمور يبغاله تعب و جهد خاصة للسيدات مثلنا لانك مضطرة تعتمدي على رجل في التوزيع

الله يوفقك في رزقك

اختي بيع التمور ذهب بس بكونك بنت ولي فهمتو من كلامك صعب جدأ عليكي هذا ليس تحطيمنا بل عن تجربه شخصيه لمده 11 سنه

كلمي احد اخويكي على هذا الشغل لان فكرتك حلوه وجميل بس نصيحه مني لكي

عليكي بالصبر

فمان الله