بنات انا سلمت ملفي أعطيته اخوي وراح وداه لقسم الرجال طبعا معاه اصل كرت العائلي للمطابقهووووبس

يا أخواتي بالنسبة لتسليم الملفات احد جرب يرسل بالبريد الممتاز؟ربي يستر عليكم دنيا وآخرة ردوا لي

بنااات تووني اتصصلت عالجامعه ,, ازززعجتتتهم ماتركت رقم بالموقع ما اتصلت عليه ياللله ردووا علي بعد المماطله


المهم رد علي وكيل الجامعه ,, وقلتله اني بعيده عن مكه وابغى ارسل اوراقي لعنوان الجامعه عن طريق البريد الممتاز او فيدكس

قال ,, لا غير مسموح بالطريقه هذي , والجامعه مافعلت هذي الطريقه ابداااا وماراح يكون فيه احد بيستقبل الملفات اللي بتوصل بهالطريقه

بالعربي لن ينظر الى ملفك ابدااا ,, ويقول ابدا غير مسموح

وحاولت فيه قال مقدر ,, هذي من انظمة الجاامعه ومانستلم ملفات بهالطريقه


لازم يجي ولي أمرك لقسم الرجال ,, ويسلم ملفك ,, والتسليم يدوي فقط فقط

*****


الحييين وش السووات يابناات ؟؟؟؟؟؟ يعني خلاص راحت عليناا


ماافيه احد من سكان مكه يتبرع ويوصل ملفي ؟؟؟

وووربي لأتبرع لكم واوصل ملفاتكم لجامعات الرياض كلها لو تحتاجون


الله يفرررجهااا ياااااااااارب

بالنسبه لتسليم الملف بالجموم
يكفي ولي لامر ولالازم حضور شخصي
ي ليت الي تعرف ترد علي

^نفس السؤال ياليت تساعدونا يا أهل مكة الله يبارك فيكم

ودي اساعدكم يا اللي تبغون توصلون ملفاتكم لكن كيف ؟

بالنسبة للرجال : لا سئلوني و ين صاحب الملف وش اقول والا وين اصل الهوية
بالنسبة للبنات : نفس الكلام ، بس اقدر اقول بنت خالي مافي مشكلة لكن من وين اعطيهم كرت هويتكم ؟

لحقوا على التقديم آخر موعد الاربعاء

^^

الله يسسعدك اخوي ماتقصر والله ,, والله يوفقك وييسر امرك ويفرج همك ,, ونيتك بالخدمه تكفي وربي ,, لكن مثل ماقلت موضوع المطابقة صصعبه شووي ,, بس يمكن يمررونهاا مايعقدونها ويمكن مو لازم فيها مطابقه ,, وتقدر تقول اذا جاتكم البنت بالاختبار بتجيب معها الاصل مو مشكله ولا تدخلونها الاختبار الا بالاصل ,, ما اتوقع انهم مررره بيشددون على هالنقطه والله اعلم

لكن عموما ,, انا وديت ملفي امس العصر لفيدكس وارسلته لعنوان الكليه اللي لقيته بموقعهم الالكتروني

قلت في نفسي حتى لو قالوا لي ممنوع هالطريقه وماراح نستقبل ملفات كذاا ,,, يمكن سبحان الله يوصلهم الملف ,, ولو ربي اراد وصوله راح يوصل ولو ربي كاتب لي هالوظيفه بتجيني

وانا استخرت الله اكثر من مره على التقديم ,,, واكيد اي شي راح يصير هو خيره من ربي

واذا نزل اسمي لدخول الاختبار معناها الملف وصل لهم ,, واذا مانزل احتمال ماوصل ,, لكن انا مؤمنه ان كل شي مقدر ومكتوب في لوح محفوظ

واكرر واعيد ,, الله يجزززاك خير ويرزقك من حيث لا تحتسب على نيتك الطيبه بالخدمه وتفريج كربة اخوانك

والله يكتب لك اجر هالنيه ,,, بس انا ارسلت ملفي امس وماشفت ردك الا الحين ,, لكن الله يوووفقك ياااارب