النقل في السنتين الاخيرة من اسهل ما يكون باذن الله وراح ندخل حركة النقل في شهر ١١
توكلي ع الله
انا من الرياض وطلع التعيين في نحران والله ييسرها

فيض المنى الله يسعدك يارب هونتي علي والله
انتيفي نجران طيب وش تخصصك

صلي و استخيري و ربي يكتب لك الخير و يسهل امرك و يسعدك

الله يهديك ليش حطيتها اصلا ليش الوحدة ماتفكر وتستخير قبل الاختيار وخاصة انها تعرف مسبقا ان ظروفها ما تسمح لها .. الله ييسر لك امورك الرياض ماتقدري تتعيني فيها الا اذا شاب شعرك فاستخيري خليك بنجران وانقلي لمدينة قريبة من الرياض تقدري تروحي وترجعي بنفس اليوم لين الله يفرجها عليك وترجعي للرياض

اعانك الله والله وضع صعب بس فيه كثير في بيشة متزوجات ومن مناطق بعيدة وعندهم اطفال صغار وفيه اولادهم في المدارس ورايحين ..
انت شوفي وضعك مع زوجك والله يسهلك

جربي تقدمين اجازه استثنائيه لين الله يفرجها
بس نصيحه الا الاعتذار عن الوظيفه لا تفكرين فيه هذا رزقكك تمسكي فيه
الله يوفقك ويوفقني ويوفق كل البنات ؛( < حطوني بـ عقلة الصقور خارج حدود الكون
والحمدلله على كل حال

جربي يمكن تتأقلمي باشري ولا تاخذي ولا اجازه اذا تفكري بالنقل
يمكن ربي يسخرلك في نفس المدرسه حضانه او جنب المدرسه ومن تجربه السنه تمر بسرعه شوفين انا هذي اسنه الثانيه ومغتربه السنه الاولى صعبه عيا والثانيه اسهل
وقسمك حلو يمكن تنقلي على قرى الرياض جوا اليوم معلمات من نفس قسمك تعينوا العام وهذي السنه نقلوا على قرى قريبه من ديارهم تبعد 100 كيلو فقط
تخصصك فيه عجز بمدارس الابتدائي من واقع تجربه للحين يندبون بنات من قسمك لسد العجز والسبب اغلب المعلمات قديمات معهد معلمات ومايفهموا للرياضيات المطور وحتى البكالوريوس يرفضو وبشده تدريسه
توكلي على الله وروحي ومصيرها تصير ذكرى وتضحكي على نفسك يوم فكرتي تستقيلي

باي باي حافز قولي امين ..الله يفتحها في وجهك ويعطيك فوق ماتتمني
والله العظيم ريحتيني بشكل موطبيعي حمستيني الله يوفقك

تخصصي لغة عربية
هذا رزقك ومكتوب لك واحمدي الله عليه ويارب يجعلها عليك من النواصي المباركة