السلام عليكم ورحمه الله وبركاته

اخواني اذا تكرمتوا محتاجة لمشورتكم وتوجيهكم في مشروع اعتقد والله أعلم انه مربح ان شاءالله
الي هو نقل طالبات او معلمات
انا أفكر آخذلي قرض من بنك التسليف اعتقد 45 ألف هو المبلغ المسموح فيه
ابي اقدم على سائق يكون له معرفة بشوارع الرياض
واشتري باص مستعمل اقوم بتضليله ووضع ستارة بين السائق والركاب
طبعا راح اتفق مع مجموعة بنات من نفس الحي او احياء قريبة من بعض
واقوم بتوصيلهم للجامعات واكون متواجدة مع السائق اضمن لسلامة البنات
في اعتقادكم
وش متطلبات هالمشروع؟
وكم تكلفته؟
ولو بديت فيه كم السعر الشهري الي احطه للزباين ؟؟
وكم اعطي السائق كل شهر؟
وهل يتطلب مني اوراق او معاملات في اي جهة حكومية؟
وايضا وش افضل جنسية تنصحوني اقدم عليها ؟ وكم أفضل سن للسائق؟
ولما اقدم على سائق هل له شروط معينة او عمر معين؟؟ ( عمري 24 ولست موظفة ) ينفع؟!

ومشكوووورين مقدما

جزاكم الله كل خير

أختكم//
سمو الأنوثة

لرفع +متابعه للموضوع ولكن

واكون متواجدة مع السائق اضمن لسلامة البنات
في اعتقادكم

هذي شخصيا ما اتوقع تنفع ابدا

ممكن لو يكون سائق ومعه زوجته

انا لست مبتدى في بحر التجاره او المشاريع ولكن مجرد رائي ورفع للموضوع فقط
وبالتوفيق إن شاء الله

مشروع ممتاز وبأذن الله مربح
عادةً في بداية الدراسه يكون الطلب كبير على السائقين
ولا يقل سعر نقل البنت عن ٥٠٠ ريال
ويكون أغلى اذا كان المشوار ابعد
تمنياتي لكم بالتوفيق

اول شي نظام الاستقدام لغير المتزوجه الموظفه لا يسمح لها

ثانيا هل هو مربح نعم مربح في حالى الاستمرار كان اكثر من باص وهذا يعتمد على نجاح الادارة وتوفر السيولة الكافية لشراء سيارات النقل

يسمح لرب الاسرة استقدام سائقين تقريبا

التكلفة بالبداية تعتمد على نوع السيارة ام ان تكون جديدة فتكون التكلفة عالية
والعكس صحيح مع توفر راس مال مبدأي هو تقريبا 50 الى 100 ريال

السائق راتبة شهريا 1200 ريال
يلزمه سكن مع عمال اخرين او توفير غرفه له سنويا والافضل ان يتم البحث له عن عزبه من اجناسه كي تقل تكلفه العامل ام يتم تزويد راتبه ليشمل بدل السكن ليكون 1500 ريال شهريا
يلزم ان يكون غرف عمليات للمشاوير الخاصه ويتطلب هاتف رقم مميز ليتم ارسال السائقين الى الزبائن

ويكون المشوار الواحد محدد السعر اما منتصف الليل فله سعر خاص

وبعد 6 اشهر يتم تقييم المشروع ليتم ازالة السلبيات وزيادة الايجابيات والتحسينات

بالتوقيق

مشكورين وانتظر سماع رأي بقية الاعضاء

حلو المشروع وكنت ناويه اطرحه لكن سبقتيني
مشروع ممتاز ومايبي له شي لا تصعبون الامور
ليه تجيبي سواق جيبي واحد موجود هنا يعني معروف
وتنقلين كفالته وتتفقين معاه على الشغل
وتحطين رقم لك انتي تتفقين مع البنات
اللي يبون توصيل بحسب عددهم تاخذين حقك وله راتب
حتى لو تتفقين معاه على نقل 15 بنت من من 500 ريال
ماراح تخسرين شي ادري بتقولين بيتفق من وراي مع بنات
وبينقلهم وكيف اعرف بالعكس هذا من حقه انتي لك اللي اتفقتي معاه
والحمد لله شي احسن من لا شي
وبقوه اشجعك على هالمشروع الصغير وربي مربح
كنت ناويه اسويه لان عندي مجموعة بنات محتاجين سواق
باشري الموضوع وانا مستعده اساعدك اذا حابه

مشروع جميل بس حطي ببالك هالمشروع يشتغل وقت الدراسه فقط الاجازه كامله بتسلمين العامل راتبه وهو جالس حطي هالمعلومه بالحسبان عشان تحسبينها صح و تقدرين تشغلينه بالاجازه اشغال ثانيه

انصحك بجنسيه غير البنقاليه مشاكلهم كثير وكل الي يجون هنا مساجين ببلادهم الافضل مصري او فلبيني

وبالتوفيق ياعسل

مشروع ناجح بس لازم تخطيط

حتى بالامكان تشغلينه المغرب والعشاء سائق خاص

والله مشروع افكر فيه من زمان والان توفر راس المال لكن ماحصلت سائق !
عموما المشروع مايبي له شي من خلال م اشوف فالشوارع
فان عائلي < وهذا سعره فيه سوا كسبتي المشروع او خسرتي بيعي السياره
سواق راتبه مابين 1000 الى 1200
توصيل بنات مدارس اتوقع البنت ب400 مادري ناسي لكن لو تحصلين معلمات افضل
المعلمه ع حسب علمي من 600 الى 1000 بالشهر , او موظفات جامعه
ومن بعد المغرب
وزعي رقمه على الحاره + جماعتك
مشاوير خاصه المشوار بـ 20 او 30 ريال
وياسلام ..
الان اتوقع اكتفى السوق وبدت الدراسه والدوامات .
لكن بين الفصلين او في اجازه العيد ان حصلتي زباين سوي المشروع
طبعا لو عندك احد من اخوانك متزوج وعنده عيال يحق له يقدم ع سواقين 2 ,
سائق خاص ,