يااخوان ذبحتنا الديون ولكن عندي مشروع وابي قرض تورق او حسن كيف ؟

السلام عليكم ورحمة الله

يااخوان انا طلعت قرض وتزوجت فيه واثثت بيتي ودخلت بجزء بالاسهم وخسرت خساره عظيمه الشكوى لله

ولي الان 6 شهور افكر بمشروع اسأل الله ان يوفقني فيه ويرزقنا منه نسدد منه الديون ونعيش كما يعيش الناس.

رحت لبنك التسليف مايعطي حتا قرض الزواج ماينطبق علي والبنك مايسوا وحقين القروض الربويه الله يغنينا عنهم



انا ابي اللي يمولني او يقرضني گ تورق لهذا المشروع كيف؟
وهو بحدود 50الف اللي احتاج تقريباً فوق فلوسي اللي هي 42الف



وجزاكم الله خيرا

الله يفرج همك ..

وهم كل المسلمين جزاك الله خيراً

عليكم السلام ورحمة الله وبركاته

ما أدري كيف بس بتأخذ قرض علشان تسدد القرض اللي عندك؟

طيب بدال ما تأخذ قرض ثاني وتصير إسير للقروض

إفتح لك مشروع بال 45 ألف اللي معاك

دورك لك مشروع بسيط ويدخل عليك دخل لو حتى بسيط

بحيث يكبر رأس مالك كل شوي وأفتح لك بعدين مشروع عليه القيمة.

والله يوفقنا وإياك