جزاكم الله خير بنات ماقصرتوا فالكم التعيين
مييين تخصصها ادارة اعمال وسألها في تخصصها ؟؟
وهل تتوقعون يسألون اسئلة بالتخصص ؟؟

صباح الخير

في من اللي خلصت مقابلتهم اختبروها طباعه ؟؟
والخطاب نبغا نموذج بدون روابط اللي متوفر عندها

[align=center]تم بحمد لله الانتهاء اليوم من مقابلتي

طبعاً عندي اخطاء املاىية واجده بس بااسرد لكم بالترتيب ...

اولاً: سلمت ورد السلام قال تحدثي عن نفسك وقال ماقدمتي ع وظايف

قلت الا اول ماتخرجة رحت للمدارس الاهلي قدمت لكن يطالبون بالخبرة مع العلم

اشرح ويتفاعلون الطالبات معي والحمد لله ع كل حال

قال يعني خلاص ماراح تبحثين عن وظيفة قلت الا وانا الحين جالسة ادرس

دبلوم انجليزي عشان استفيد من اللغة في اي تقديم للوظايف يحتاجون للغة

قال ماشاء الله اي مستوى قلت المستوى الاول قال الله يوفقك قلت وياك خخخخخ

قال طيب وش تعرفين عن ديوان المظالم جلست اقول له اللي حفظته

قال طيب المحاكم التابعة له وجلست اعددهن قال طيب وش وظيفة كل محكمه

حتى ي حلوه الله يسعده وانا اجاوب يقول احسنتي احسنتي يحسس براحه الله يسعده

دنيا واخررره

وقال كيف عرفتي هالمعلومات عن ديوان المظالم قلت من موقع الديوان

ومن لقاء صحفي لرئيس المحكمة الادارية العليا

وسالني ماهي مهام الكاتب ؟

قلت له تسجيل الصكوك والتقارير وحفظ السجلات والقيام بااي عمل يطلبه منه رئيسة بلعمل

بعدييييين والاهم والمهم قال اكتبي خطاااب انا هنا جبت العييييييييد

انتبهو يابنات ترى اسمه لجيتو تكتبون بوريكم كيف شوفو


اول شي البسمله وع اليسار نحط التاريخ طبعا انا جيت احط التاريخ ع اليسار لحقتها بسم الله الرحمن الرحيم

جيت اوسط بسم الله الرحمن الرحيم لحقها التاريخ حتى هو جلس يضحك يقول وراهم يلحقون بعض

عاد علمته اني ابي هذي يسار وذي وسط جتني الضحكه خخخخخخ

المهم كتب سعادة رئيس ديوان المظالم قال هو رئيس قلت مدري

قال لا هو بمرتبة وزير اكتبي معالي كتبت معالي الوزير قال لا معالي الرئيس خخخخخخ

خبصصصصصت ركزو ي بنااااات سعادة معالي الرئيس

ومن التخبيص نسيت اكتب تحته السلام عليكم ورحمة الله وبركاته وبعد يلا الحمد لله ع كل حال

كتبت عاد انا فلانه بنت فلان الفلاني قدمت ع الوظائف النسائية لديكم وقال خلاص وقفي اكتفي بهذا

وقال نصك صحيح مافي اخطأ قلت الا وامشي واقول ذا غلط واعدله وذا غلط واعدله قال خلاص شكرا

تقدرين تتفضلين قلت طيب لوسمحت عادي اسال قال ايه تفضلي

قلت الوظائف اذا تم القبول ان شاء الله في دورات ع الوظيفة قال ايه الان

فيه دوره مقامه ومايك عنده صار صوته بعيد قلت اهاه شكرا الله يجزاك الجنه ورحت عاد

والحمد لله الله يكتب اللي فيه الخير يارب[/align]

الله يوفقك ياانفاس الوورد
هل انتي مقدمه على وظيفة كاتب سجل
وين كانت مقابلتك

جزاكم الله خير بنات على تعاونكم والمعلومات وبالتوفيق ان شاء الله
مين تخصصها خدمه اجتماعية وسوت مقابله ايش سألها عن تخصصها.
مقابلتي بكره ان شاءالله

اختي انفاس الله يوفقكك ويسهل عليك


بس الله يرضى عليك ممكن تجاوبين ع الاسئله الي سئلك اياها الشيخ

وش تعرفين عن ديوان المظالم ؟
وايش هي المحاكم التابعة له ؟ وش وظيفة كل محكمه ؟

بالتوفيق لي ولأختي وللجميع إن شاء الله ، حبيت أستفسر يا انفاس الورود انتي سالتي عن امكانية تعديل الشهادة للبنت اللي ماقدمت بشهادتها الكيمياء
لانها نفس حالتي .

طيب وش وظيفة كل محكمه

انا معاي دورة كامبردج
بس للاسف مااخذت الشهادة

الله يوفقك اختنا انفاس الورد كفيتي ووفيتي ... ايش تخصصك انتي وعلى اي كاتب مقدمه مرتبه سادسه والا رابعه ؟؟

بنات انا مقدمه على كاتب عالمرتبه السادسه وتخصصي ادارة اعمال ممكن يسألوني بالتخصص ؟؟
والا بس عن الديوان وكتابة عالوورد وكدا ..؟

وياليت تفهموني كاتب عالمرتبه السادسه هل يقصد به كاتب ضبط او كاتب سجل ؟؟

بالتوفيق للجميع

بنات بالموقع حقهم كل المعلومات نصيحه اقروه لو قرايه تكوني خلفيه وتستعدي لاي سؤال يوجه لك ..

اختصاصات المحكمة الإدارية :

المحاكم الإدارية :
جاء في المادة الأولى من نظام ديوان المظالم أن ديوان المظالم هيئة قضاء إداري مستقلة ) وبناءً عليه حدد المنظم الاختصاصات المناطة بمحاكمه فذكر في المادة الثالثة عشرة ما نصه :" تختص المحاكم الإدارية بالفصل في الآتي :
أ ـ الدعاوى المتعلقة بالحقوق المقررة في نظم الخدمة المدنية والعسكرية والتقاعد لموظفي ومستخدمي الحكومة والأجهزة ذوات الشخصية المعنوية العامة المستقلة أو ورثتهم والمستحقين عنهم .
ب ـ دعاوى إلغاء القرارات الإدارية النهائية التي يقدمها ذوو الشأن ، متى كان مرجع الطعن عدم الاختصاص ، أو وجود عيب في الشكل ، أو عيب في السبب ، أو مخالفة النظم واللوائح ، أو الخطأ في تطبيقها أو تأويلها ، أو إساءة استعمال السلطة، بما في ذلك القرارات التأديبية ، والقرارات التي تصدرها اللجان شبه القضائية
والمجالس التأديبية . وكذلك القرارات التي تصدرها جمعيات النفع العام وما في حكمها المتصلة بنشاطاتها ، ويعد في حكم القرار الإداري رفض جهة الإدارة أو امتناعها عن اتخاذ قرار كان من الواجب عليها اتخاذه طبقاً للأنظمة واللوائح .
ج ـ دعاوى التعويض التي قدمها ذوو الشأن عن قرارات أو أعمال جهة الإدارة .
د ـ الدعاوى المتعلقة بالعقود التي تكون جهة الإدارة طرفا فيها .
هـ ـ الدعاوى التأديبية التي ترفعها الجهة المختصة .
و ـ المنازعات الإدارية الأخرى .
ز ـ طلبات تنفيذ الأحكام الأجنبية وأحكام المحكمين الأجنبية ".

محاكم الاستئناف :
ذكرت المادة الثانية عشرة من نظام ديوان المظالم اختصاص محاكم الاستئناف حيث نصت على أن " تتولى محاكم الاستئناف الإدارية النظر في الأحكام القابلة للاستئناف الصادرة من المحاكم الإدارية ، وتحكم بعد سماع أقوال الخصوم وفق الإجراءات المقررة نظاماً "

المحكمة العليا:
1) المحكمة الإدارية العليا ومقرها الرياض
2) اختصاصاتها :
بينت المادة الحادية عشرة من النظام اختصاصات المحكمة الإدارية العليا حيث جاء فيها " تختص المحكمة الإدارية العليا بالنظر في الاعتراضات على الأحكام التي تصدرها محاكم الاستئناف الإدارية ، إذا كان محل الاعتراض على الحكم ما يأتي :
أ ـ مخالفة أحكام الشريعة الإسلامية ، أو الأنظمة التي لا تتعارض معها أو الخطأ في تطبيقها أو تأويلها ، بما في ذلك مخالفة مبدأ قضائي تقرر في حكم صادر من المحكمة الإدارية العليا .
ب ـ صدوره عن محكمة غير مختصة .
ج ـ صدوره عن محكمة غير مكونة وفقاً للنظام .
د ـ الخطأ في تكييف الواقعة ، أو في وصفها .
هـ ـ فصله في نزاع خلافاً لحكم آخر سبق أن صدر بين طرفي الدعوى .
و ـ تنازع الاختصاص بين محاكم الديوان ".