السلام عليكم
المطلوب من المعينين الجدد :
الموقع بريدة
شؤون الموظفين الشؤون الادارية والمالية -قسم الاستقبال - طبعا يروح عنك ولي الامر او اي شخص عادي لأكن يكون معاه كل هذه المعلومات

المطلوب وماراح تمشي معاملتك اذا فيه نقص من هذه الطلبات
1- نموذج مباشرة ( الاصل ) من المديرة بتاريخ وختم
2- خطاب تحويل راتب معتمد من البنك وفيه رقم الايبان
3- نموذج بيانات معلمه من المديرة وفيه ختم المدرسه
4- صورة الهويه او الجواز بدون إحضار الاصل
5- صورة من المؤهل بدون إحضار الاصل
6- نموذج رفع بدل تعيين من المديرة وفيه الختم
7-إقرار خطي من قبل المعلمه من المديرة مختوم
8- برنت من الاحوال المدنيه يثبت تعديل المهنه الي موظفه حكوميه
9- اصل الكشف الطبي
10- صورة من قرار التعيين ( تحصلينه عندهم ) تأخذين صورة منه وتسلم المديره صورة لملفك وللتوجيه صورة
11- نموذج الخدمة المدنية الذي تم كتابته في المقابلة يكفي الصورة
12- نموذج (101 ) طلب التوظيف نفس اللي كتبناه في المقابلة هذا مطلوب الاصل مؤ صورة


ملاحظه (( جميع هذه الطلبات تسلم مناولة يعني مؤ عن طريق البريد لازم يأخذها شخص ويوديها لهم واذا تأكدوا من اكتمال اوراقك فيه ورقة عند موظف عندهم يكتب ولي أمرك اسمك ورقمك ويوقع ) )


كذا ينتهي كل شي يخص مرحلة تعيينك

- اي نقص في هذه الطلبات سوف يؤخر نزول مرتبك الشهري ولن ترفع الاوراق للرياض الا باكتمال ملفك من هذه الاوراق هذا كلام الموظف
- فيه ناس رجعوهم وطلبوا منهم اصل الكشف وما أخذو صور الكشف

نقاط مهمه

1- يجب الاحتفاظ بصورة من نموذج المباشرة اصل المباشرة ( بتاريخ وختم )
2- الاحتفاظ بصورة من قرار التعيين صفحتين (القرار وبيان اسما مع بعض )



قبل تروحون وتتعبون كلموا جميع اوراقكم

تحيتي لكم

بالنسبة للطلبات رقم ١١ و ١٢ راح يحصل ولي أمرك عندهم النماذج يكتبها عنك وتعتبر اصل

موقع قسم شؤون الموظفين البوابة الشماليه لان فيه اكثر من مبني

وهو الموجود امام المستشفي المركزي

بالتوفيق لكم

وش كل هذا :| انا عطتني المديرة بالمدرسة ٣ او ٤ اوراق عبيتها وقالت ارسلناها
بس ليش كل هالحوسة اللي فوق
لو دارية فيها سويتها الأسبوع اللي فات

ولي أمري كان عند اسماعيل الإسماعيل وقال له الكلام هذا وفيه بنات كثير رجعهم يقول وطلب منهم اكتمال الاوراق هذي وقال ماراح نرفع اي معامله أوراقه ناقصه

حبيت اقولكم عشان ما تتأخر الرواتب علي اللي ماكملت اوراقه حسب كلام الإسماعيل

الكشف الطبي سلمناه يد بيد لشؤون الموظفات في ادارة التربية والتعليم ببريدة .. وقالت لي خلاص باقي الاوراق تسويها لك المديرة وراح ترفعها لنا

بنات مهم جداً ترفعون الاوراق هذي بانفسكم عن طريق أولياء الامور

ترا التوجيه او المديره بتضيع اوراقكم وربي أني ناصحه لكم الإسماعيل يقول اللي ماراح تجيب أوراقه لي ترا راتبه بيتاخر

ما اشوف فيه اهتمام غريبه منكم !

بسألك أنتي من الاسماء اللي طلعت أول شيء؟ ولا ثاني شيء؟

اول دفعه وباشرت في 25-10