ماهي مهارات الاتصال؟

السلام عليكم اليوم كانت مقابلتي بالدمام كاتب سجل على المرتبه الرابعه
سألني عن اسمي وسجلي المدني وسالني شنو دورتي ومن وين ماخذتها وهل عندي خبرات او لا
عرفي كاتب السجل وشنو مهامه ونقلني ثلاث اسطر كتبتها بالوورد وعن خاصيه الاكمال التلقائي
وسالني شنو برامج الحاسب اللي درستيها وشنو اصعب شي درستيه بعدها سألني الشيخ الثاني اذا زميلتك سرقت بحثك شنو ردة فعلك
وبس ادعولي بالتوفيق

ماااااااااااااااااااقصرت يابنت المدينه جبتي خبربمليون ريال ايه هذا الكلام ماشاء الله سريع سريع مووزارة العمل الحمدلله والشكر للحين ماامتحنوا بنات الرياض وحاااااااااااااااله

حسين السعيد بارك الله فيك وجعلها من نصيبك الوظيفة وش تعريف الكاتب اعرف المهام اما التعريف

اليوم كانت مقابلتي بالرياض على وظيفة كاتب المرتبة السادسة
المقابله جدا جدا بسيطه

سألني عن رقم السجل وقالي اسمي وبعدين سألني وش تعرفين عن الديوان وقلت هو قضاء مستقل مربوط مباشرة مع الملك
قال انتي لغة عربية قلت أي نعم من جامعة الإمام
قالي ليش ماتوظفتي للحين قلت اني قدمت على مدارس كثيره ولااحد راضي يقبلني قال وليش ما يقبلونك قلت ارجع ادق عليهم يقولون اكتفينا
قال طيب ما تشتغلين الحين قلت الا اشتغل بمصنع ديمه لي اسبوعين قالي هذا اللي بطريق الخرج حق البسكوت قلت أي نعم
قالي كم الراتب قلت له 3000
قال طيب إنتي تشوفين ان المصنع يناسبك قلت له لا مايناسبني بس وش اسوي مابيدي شي
اهم شي ادور على وظيفه
قال اول يوم داومتي ماحسيتي انه مايناسبك وسألني وش تسون بالمصنع قلت له نغلف ونعبي بالكراتين هههه
بعدين قالي هذا شي يحسب لك اني اشتغلت بمصنع يعني ومؤهلاتي غير
بعدين قال الله يوفقك
اكتبي اسمك رباعي وكتبته قالي بالتوفيق
صوته جدا مريح احس انه ريحني مرا
والله يوفقكم كلكم يارب

الله المستعان

انا بصراحه ممنونه لكم وكثير استفدت واليوم كانت مقابلتي وظيفة كاتب المرتبه السادسه
مقابلتي ابقولكم من اول ماجلست على الكرسي وحطيت السماعات واخذت نفس خفيف وقلت السلام عليكم ورحمة الله ومساك الله بالخير ياشيخ بصوت واضح ورد السلام كامل وقال الاسم الرباعي واعطيته فلانه بنت فلان بن ..... وقال اي كليه متخرجه وقلت من كلية التربيه تخصص تاريخ وهنا جتني الصاعقه ورد علي وش تخصصك قلت تاريخ قال اللي مكتوب عندنا اداره عامه قلت لاياشيخ انا تخصصي تاريخ ������ ورد مره ثانيه وش اسم الكليه قلت كلية التربيه بحفر الباطن وهي تابعه لجامعة فيصل بالدمام وكلمني الشيخ الثاني قال وش درجتك بكالوريوس قلت اي نعم وسألني وش سويت بالسنوات اللي راحت قلت توظفت معلمه جغرافيا في مدارس اهليه وهنا مدري وش اللي لقفني وقلت جغرافيا ورد علي قال انتي تخصصك تاريخ قلت اي الاداره عرضو علي ادرس الجغرافيا وانا وافقت وبعده قال وش تعرفين عن الديوان قلت هو ذراع من السلطه القضائه في المملكه وهو عباره عن هيئه قضاء اداري مستقله متصله بالملك مباشره تختص بالمنازعات الاداريه وقاطعني قال وش معني المنازعات الاداريه قلت المنازعات اللي تكون الدوله طرفا فيها ورد علي احسنتي وسألني وش تعرفين من مهام الكاتب قلت الكتابات النبطيه واستقبال المراجعات واستخراج الملفات وترتيبها وقاطعني اكتبي اسمك على الوورد وللاسف هنا ما ادري وش صار فيني وكتبت اسمي ولصقت اسم جدي بالقبيله ��������ولمن رفعت راسي رجعت مسحته وعدلته وهو يتكلم يقولي وسطي الكلام ضللته ووسطته وقال بالتوفيق ورديت آمين وبس سلامتكم

بنات تكفون اللي قابلووو ارفقتو الدورات والخبرات ولا لا انا ما خذو مني الا نموذج الطلب وختمو عليه وبس
وانا عندي خبره سنه معلمه ودورات حاسب

بنات شنو خاصية الاكمال التلقائي !
بكرة مقابلتي ع كاتب سجل المرتبة الرابعة ..

[align=center]
السلام عليكم ورحمه الله وبركاته
امس كانت مقابلتي كاتب ع المرتبه السادسه بالرياض
اول ماجلست سلمت رد علي الشيخ وسالني عن سجلي وش اعرف عن الديوان وماهي اختصاصات المحاكم الادارية والاستئنافية وقالي اكتبي ع الوورد
بسم الله الرحمن الرحيم
السلام علكيم ورحمه الله
المكرم رئيس ديوان المظالم سلمه الله
صح مختصره بس احس اني خربطت شوي وكان مبين اني مرتبكه من اللخطبه بعد نسيت اكتب الله بعد البسمله ولاانتبهت الا لما رفعت راسي وحت ثاني اكتبها
ربي يعديها بس
دعواتكم
[/align]