أخواني أخواتي أنا عمري 25محتار جدا ولاني عارف ايش اختار أنا خريج بكالوريس تسويق بمعدل 4.20 من 5 تخرجي كان قبل شهرين ونص وقدمت على جميع الوظايف وقدمت على الإبتعاث برنامج الملك عبدالله طبعا لغتي الإنجليزية ضعيفة بحكم أن دراستي بالعربي المهم أني توظفت في أحد البنوك السعودية وفي نفس مدينتي وبراتب 7400طبعا أول ثلاث شهور تجريبية والصراحة ماتوقعت أني أتوظف بهالسرعة بحكم اللي قاعد أشوفه الحين أنا محتار جاني قبول على إبتعاث ماجستير التسويق وانا خايف صراحة أقدم إستقالتي وأروح وأدرس وأجيب الماجستير ولا ألقى أحد يثمن شهادتي وشاورت ناس كثير وعطوني رأيين مختلفيين :-

الرأي الأول / أمسك وظيفتي وأدخل معهد بالليل بعد الدوام أدرس إنجليزي وأقوي نفسي بالإنجليزي وأقدم على وظايف ثانية إذا توفر شي أفضل وأكون كذا كسبت خبره ولغة إنجليزية

الرأي الثاني/ أستقيل من الوظيفة وأروح أدرس ماجستير التسويق وترتقي شهادتي ومنها أكسب شهادة أعلى بحكم أن البكالوريس صارت زي الثانوي كلن عنده زائد طبعا أن لغتي بتكون قوية ووظيفة البنك ماعليها حسوفة إذا أستقلت

الحين اخواني اخواتي أيش تأيدون الرأي الأول ولا الثاني ؟؟؟

شوف ياسيدي اناارى اذا كنت متزوج ولديك مسئوليات فالراي الاول اعتقد انه هو الانسب اما اذا كانت الحاله الماديه لديك طيبه فعليك بالراي الثانى وكمل دراستك وقبل ان تقدم على اي خطوه فعليك بصلاة الاستخاره وربنا يوفقك

انا اقولك عصفور باليد ولا عشره على الشجره

بس فيه ملاحظه انت تقول فتره تجريبيه لمدة ثلاث اشهر هنا مربط الفرس
اذا الوظيفه معتمده ومضمونه اجلس لين تتيسر وتقدر تاخر الماستر بعدين هنا بالسعوديه
اما لو فيه يمكن ويمكن لا يعني مو مضمونه لا والله خذ البعثه

لو في مكانك اترك البنك واطلع ابتعاث

وفالاول والاخير القرار بيدك وعليك بالاستخارة قبل كل شي

الله يوفقك وييسر امرك ياكريم