كل اللي سوت المقابله في ديوان المظالم تجي هنا وتقولها
افضل من ندور بين المواضيع والصفحات
موضوع واحد يصير مرجع لنا وشكراً
اتمني من ادارة المنتدي تثبيت الموضوع

بالتوفيق

ولا تنسون كل واحده تكتب نوع الوظيفه وباي مرتبه ..

ثم ..تسرد لنا المقابله

بالتوفيق للجميع

السلام عليكم

انا موظف بالديوان وجرت لي مقابله قبل فتره


وكانت مقابلة عادية جدا لحد يتوتر او يخاف منها


اسئلة عادية وعن الديوان واختبار كتابي بسيط


اهم شي اقروا نظام ديوان المظالم لأنه مهم جدا



واللي ما ينقبل لاتعصب وتقول واسطه الخ


ما انقبلتي لعدة أسباب واهمها لعلها خيره لك



انا معدلي جيد والحمدلله تم قبولي بدون أي واسطه



هي توفيق من الله واطلبو من احبائكم يدعون لكم



وموفقين ياااااارب

موفقين

توني راجعه والله يكتب لي الي فيه خير
المهم اتركوا عنكم الديوان وخرابيطه ماسألوني ولاشيء يتعلق فيه !!
سألني اشياء حتى ماتخص تخصي ابد
السؤال الاول قالي من هو المدعي والمدعى عليه ؟
والثاني قالي اذا رئيسك امرك تنفذين قرار مخالف للانظمه وش تسوين وانا هنا ابلم مدري ليه
بعدين قالي افتحي الوورد واكتبي المحكمه الاداريه فقط وقالي خلصنا بس هذي المقابله

نجي للتفاصيل
طبعا حاولوا يا بنات تروحون بدري جدا قبل الموعد عشان الزحمه وحتى تاخذون ارقام بدري احسن
لايوصل رقمك الى 300 انا جيت بدري ورقمي في العشرينات وصلت المحكمه 4 وخرجت تقريبا 5
التنظيم كاان جيد جدا وماقصروا بضيافتهم حطوا عصير وفطاير ومويه بس محد اخذ خخخخخخ
مدري مستحيين والا من الارتباك محد ليه حيل يقوم هذا انا
بطاقة الهوية او كرت العائله خذوا الاصل مو صوره
طبعا الاسئله عن طريق سماعه الكمبيوتر تحطينها باذنك ويسالك
وترا الدعوه سهالات الحمد لله مو زي ماتصورتها

بالنسبه لاسئلتي اول ماجيت سالني عن اسمي وتخصصي وقال عطيني رقم السجل حقك
سالني سويتي بحوث في الجامعه ووش اخر بحث سويتيه وعن ايش يتكلم
بعدين قالي وش هو المدعي والمدعى عليه >> وانا في نفسي وش دريني بالله انا درست عقيده مو فقه
قلت المدعي صاحب القضيه والمدعى عليه الي ضده القضيه قالي دايم كذا هالتعريف
يوم قال كذا عرفت ان جوابي غلط طيب اسالوا عن تخصصي توحيد عقيده شي وش يعرفني انا بهالامور
ماعمري مسكت قضيه
ما علينا السؤال الي بعده طبعا بلمت خمس دقايق طبعا انا في صراع نفسي وش اقوله
اكذب والا اقول الصدق شوي صرخ ضميري وقالي سوي الي يرضيني قلت بكل ثقه اكيد ماراح اسويه
>> طيب ي خبله قولي ما انفذه ما انفذه وش الي ما اسويه
وابي اتكلم واعبر عما بداخلي واتفلسف ابي اقوله انه هالشيء بيضرني قبل رئيسي وووووو
ابي ابدا قال يلا افتحي الوورد واكتبي المحكمة الادارية طبعا ليتكم تشوفين حماسي وانا اكتب بسرعه
متحمسه كله من هالبرنامج الاعمى الله يعميه طبعا مع الحماس والسرعه وكيبوردهم الي ازاره متهالكه
كتبت الجملة متشابكه والخط صغير وارجع اعدلها قالي كبري الخط كبرت الخط بس ماكبرت خط الجمله
قالي ما اشوف لسى صغير خخخخخ عاد انا متأكده انه بيختبرني اعرف اكبر او لا وبسرعه اكبرها
المهم ارتاحوا مافيه سرعة كتابه ولاشيء افتحي الوورد وهو يمليك
طبعا خرجت وامانه مو راضيه عن نفسي لكن املي بالله كبير الله ييسرها ويرزقني هالوظيفه
اذا ذكرت شي جيت وكتبته بالتوفيق للجميع
وياليت الي اختبارها كفايات هالاسبوع رجاء تقولي
اتمنى اني افدتتكم دعواتكم لي

خريجه الله يوفقك ويكتب لك اللي فيه الخير

بس غريبه مافي سرعة طباعه

بصراحه انا كنت متاكده انهم بيسالون كل وحده وشي يخص تخصصها او بحث بالجامعه عملتيه

مدام الدعوه افتحي وورد واكتبي وكبري وصغري سهالات

بس كم كان العدد تقريبا يعني كثير ولا قليل ؟؟

وشكرا لك وعلى كتابتك تجربتك بالتوفيق ان شاء الله

الله يجزاك خير