اخت سماهر اخذي النموذج والهوية مايحتاج ملفات
انا اخذت شهادتي والنموذج وهويتي الاصل وصورة منها
ما اخذو الا النموذج وطابقو صورتي فقط
والله يوفقكك يارب ويوفقنا ويجعل لنا ولك ولجميع المرشحات نصيب في هذه الوظيفة

بكره مقابلتي على وظيفة كاتب الله يوفقني واياكم اللي كانت مقابلتها اليوم تجي تحكي لنا

السلام عليكم ورحمة الله وبركاته

اليوم كانت مقابلتي والحمدلله كانت سهله مررره والشيخ اللي قابلني كان صوته مره مريح الله يوفقه دنيا واخره

المهم مثل البنات اول ماتدخلين الامن ياخذون منك الشنطه مدري يمررها على شيء ويعطيك اياها
وروحي لكاونتر الرجال ياخذ منك الطب ويطبعه لك نفسه بس يختلف شوي ويعطيك رقم
وتروحين تنتظرين في صالة انتظار نساء
شوي نص ساعه ونادوا على مجموعة ارقام كنت من ضمنهم
وروحت مع البنات لجنة نساء وهناك كشفنا وجيهنا واخذت منا الهويه وكرت العائله ثم جلسنا الين ينادون بالارقام وحده وحده
المهم والاهم نادوا على اسمي ورحت وركبت السماعه سالني عن اسمي الرباعي وسجلي والوظيفه المقدمه عليها وش تخصصك
وبعدها قال اكتبي ع الوورد مهام كاتب السجل وكتبت 2 بس قال خلاص الله يوفقك

بس الحمدلله ارتحت من هم المقابله والله يوفقنا ويوفق الجميع بإذن الله

[align=center] اليوم كانت مقابلتي على وظيفة كاتب المرتبة الرابعة وكل شي كان ميه ميه ماعدا المشرفه على القاعه
كانت مره مستعجله وتوتر ماغير تقول بسرعه بسرعه تبينا نركض ركض ياساتر .. المهم جلست و أول سؤال سجلك المدني وخلاني اعيده 4 مرات يقول الصوت بعيد .. وتكلمي عن نفسك وافتحي الوورد اكتبي إسمك الثلاثي
وقفلي الوورد بالكامل .. بعدين وش هي طموحاتك وجاوبته قاللي وتعتقدين ديوان المظالم يقدم لك هالدورات .. قلت له
لاصار فيه استقرار وظيفي أقدر أوفق بين الشغل وتحقيق طموحي .. قاللي كم تعطين نفسك من ميه ؟؟ هنا انا فحطت
وقلت له ما اقدر أقيم نفسي لكن ان شاء الله اكون عند حسن ظنكم .. قاللي طيب أقنعيني اني اعطيك ميه من ميه بغير شهاداتك وخبراتك قلت له التوفيق من الله .. وانتهت المقابله و احس اني جبت العيد بدري .. بس للامانه كل شي سهل بس أنا من النوع اللي يتوتر ويرتبك
والله يوفقنا جميعا لكل مايحبه ويرضاه
[/align]

ربي ارزقني بالوظيفه تخرجنا ن 10 سنين والخوف لاطلعت النتايج

الحمدلله على كل حال أنا قابلت وارتحت كثييير
طبعاً سألني عن السجل المدني و اسمي ومؤهلي وبعدين قال تكلمي عن ديوان المظالم وسألني عن مهام كاتب سجل قلت له انا مقدمه على كاتب وقالي تكلمي عن مهامها
وبعدها قالي اكتبي بسم الله الرحمن الرحيم
والشؤون الاداريه بمحكمة الاستئناف
وخلااااص
الله يكتب لنا الرزق والتوفيق

[/SIZE]
ابشركم الحمدالله خلصت مقابلتي اليوم بالرياض على مرتبه الرابعه كاتبه
كان رقمي١٢١ هم ياخذون مجموعه قالو من١٢١الى ١٣٥دخلنا صاله ثانيه طلبت مني الورقه الي طبعوها لي اول مادخلت واثبات لي عطيتها بطاقة العائله قالت لي ابي اثبات لك قلت معي جواز سفري قالت عطين ايه المهم شافت صوره وطابقت البيانات بعدين خلتني ابصم وجلست لين نادونا برضو مجموعه وبعدين كل وحده تخلص من مقابله يجلسونك بعدها تقريبا فيه ٦او ٧ مقاعد للمقابله
المهم سالني عن سجلي وعن خبراتي قلت ماعندي خبرات قالي ليه اخذتي شهادة ثانويه متاخر قلت كان عندي ظروف بالحمل قالي ماعندك نيه تكملين الجامعه قلت مااعتقد قالي وش تعرفين عن ديوان مظالم قلت انا قريته بقولك الي فهمته انه ياخذ قضايا عامه يعني مثل كذا تجاره او مشاكل بين مدير وموظفه قالي ماشاء الله عليك على فهمك حلو المهم ماندري عاد صح والا غلط قالي وش مهام الكاتب قلت انه يسجل كل بينات وقضايا تحت اشراف القاضي
بعدين هو فتح لي الوررد قالي اكتبي اسمك رباعي طبعن اخطيت مسحت وعدة عادي ماقالي شي
هذا الي صار الحمدالله

يارب يارب يارب توفقني وجميع المسلمين

بنات احد منكم فتح الموقع وشاف صفحه الطلب فيها شي متغير او لا ممكن تشوفون وتردون لنا ضروري يابنات