انا مليت من البطالة خلاص كرهت حالتى وخصوصا انو علينا ديون فوق ال 200 الف وانا عاطلة لى 7 سنوات ومحلك سر أخذت دورات ملفى بالإدراج اذا شفتة احس بغصة بنفسي قررت أسافر لقطر وأدور شغل وان شاء الله ربي يفرجها بس مادري كيف وين اروح وكيف اقدم عليهم من النت
ع الاقل إحنا خليجين افضل من الأجنبي أرجوكم ساعدونى كيف اقدم واللى عندة خبرة يخبرنا والله يفرجها علي وع كل المسلمين

شوفي الكويت حبيبتي أذكرهم يطلبون معلمات سعوديات والله ييسر لك ويفرج لك ويرزقك من حيث لا تحتسبين ()بالمره خذي الجنسيةالقطرية أحسن لك ): < تفكر بهالشيء
تمنيت أقدر أفيدك بس للإسف ماعندي علم

الله يسرررلك
انا لو اعرف كان من اول قدمت رواتبهم تبدا من25الف اذا مو اكثر
اقسم بالله مذله في هالبلد
الله يصلح الحال

ارجو من يعرف احد يفيدنا كيف الإجراءات والله مليت من هال عيشة هنا خلاص مهاجرة من بلدي

الله يلوم من يلومك
ياليت اذا فيه احد عنده خبر يعطينا معلومات
من جد الوضع كذا مزري بطاله مستفحله
و حافز بالقطاره وسنه وانقطع
والمعيشه صعبه جدا جدا
يارب يسر ولاتعسر

في قطر الكل متساوي خليجي و لا عربي
خبرتك و شهادتك هي اللي بتفضلك على غيرك
ياليت اللي يعرف رواتب الغير قطري كم في قطر
اللي اعرفة رواتب القطرين هي الاعلى بين العرب
اذا فيه اولوية بتكون للي متزوجة قطري
اذا عندك خبرة بيكون افضل
في مواقع مثل التنقيب فيه من دولة قطر شوفوا اذا في شيء يناسبك
ياكثر السعودين اللي تجنسوا مادري ايش الطريقة
المشكلة بلدنا موش فقيره مثل باقي الدول العربية
اغنى من قطر وهذا حالنا
مخصصة فقط لفئة وشوفيهم في تويتر في امراء مستغربين من عيشتنا يحسبونا نكذب كله من الفوارق اللي بينا احيانا مالومهم
واللي يقهر لما نطالب في حقوقنا كاننا بنشحد
واخرها الراتب مايكفي الحاجة تم تطنيشة و بعد كم يوم ارسال كم مليار لمصر
الله يخلصنا من جهل البعض لحقوقه

الله كريم... حبيبتي حاسة فيك الجئي لله كثري استغفار قومي الليل صلي وادعي الله بإلحاح
وربي مايردك خايبة.. يستجاب لاحدكم مالم يعجل

انا اللي اعرفه وسمعت فيه
تقديم تروحين بنفسك لمدارس قطر وتقدمين هناك لانو هم اظن تعيينهم بهالطرق المديره هي المسووله عن توظيف

اللي اعرفه ان تكاليف الحياه والمعيشه في قطر مرتفعه جدا .. تأكدي واسألي قبل تروحين .. اتمنى من الله ان يرزقك من فضله وماتحتاجين هالغربه