03-10-2013, 02:24 PM
|
عضو نشيط
|
|
تاريخ التسجيل: Sep 2013
المشاركات: 196
معدل تقييم المستوى: 23
|
|
السلام عليكم ،
توني جاي من قاعدة الملك فيصل البحريه بجدة ..
موعدي كان اليوم الساعه 7 ..
هذا ماحدث معي ب التفصيل الممل ، وراح اذكره ، لاني لما اسأل اسئله احصل اجوبه من الاخوان
وراح اقول كل الي عندي عشان لو احد يبغى يعرف معلومه او شي يكون عنده خبر ، وسويت الي علي ان شاء الله
..
حركت من البيت الساعه 6 ، ضيعت مكان القاعده  ، لفيت ودرت واخيرآ حصلتها عند دوار النجوم قبل الموعد ب 15 د تقريبآ ، او 10 د
جيت فرحآن بدخل من البوابه ، رجعني العسكري : (
قال وقفها وادخل امشي ، الدخول بس للعكسر المداومين ب القاعده ..
وقفتها ب البرحه الي جنب البوابه .. ودخلت امشي
مسافه شوي طويله ، مشيت ، ومشيت ومشيت :|
حصلت بوابه ثانيه كبيره ، ومادخلتها في باب قبلها صغير على اليمين يطلعك
دخلته وحصلت باب مكتوب عليه مكتب التجنيد ..
دخلت المكتب ، جلست حصلت قدامي ممكن 70 طالب ان ماخاب ظني ..
جلست ، اوراقي معي في ملفي ،
وشوي جا رقيب وهذا بتمام الساعه 7:00 ، جلس ب كرسي الاستقبال
وقعد ينادي الطلاب واحد واحد ب الدور ،
والي يروح عنده يقول له اسمه ، وهو يطلع اسمك من اللسته الي عنده ، ويحط قدامه صح .. ويعطيك ورقه تعبي بيانات ، ويقولك لاتعبي ولا شي انتظرني اعلمكم : )
المهم ي طويلين العمر خلص الرقيب واعطا كل الطلاب اورآق ،
وجا قال لاحد يعبي ، راح نقيس الوزن والطول اول شي ،، بعدين الي قياسه مناسب يعبي
المهم صفونا ب الدور يقيسون الوزن والطول، ويدفون ويمشون عيال كثير على فكره
الي طوله اقل من 165،يتوكل على الله ويروح باذن الله يمشي
المهم طحت انا بواحد متين واسمر توووه جا وفك الميزان الثاني وقالي تعال
رحت عنده وسميت وتوكلت على الله وشديت نفسي على الميزان وقست الطول
انا طولي برآ 165 ، طلع عندهم 167 ووزني 55
صراحه متساهلين جدا جدا جدا بشكل م تتصوره وتعامل الموجودين ب المكتب عسل ويطقطقون ويتونسون معك
بعدها الي طوله تمام ، ووزنه يجسلهها ب الورقه الي عطوك ايياها اول شي
ويقولك اجلس اخر شي على الماسات والكراسي الي ورا و يجيك ويعلمك كيفية التعبئه الرقيب
تدخل بيانات هويتك طبعا ب الفراغات المناسبه " المصدر ،رقم الحفيظه ، جهة الحفظ ، تاريخ ميلادك ، تاريخ اصدار الهويه ، اسمك كامل "
بعدها نجي لمعلومات الوالد ،
تكتب اسم ابوك رباعي +تاريخ ميلاده + نشأته + هل هو سعودي الاصل والجنسيه ام لا
الفراغ الثاني تكتب اسم جدك من ابوك + نشاته +ميلاده+ هل هو سعودي الاصل وجنسيه ام لا ،
+ الفراغ الثالث اسم جدتك من ابوك + نشأتها +ميلادهآ+ هل هي سعودية الاصل والجنسيه ام لا ،
--
الفراغ الي بعدها، تكتب اسم امك الرباعي +تاريخ ميلآدهآ + نشأتها + هل هي سعودية الاصل والجنسيه ام لا
+ الفراغ الي بعده جدتك من امك، + نشأتها +ميلادها، + هل هي سعودية الاصل والجنسيه ام لا
+ الفراغ الاخير جدك من امك، +نشأتها + ميلاده + هل هو سعودي الاصل والجنسيه ام لا
---------
تخلص من الورقه ،
تنزل تحت المؤوهل العلمي ومعلوماته ب التفصيل
مثلآ " ثانوي ، علمي ، النسبه 90% ، سنة التخرج 1434 ، المدرسه عبدالرحمن الغافقي ، منطقة المدرسه مكه المكرمه ..
__
تخلص من هذي المعلومات وتدخل رقم جوالك + رقم جوال الوالد + رقم جوال قريب + رقم هاتف المنزل .
بعدها تقوله خلصت ويتاكد انها تمام الرقيب ، ويعطيك ورقه ثانيه ..
الورقه الثانيه تكتب فيها بس 3 اشياء
+ دورة الموسيقى ، اعلى الصفحه تكتبها ،
ثاني شي تكتب رقم طلبك ..
ثالث شي تكتب اسمك الرباعي ..
وبس ..
--
تقوله خلصت ، يجي يعلمك كيف ترتب الاوراق مع الاوراق الي جبتها من البيت
صورة كرت العائله والموهل ... الخ
وتنتظر في السرآ ، لحد م يجي يدورك وتسلم له الاوراق بالترتيب ،
لما يناديك تروح له تسلم الاوراق ، ويقولك اجلس في اليسار
-
تنتظر تقريبآ 10د او 15 د وينادي اسمك ،، تقوله سسم :D ..
يقولك تعال ، تروح له ويعطيك اوراقك
ويقولك ادخل المكتب المقابله : )
تدخل وتسلم على المموجودين
انا لما دخلت حصلت 4موجودين
رئيس رقباء ، رقيب اول ، رقيب .. وكيل رقيب
سلمت عليهم وجلست ع الكرسي :D .. وقلي اوقف اوقف :P ..
وقفت وقلت له سم ،
قلي وش هذآ على اسنآنك ؟؟؟؟
قلت له تقويم طال عمرك  ، قلي اسنانك سليمه ماركبت شي ؟؟؟
قلت الحمدلله سليمه ،
وشوي كلمني الرقيب ، وقال ي ولدي انت سليم / مافيك فتاق،مافيك مرض ؟؟
ترا هذي موسيقى وألآت موسيقيه لو مش سليم وسكت انت بتضرر على نفسك
قلت الحمدلله انا سليم ،
وشوي كلمني رئيس الرقباء وهو سجل ب الورقه درجاتي
قالي تحب الموسيقى ؟ قلت احب الموسيقى اي :D
قال ردد معي
تيرآ رآ رآ
ردد وراه تيرآ رآ رآ :D
قالي : تمام عليك
وش تعرف تعزف ب الموسيقى ؟؟
قلت بس اعرف ادق مرواس
قالي دق كذآ > حط يده على المكتب ودق دقتين بيد وحده ترويس
ودقيت مثله واحسن منه كمان :D
قلي ماشاء الله يدك سليمه واصابعك طويله ،
وبعدين قلي ي ولدي انت عارف وش يعني دورة موسيقى ؟؟؟؟
يعني سنتين دوره ، وكل شهر 900 ريال مكآفأه شهريه
وبعدها تتخرج برتبة عريف .
انت راضي بهذآ الشي ؟؟ قلت نعم راضي وراغب ولو مابغاه ماقدمت عليه
قال الله يوفقك ، روح اجلس على هذاك الكرسي
رحت وجلست وجاني رقيب اول ،
يختبرني اختبار المقابله
قالي اول شي : اقرا صورة الآخلاص ..
وقريتها له بشكل سليم
قالي ثاني شي : كم في بحر ب السعوديه ؟؟؟
وقلت له اثنين ، البحر الاحمر وبحر الخليج ..
قالي ثالث شي / اذكر اسم النبي كامل
قلت له / ممحمد بن عبدلله بن عبدالمطلب القريشي
قالي وش قبيلة النبي ؟ قلت له القريشي
قاله الله يوفقك تفضل وخل الي بعدك يدخل
---
رحت جلست ب صالة الانتظار ، وشوي نادو اسمي وعطوني الملف الي فيه اوراقي ودرجاتي للمقابله
ودخلت على مدير التجنيد " عقيد " دخلت المكتب سلمت عليه
اول م فتح الملف حقي انكب فنجال القهوه ع المكتب :D
قلت له بصوت عالي انا " اسسلم " قالي الله يسلمك
وشوي قالي وش اسمك ؟ قلت له اسمي ،
قالي انت فاهم وش يعني دورة موسيقى ؟؟؟
يعني 4 اشهر دورة فرد اساسي وسنتين دورة تخصص
يعني سنتين فقط مكافاة 900 ريال
وكل شهر اختبار = 24 ااختبار
لازم تنجح فيها كلها ، وعندك سنه احتياط لو رسبت ، فرصه تكرر وتجتهد
لو مانجحت كل تعبك يروح هبائآً منثورآ ، وتنطرد من المقر
قلت له ان شاء الله اشد حيلي م يحتاج
بعدين قلي انت نسبتك عاليه وش تبي بالعسكريه ؟؟
قلت له الواحد لازم يضمن شي من بدري ،ماتدري بكره وش يصير ب الوظائف
وابغى اساعد الوالد واتزوج واكون عضو فعال في المجتمع
قالي الله يوفقك ، ووقع على الورقه
وقالي روح وديها الغرفه الي جنبي " الحاسب الالي "
وديتها الحاسب الالي ، وقالي روح اجلس ونناديك
قعدت يمكن ساعه ، ونادو اسمي ،،
قالو اعطينا صورتين لك شخصيه
عطيتهم الصور ، قالي روح اجلس
جلست يمكن ربع ساعه ، وشوي نادا ب اسماء الموجودين
كل واحد يروح ياخذ اوراق " المستشفى الفحص الطبي ، بصمات من الشرطه ، ورقه للاحوال"
وقالو موعد التلسم 29+30 من شهر 1 .. ولون الملف برتقالي
بالتوفيق لكم ،
_______________________
هذا ماصار لي اليوم ب التفصيل ، اتمنى انكم تستفيدون والي عنده اسئله يلقى اجوبتها ،
والي يبغى يستفر انا تحت امركم ،
مابغى منكم شي الا دعوتكم لي ب القبول النهائي ويوفقني ربي ويخليني اعدي ب الفحص على خير ..
|
العرض العادي
