و الله انتي يا اختي مو ضارك شي و بدل ما تدرسين الماجستير في سنتين خذيه في ثلاث
فرصة ممتازة ، تكتسبين منها خبرة حقيقية بطبيعة التدريس الأكاديمي و الأنظمة الأكاديمية و معارف و علاقات اجتماعية على المستوى الأكاديمي و رويتب طيب و احتمالية تثبيتك و على الأقل خبرة تحسب لك خصوصا إذا أثبت وجودك و هذي نقطة مهمة فالإنسان أهم ما عليه سمعته و صيته و لا يقول هذي وظيفة مؤقتة و ما راح أعطيها اهتمام بالعكس يهتم فيها و يثبت وجوده و لو لا قدر الله في أسوأ الأحوال استغنوا عنه على الأقل يطلع بالذكر الطيب و السمعة بأن هذي الإنسانة فعلا تستحق و ممكن اللي يريدون لك الخير يوجهونك للفرص الوظيفية
وفقك الله لما يحب و يرضى

اسأليها بكل اللي بخاطرك في وقت المقابلة، هل الوظيفة فيها ترسيم ولا مؤقتة؟

انا اللي اعرفه انها غالباً مؤقتة، لانهم محتاجين تدريس مادة ولا مادتين بس عشان عندهم ضغط هالترم فـ مايحتاجون عشانها يوظفون محاضرين.

اكيد انهم جابوا رقمك من السستم عندهم، غالباً معدلك عالي او اللي اعلى منك رفضوا الوظيفة وجاء الدور عليك.

المهم في المقابلة استفسري منها كل شيء واذا تشوفي انك منتي محتاجة الوظيفة مادياً ومشغولة للدرجة هذه لا تقبليها اذا كانت مؤقتة ومالها مستقبل.