صدقتو تكفوون يابنات خلونا نتعاون واتركو هذي الصفحه بس للي راحو وسوو المقابله ......مع احترامي لكم وندري ان اكثركم الي خايفه ومتوتره ومرتبكه. بس بشوي ثقه وتركيز بتعدي على خير

والله طلعت من البيت بدري تقريبا ٣ وموعد المقابله ٤
وصلت هناك ٤ الا كم دقيقه بس كانوا فيه كثيير بنات ورحت ع طول صفيت طابور عشان يعطونا الارقام
والحمد لله كان رقمي بالعشرينات فحاولوا تروحوا بدري
والمحكمه متى يفتحون والله ما ادري بس حاولي ٣ ونص تكونين هناك اذا موعدكم ٤
وبالتوفيق :)

الموضوع سهل ان شاء الله المهم ﻻ ترتبكون ..
اسألتهم يطلب منكم تكتبون جملة على برنامج وورد 2010
مثلا تكتبين .. بسم الله الرحمن الرحيم
او ديوان المظالم .. او اسمك رباعي وتقريبا الهدف منه الاخطاء اﻹملائية والسرعة ويطلب تكبير الخط او تلوينه او وضع الجملة بمنتصف الصفحة ويسألون عن خبراتك إن وجدت ..
ويسألك وش تعرفين عن ديوان المظالم .. وماهي مهام الوظيفة اللي متقدمة عليها
حاولي تكونين متسلسلة بتقديم المعلومة و واثقة بنفسك
.. الحضور الساعة 3 عشان تاخذين رقم
بالتوفيق لكم

مقابلتي بالرياض الساعه 6 على باحث شرعي كنت متعبه حالي بالمذاكره لييييييييل نهار حتى النوم مانمت زييييييين المهم دخلت عاللجنه رقم 6 سألني عن السجل المدني والجامعه والتخصص بعدها سالني عن الدورات وهل سويتي بحوث بالجامعه وايش اسم البحث طيب لو كلفتي ببحث ايش تسوين في البدايه عاد انا مدري وين راح تفكيري المهم اني خربطت كلام مدري وش قلت له بعدين قال طيب لو قدمني على مديرك كم بحث وبعدين مزقها قدامك ايش تكون ردة فعلك عاد قلت احترم وجهة نظره مالت عالاسلوب المهم عاد قال اكتبي عالوورد جامعة الامام وسوي لها تنسييق وكبري الخط وبس قال توكلي على الله والحمد لله والشكر يارب اذا ربي ماكتب لي فيها راضيه بقدر ربي وكلن تاخذ رزقها يعني بالآخر متحطمه لاني توقعت اسئلة عن الديوان ولا شي سالني ابد ويارب تكتب لنا كل مافيه خيييييييييييييييييييييييييييييييير دعواتكم

سويت المقابله يوم الاحد

الله يسهل عليكم ويوفقكم يارب

ستة لجآن ..
وكل لجنة تختلف اسألتهم عن اللجنة الثانية
لكن بشكل عام نفس الاسألة اللي كتبتها بأول رد

اقول للمشرفين بالمنتدى ادمجوا هالموضوع مع هذا

https://www.btalah.com/showthread.*****..=1#post7713975

ثم قفلوا هذا الموضوع تشتتنا

يعطيكم العافية ونسال الله التوفيق ..
اليوم كانت مقابلتي والحمد لله على كل حال ..
على قولت الاخت لازم تحضري بدري ولكن هم متواجدين الى 9 مساء
مقابلتي كانت بالمكتب 4 .. بعد ما قال السلام
اسمك رباعي سجلك تخصصك سنه تخرجك جامعتك ..التحقي بعمل قلت لا سويت دوورات قال ووش على عجاله كعادتي ^^
الحمد لله كنت اسرع منه بالرد ههه ثم سالني وش تعرفي عن الديوان وش تعرفي عن باحث شرعي قلت ماقدمت علية انا قضايا ... ههه قال طيب ثم قال لواحد جنبه وش اقولها ههه .. صراحه مالومه انه ضيع الاسئله كانت قبلي وحده بطية بالاجوبه وشكلها ماخذة الموضوع اختبار وبعد واضح انها حافظه الكلمات نسخ ولصق وطولت اكثر من 8 دقايق وهو بعد كثر عليها الاسئله انا كنت عندها طفشت وخفت قلت الله يستر بس معلوماتها الله يستر عليها سرد واجد وتفصل وهو معها وضحي الله يوفقها بس .. اما انا الحمد لله 3 دقايق بس على الطاير س ج بالتوفيق ^^
نرجع للمقابله وبعدين قال وش اقولها ثم جاء واحد بسرعه هو اخذ المايك وقال وش الفرق بين باحث القضايا والشرعي .. هنا عاد عرفت القاضيا والثاني قلت ماعندي معلومه مع اني قصرت صوتي قال ارفعيه ^^ ماعندي اجابه ههه ..
ثم قال اكتبي بالوورد بسم الله الرحمن الرحيم واسمك الحمد لله بلمح البصر ولا بعد حظي الخط كان مزخرف وكبير فخدمني هه قال تخصصك ثم قال اكتبي المحكمه الاداريه العليا وثم قال بالتوفيق ..
............
شهادة حق تذكر ..
ماشاء الله تبارك الله التنظيم والسرعه والانظباط ماشاء الله افضل دائره حكوميه شفتها بالامانه وبعدين متعاونات وهدوء مكان يبعث الراحه تحسي ان العدل واضح من اشكال التعامل الله يسعدهم ويسر امرهم .. ويرفع قدر الشيخ الرئيس واللجنه .. ليت باقي الدوائر تحذو حذوهم ..

وهذا الله يكتب لنا ولكم الخير والتوفيق اين ماكنتوا
دعواتكم حفظكم الله