بنات وين مكان المقابله بالرياض
بليزز ردو علي مقابلتي بعد كم يوم

يابنات اللي اختبروا هل يمكن ندخل ورقة الطلب اللي فيها رقم السجل المدني ولا ياخذون مننا الورقه؟؟؟
وهل في المقابله يسال عن رقم الطلب او السجل المدني فقط؟؟؟

السلام عليكم ياأخواتي

أنا كانت مقابلتي يوم الإثنين ، بالرياض خمس ونص مساءا على وظيفة باحث شرعي

المهم سلمت مثل ماقالت لي الموظفة ، وبعدها سأل كم رقم سجلك المدني
أعطيته إياه ، قال تكلمي عن نفسك ، قلت له المرشحة لوظيفة باحث شرعي فلانه وذكرت اسمي الرباعي ، ومستواي التعليمي وتقديري والدرجة وسنة التخرج ، وسأل سبق توظفتي قلت نعم بديل ثلاثة أشهر بمدرسة كذا الأهلية وسأل عندك دورات وذكرت له دورة ادخال البيانات ومعالجة النصوص ومدته مع اني معاي 3 دورات غيرها تطويريه بس هو يقطع الكلام من ثلاثة ارباعه ، وقال هل سبق أن عملتي بحوث قلت نعم ، بحث في استخراج الإحكام الفقهية من قوله تعالى (يسألونك عن المحيض قل هو أذى فاأعتزلوا النساء في المحيض ولاتقربوهن حتى يطهرن ) وقلت له بحثني كان متميز وكان الدكتور فلان الفلاني اثنى عليه وشكرني ،المهم راح الصوت ماأدري وين راحوا احسهم ضحكوا؟
بعدها رجع قال عندك بحث غيره قلت إي نعم عندي بحث في أصول الفقه قال وش عنوانه قلت ( الجهل وأثره في الأحكام )، قال تذكرين كتاب رجعتي له في بحثك قمت اطن زي النحله وذكرت له الكتاب اسمه جنة الناظر قال من مؤلفه عودت اطن ماذكرت قلت الكتاب على المذهب الحنبلي بس نسيت اسم المؤلف مع انه في بالي يابنااااات بس نسيته ، قلت له إني سويت أربع بحوث من ضمنها البحوث اللي ذكرت عاد سحب وسأل عن الديوان وش تعرفين عنه قلت جواب زي وجهي ، قلت هيئة قضاء اداري تفصل في المنازعات والخصومات بالدوائر الشرعية وجهي كذا وش ذا الجواب عندي حسيته حق أطفال افتح ياسمسم مو خريجة شريعة ،،،، المهم سألني سؤال أخر ..
من هم أعوان القاضي ؟؟؟؟؟ قلت أعوان القاضي منهم كاتب الضبط ، قال وش مهمته
قلت يسجل كافة الوقائع في الجلسة اللي بين القاضي والخصوم ، هذا الجواب من مخيخي
مو من مخي الجواب قريته غيركذا بس فيه جزءا من الصحة عندي أنا ‘"عندهم ماأدري" ،،
المهم قال اكتبي الآن اسمك وتخصصك والوظيفة اللي ترغبين الإلتحاق بها ، طبعا أنا يابناااااااات
مافتحت الوورد ولا شيء كتبت على صفحة بيضاء ع الشاشة وكتبت اللي يبي في لمح البصر
فيه خطائين ثلاثة ومسحت حرف وجبت العيد شكلي ،،
وربي يوفقكم يابناااات ،، لجنة رقم أربعة إن كانهم مايغيرونهم الهجة ان قدرتي ت، سريعين تقولين سرعة نت وأسرع ،احس اني صرت مثلهم مسرعه ارد بسرعه الصوت ،، الله يكتب لي اللي فيه الخير ولكم ياأخواتي ،،
بس يابنات أنا ماضغطت كنترول + O عشان اكتب لقيت صفحة بيضاء مافيها أي شريط أدوات ماأدري ردوا علي صح علي ولا لاااااازم افتح الوورد ، انا قلت خلصت قال خلاص الله يوفقك ويجزاك خير، قلت وإياك ,, صح خرشوني بس الله يوفقهم يااارب لجنة رقم 4..

وبغيت ارجع مع الباب اللي دخلت منه عنز مضيعه ودي اصفق نفسي مثل هؤلاء الحلوين ،،، المهم رجعتني قالت من هنا ،،
بنااات لاتخافون ولا شيء توكلوا على الله أنا رايحه حافظة كل شيء عن الديوان ومع الخبصة روحي هنا تعالي هناك ومع الله يصلحه الشيخ طااااااير طارت بعض المعلومات كل شيء صار من اجاباتي من
فهمي وليس حفظي الصمممم ، الحمد لله على كل حاااااال...
واللي عندها كفايات ياحبايبي من الآن تركز انا عندي الثلاثاء الجااااي دعواتكم لي فيه بالتوفيق يالغاليات ...

حبيباتي هل بطاقة الاحوال انا عندي القديمة ما عملت تجديد هل عادي

بنات الدمام اللي سويتو مقابلات
نجلس بالعبايه ولا لا!!