السلام عليكم ورحمه الله وبركاته
كيفكم بنات
الحمدلله بفضل الله اجريت امس المقابله في ابها ع كاتب سجل حضرت قبل الموعد بساعه اعطيتهم نموذج الطلب وبطاقه الهويه وكتبت اسمي ظقعت واخذت رقم السره وكان رقمي 25 جاء دوري ع الساعه سته تمام ودخلت كنت متوكله ع ربي والنعم بالله المهم دخلت قال لي اسمك قلت اسمي بعدها قال سيرتك الذاتيه قلت قلت كل شي من شهادات وبس ما قلت له اني متزوجه المهم قال من وين انتي قلت له وقال ماذا تقرين من الكتب السؤال هذا ابد ما توقعته انا هنا جبت العيد يابنات لكن الحمدلله قلت له ما اقرى اي شي قال ولا شي قلت ولاااا شي المفروض كنت اقوله اني اقرى كتاب الله بس ما جاء ع بالي انو سواله يقصده كذا المهم قال ما اشتغلتي قبل كذا ولا في مكان قلت ابد قال تفضلين العمل الجماعي الا الفردي قلت لا الجماعي قال ليه قلت لانو فيها تعاون فيما بيننا قال ممتاز احسنتي موفقه باذن الله انتهت المقابله بس الثقه موجوده ما توترت ابد

السلام عليكم .. احب اشكركم الي فتح الموضوع وكل من ساعد في افادتنا وتخفيف التوتر والخوف علينا من المقابله
انا مقابلتي بكره في جده الساعه 4.30 من اول اتابعكم واليوم سجلت عشان افيدكم بكره بعد المقابله
ربي يوفقنا ويسهل علينا ويرضينا بنصيبنا ..

بنات الله يسعدكم دخلت على موقع ديوان المظالم ومعلق والا مدري وش يالفته وشلون اطبع الطلب
اطبعه من الموقع والا من رسالة الايميل اللي جاتني تكفون بكره مقابلتي في الرياض على وظيفة كاتب سجل

بنات الله يرضى عليكم ابي اجوبه مختصره لهذي الاسئله موعد مقابلتي يوم الاثنين

عرفي كاتب السجل ومهامه ؟
الدعاوي التي يختص فيها ديوان المظالم ؟
المنازعات الاداريه ؟
قمتي بكتابة بحث ونسبته زميلتك الى نفسها مالعمل ؟
كلفك مديرك بمخالفة الانظمه مالعمل ؟
مشرفتك مزقت الخطاب اللي سويتيه ؟

هذي الاسئله جمعتها من تجمع البنات هنا بعد المقابلات ولكن اريد اجابات نموذجيه ومختصره

اسفه ع الاطاله وشكرا لكم

بسأل بنات عن انواع الخطوط اذاسألني عن نوع الخط شجاوب بصراحة ماني فاهمه شئ بانواع الخطوط
وياترااقدراختارخط موعين اكتب فيه ؟؟؟