السلام عليكم ورحمة الله وبركاته

اليوم رحت للمعهد المصرفي أسأل عن سبب تأخر إعلان الأسماء المقبولين ، وطلعت الدور الثاني عند واحد أسمه محمد العجاجي وأخذني وراح سأل شخص مدري شو أسمه ، المهم قال لي روح للموارد البشريه في المبنى الرئيسي في الدور الأرضي ، وطلعت من عندهم ورحت للمبنى الرئيسي ودخلت من البوابة الأولى اللي ع الشارع ولما وصلت للمدخل الرئيسي للمبنى أوقفني حارس الأمن وقال اعطني الهويه الوطنيه وقال لي : وش عندك ؟ قلت أبي الموارد البشريه أبي أستفسر عن سبب تأخر إعلان الأسماء بخصوص برنامج الإقتصاديين السعوديين السادس عشر ، قال : هم طلبوك ؟ قلت لا ، قال : ممنوع الدخول !! حاولت ولكن بدون جدوى ، قال : تبيني اتصل عليهم واستفسر قلت : اوكي ، اتصل عليهم ولاكن لا أحد يجيب على الهاتف . قال : ما أحد يرد ، اليوم عندهم مقابلات مع ناس يمكن يكونوا خارج مكاتبهم ، تبيني اعطيك الرقم وتتواصل معهم لاحقا ؟ قلت له : اوكي وأعطاني الرقم وحاولت الإتصال منذ قليل ولكن بدون جدوى . انتهى

اللي بيقول طيب حط الرقم ابشروا هذا الرقم

0114633000

تحويله

3716

أو

3715

آسف على الإطاله بس حبيت أنقل لكم التفاصيل

قمة المهزلة وربي
حسبي الله ونعم الوكيل

السلام عليكم ياشباب...

انا اتصلت عليهم وقالي الموظف ان الاسماء مرفوعه للمحافظ (فهد المبارك) لاعتمادها, والسبب في التأخير هو ان المحافظ لاهي في المؤسسه ومب فاضي لنا, يقول ان شاء الله بتوصل رساله لكل واحد سواء كان مقبول او لا ... انتهى

يعني مالكم الا الصبر.



شباب عندي سؤال: انا خريج محاسبه والبرنامج بيدرسنا اقتصاد وصراحه تقاعست عن الانظمام للبرنامج , ابي وجهات نظركم في الدراسه والبرنامج ككل ..... وشكرا

السلام عليكم..
مامن علوم يالربع ؟ ذبحونا بالانتظار حسبي الله على ابليسهم

سمعت ان فيه دفعه اللي قبلنا الى الان ما سافروا بسبب لخبطه ومدري وش
وانا توظفت الى متى انتظرهم

عاد متى ما خلصوا الله لا يهينهم يرسلون لي سواء بالقبول او الرفض
ان قبلوني جيتهم اركض ..وان رفضوني الحمدالله ما فرطت بفرصه بغيت افقدها بسببهم وكثير يتمناها

بس صراحه يضل البرنامج مهم بالنسبه لي لانه يتناسب مع طموحي الدراسي

السلام عليكم ورحمة الله وبركاته

ياشباب اللي فاضي ولا عنده دوام يروح للموسسة ماصارت كذا
انا مليت من كثر ما اتصل ولافيه فايده
كل يوم الموظف له كلام..
مره الاسماء 15 ومره قال صارو 10 وننتظر اعتمادها
اتمنى اللي بيروح للموسسة يجيب العلم الاكيد
او نكثر الاتصالات عليهم كود يحسون بنا ويعطونا علم ..