أنا مثلك جتني ضيقه بعد المقابله
الله يسرها إن كان فيها خير

تفائلوا بخيره تجدوه

السلام عليكم

مقابلتي اليوم على وظيفة كاتب سجل المرتبه الرابعه بالرياض

وصلت للمكان الساعه خمس الا ربع دخلت واخذت رقم وكان رقمي 147

المكان جداً جميل وهادي ومنظم وتحسين بالراحه النفسيه فيه

انتظرنا شوي وكانو ينادون على عشر ارقام ويدخلون للقاعه اللي فيها المقابله

كانت لجنتي رقم 3 كان صوت الشيخ جدا مريح وهادي الله يوفقه

البدايه سئلني عن رقم السجل بعدها قال اسمي قلت نعم قال مقدمه على كاتب سجل قلت نعم

سألني ادبي ولا علمي وقالي ليش ماكملتي دراستك ونسبتك ممتازه

وكيف تقضين يومك وماهي هواياتك

وش تعرفين عن ديوان المظالم

وهل اشتغلتي قبل كذا او لا

وش معك دوره

واكتبي على الورد اسمك الرباعي انا مدري وش صار فيني قمت كتبت اسمي الثلاثي وتذكرت بعد ماخصلت انه طلب الرباعي جلس ينتظرني اسوي شي او اعدل وانا تركت مثل ماهو اخر شي قال بالتوفيق

وانتهت اسرع مقابله يمكن ماكملت دقيقه

مع ان البنت اللي قبلي طول معها ومسك معها تحقيق لانها موظفه على راس العمل وسئلها عن وظيفتها وليش مقدمه اذا هي موظفه وش نوع وظيفتها ودوراتها واسئله كثيره

يمكن يوم جاء دوري كان تعبان من الاسئله واختصرها معي ههههههههه


سبحان الله وقت المقابله الكلام يطلع منك من غير ترتيب ولا تفكير وبعد ماتخلصين تندمين ليش ماقلت كذا ولا قلت كذا

يالله الحمدلله على كل حال مع اني ماكنت راضيه عن اللي قلته


يالتوفيق بنات

انا اليوم سويت مقابله كاتب سجل المرتبة الرابعة الرياض
ماراح اتكلم عن التنظيم بدخل بالموضوع

دخلت اللجنه 3

سألني عن السجل وجاوبته سألني عن اسمي قلت اسمي والعائله فقط
قال اسمك عندي فلانه بنت فلان والعائله
قلت صحيح
قال مؤهلاتك قلت له
قا عندك خبره قلت عندي وجهة نظر في هذا للموضوع لو تسمح لي قال تفضلي
قلت انا دورت وظايف كثيره بس ماتناسبني كمرأه اختلاط او كشف وجه وماألى
اتمنى تعطون فرصه للي ماعندهم خبره يزاولون مهنه ويحققون اهدافهم هنا
قال هذا الشي مايطلب مني قلت ادري بس الخبره صارت عقبه في وجيهنا
المهم بعد كذا قال وش تعرفين عن الديوان
وبعدها ماهي مهام كاتب السجل
وبعدها الوورد مفتوح اماك اكتبي اسمك رباعيا

وانتهى

أوصيكم كلها توافيق من رب العالمين اذا لنا رزق ماراح احد ياخذه والله يوفقنا ويفرحح قلوبنا يارب
بس وصيتي لاتتوترون والله ماتسوى الضغط النفسي انا من التوتر اسمع صوتي يرتجف على ايش

هذا انا خلصت وتحسفت مية مره لو اني مركزه شوي كانت اجابتي احسن الف مره

نقطه ثانيه المشرفات اتوقع يحاول يشتتون ذهنك انا جالسه المكتب نظيف جايه ترتبه وانا اتكلم

الله يوفق الجميع يارب

الله يكتبلنا اللي فيه الخير انتهت مقابلتي وكانت اكثرها شخصية وتكلمي عن نفسك واكتب في الوورد وانسق الكلام بس اتوترت وقلق شوي يمكن من جو الغرفة البارد أو المشرفة قريبة مني والبنات قدامي ينتظرون دورهم المهم إن شاءالله يكتب لنا الخير على كل حال وكلها توفيق من الله في الأول والأخير .. وفي انتظار النتائج بعد عيد الأضحى والله يستر.

الله يبارك لكم يابنات وين بنات جدة اكتبو تجاربكم حنى الاسبوع الجاي الله يستر

انا اليوم كانت مقابلتي والحمدلله تسهلت ورحت
كنت منحرجه من الوضع انو المقابلة تكون قدام المشرفات والمتقدمات
لكن سبحان الله كنت اخر وحده بالمجموعه كلها



سألني عن رقم سجلي المدني ؟؟

وقال عرفيني بنفسك؟؟
قلت اسمي الثلاثي ومؤهلاتي وخبراتي واني اعمل حاليا

قلي ليه تبغى تتركي وظيفتك؟؟
قلت ابغى اطور من نفسي وابحث عن الاستقرار الوظيفي

ايش علاقة تخصصك بالوظيفه الي مقدمه عليها ؟؟
انا تخصصي جغرافيا وكان جوابي للسؤال غبي جدا ويضحك وماله علاقه بالسؤال لكن ماحبيت اني اسكت ومااجاوبه قلت انا ماخذه دورة حاسب وافهم كثير بالحاسب
قلي لاتخصصك الجغرافيا ايش له علاقه بالوظيفه الي مقدمه عليها ؟
قلت لااعلم ماعرف

قلي افتحي الوورد من قائمة ابدأ واكتبي اسمك الثلاثي
كتبته الحمدلله بسرعه ومن دون اخطاء ماشاء الله
قلي اقفلي الوورد من دون حفظ

وسألني كم تقيمي نفسك بالمقابلة اليوم ؟؟

مادري كيف طلعت مني 60 بالميه
ماعرف كيف قلتها وانا عارفه انو هالسؤال بيجيني وكنت عامله حسابي اقول 90 بالميه

قلي 60 بالميه ليه انتي ماتستحقي 40 الفاضله
قلت إلا
قال اجل ليش تقولي 60 بالميه برأيك انتي ماتستحقي ال 40 بالميه << يالله نشب بالسؤال
قلت انا ماعرف اقيم نفسي تاركه التقييم لكم

قلي بالهجه جامده يالله شكرا

’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’
اتمنى مافي شي اسمه مقابلة شخصية
ممكن اجري مقابلة مع ثنتين الاولى تمتلك الاسلوب والطلاقه بالكلام
والثانيه ماتملك هالشي وبالجو العملي تكون افضل من الاولى
انا من النوع الثاني وحاليا انا موظفه وماامانع لو كلفوني باكثر من شغله واشتغل بضمه وضمير واقدم عملي على افضل واكمل وجه وقبل الموعد

ياحلوين الي سوت مقابلة بالرياض سلمتوا صور من مؤهلاتكم
للمشرفات لاني من خارج الرياض ولو في مطابقة ظروفي ما تسمح
اني اسافر مره ثانية الرياض بعيده عليا

بنات الله يعافيكم ويجزاكم خير مقابلتي يوم الاثنين بإذن الله كاتب سجل المرتبه الرابعه وابي معلومات عن ديوان المظالم واختصاصاته واقسامه يعني نبذه موجزه بس ماني قادره موقعهم مايفتح يومين

الله يرضى عليكم بنات اللي عندها نبذه موجزه عن الديوان ياليت تنزله هنا وشاكره لكم جميعا