المشاركة الأصلية كتبت بواسطة ابراراحمد

بنات انا مقدمه بالثانويه ومعاي بكالوريوس كيمياء ،اذا سألني ايش شهادتك،عادي اقول بكالوريوس ولا راح اورط نفسي ويسألني بالكيميا؟؟؟؟��������

المشاركة الأصلية كتبت بواسطة نجوم الثريا

قلت السلام عليكم ورحمه الله ورد علي قال السجل المدني مليته ثم قال اسمك وقلته قال طيب ماكأنه تأخرتي في التخرج قلت إلا قال السبب قلت التخصص صعب نضريا لكن عمليا جايبه امتياز ولاهو رغبتي قال ايش رغبتك قلت علم نفس قال ليه مادخلتي قلت كان ابوي رافض قال طيب هل انتي موافقه على الإبتعاث خارجيا لو نرسلك عندك مشكله قلت لا بس محارمي كلهم موضفين حكوميين صعب يروحون قال ايش راح يكون تخصصك قلت تصوير فوتو غرافي قال انتي مصوره قلت نعم قال ايش الكامره اللي معاك وش شركتها وليه اخترتيها جاوبته قال عندك استديوا في البيت قلت ايه قال يجونك ناس يصورون قلت ايه قال وش تصورين قلت اصور اطفال وحفلات تخرج قال وزواجات قلت لا قال انتي محترفه او هوايه ومن متى هالهوايه قلت لي 4سنوات ومحترفتها قال تدخلين فلوس قل ايه قال وش عندك عدسات وعلمته بانواعها قال طيب لإيش العدسات كل عدسه قولي اسمها ووش تستخدمينها فيه المهم علمته قالا انتي تدخلين الحسابات والمهام قلت الحسابات اخوي عشانه اداره اعمال قال قد اشتتغلتي عندك خبره للكومبيوتر قلت اختارتني وحده من دكتوراتي اكون سكرتيره عندها واشتغلت مده 3اشهر في الوارد والصادر والارشيف والاشياء اللي كذا قال عندك دورات وسردت الدورات قال اكتبي اسمك واكتبي التاريخ وبس ماسألني عن الاشياء المهمه احس جاني صدمه من جد مدري احسه كذا يقول مدامها مصوره وتدخل فلوس خلوها مصوره توضف وحده عاطله غيرها جاني هالإحساس الغبي اللي يشعرني بالفشل. كل شي بيد ربي والمكتوب مكتوب بس مادري وش يبي شعوري هذا

المشاركة الأصلية كتبت بواسطة أميره على نفسي