[
اعذريني عن خطايا يا الحبيبه
وريحيني من عذابي ياشجوني


شوفي دمعي في عيوني حدقي به
وانت عارف ان دمعي مايهووني


قلب خلك انجرح محدن دري به
حتى اهلي ياغناتي همّلوني


كنتي انا وانا انتي يا قريــبــه
كنتي جرحي كنتي بلسم للطعوني


من رحلتي عيشتي صارت غريبه
ماهتني بالنوم ما اغمض عيوني


ملّ صبري والصبرآخره خيبه
حتى ربعي في هواني يسألوني


قالوا سيبه يابعدي تقدر تسيبه
كيف ابدل خافقي يالله اقنعوني؟


قالوا انه ناوين بك في مصيبه
قلت أنا افداه..عوذه فارقوني


والله انه لو سباني بالغصيبه
فدوتن له كل سنيني صدقوني


جت تصرّح ان حبي فيه ريبه
خاب ظني في حياتي ارحموني


ليت صدك يا غناتي تعدلي به
وانتظر منك رساله تيلفوني


هذا معروضي بديكم اشتكي به
فيه عذري ياعسى زعله يهوني