29-09-2013, 09:46 PM
|
عضو متواصل
|
|
تاريخ التسجيل: Sep 2011
المشاركات: 105
معدل تقييم المستوى: 1899
|
|
انا مقابلتي اليوم 1434/11/23 الساعه5العصر
المرتبة الرابعة .. على وظيفة : كاتب سجل
الحممدلله
بحكيلكم بالتفصيل وادعولي تكفووون
رحت الساعة 3 ووصلت 3وربع
كان ودي اروح2 عشان اخلص بدري لكن خيرة
طبعا اخوي دخل معي وقال هنا النساء وقال ايه
وانتظار الرجال برى المبنى او بسياراتهم
المدخل كانه مدخل مستشفى كبييير وفيه تنظيم الله يوفقهم
فيه امن عند ااول المدخل قال عطيني الشنطة مثل اللي بجمارك المطار التفتيش
ثم اخذت الشنطة ورحت .. طبعا المبنى دورين
تحت في البهو فيه كاونتر طويييل فيه 7موظفين يمكن
فيه 3 موظفين مكتوب لوحة فوق (الارقام)لابسين بدلة امن
وجنبهم3موظفين (الاستقبال) لابسين ثياب عاادي
وفيه يمكن 10حريم ماسكين طابور ورى بعض
صفيت معهم .. ثم جا دوري
قال (موظف الارقام)سجلك المدني والاسم
ومعه ورقة يعبي الاسماء وارقام السجل
ثم عطاني رقمي(51)
ثم قال روحي الكاونتر جنبنا (الاستقبال)
قال عطيني النموذج .. قلت ماطبعته..(اصلا الموقع مايفتح)
قال طيب سجلك المدني وعطيته
وطبعي لي مو ملونة وختم الورقة وقال روحي هناك بغرفة الانتظار لين ينادونكم
رحت الغرفة مثل الفصل فيه كراسي طويلة ورى بعض
فيه يمكن 40 وحده وكل شوي وحده داخله
وكلهم متغطين .. ثم جا رجال ينادي برى من 20لين40 اطلعو
ثم قال روحوا مكان ثاني كان كله موظفات
فيه مكتبين موظفتين قال تعالي صفوا بالدور تتأكد من البيانات بين دفتر العايلة والنموذج
ثم قالت ابصمي على النموذج ثم عطتني النموذج
ثم جلسنا ثم قالت موظفة ثانية واقفه .. اكشفوا وجيهكم
ثم تنادي رقم رقم
ثم دخلنا بالغرفة ومعي مجموعة وقالت نزلوا الطرحات(عشان تركبين السماعه وتسمعين زين)
ثم تنادي رقم رقم
ثم قالت رقمي (51) ودخلت بغرفة كبييرة مفروشة لون بيج والجدران خشبي
وفيها 10مكاتب يمكن دار مدارها مش بالوسط
وفيه موظفة واقفه عند المدخل وموظفة ترتب البنات بالدور
وفيه اصوات البنات يتكلمون بالمايكات لانه يسالونهم بالسماعات ومندمجين بالحاسب
كل مكتب عليه حاسب وسماعات
وكل مكتب مكتوب فوق (لجنة5) مثلا وهكذا
انا شفت (لجنة3)فاضية ورحت لها
قالت انتظري وحده قبلك انتي بعدها وخذت رقمي ونموذجي
=========
ثم خلصت البنت .. وقالت دورك .. وجلست وركبت السماعة
قبل اركبها قلت مابي انزل طرحتي !قالت ماراح تسمعين زين .. ليتني مانزلت طرحتي
كان صوت الرجل وااضح
قلت الوو قال مرحبا سجلك المدنى كذا كذا ثم انا قلت ايه وكملت الرقم
قال اسمك كذا كذا قلت ايه
قال ايش معك دورات؟قلت دبلوم الحاسب بسسس
قالت اشتغلتِ عليه عملي ؟قلت ايه وقت الدورة كنا ندرس عملي
قال عندك خبرة ؟قلت لا
قال اشتغلتِ قبل؟قلت لا
.. انا اخذت نظام كلمة و رد غطاها عشان مااتووهق وهو ماقصر 
ثم قال شوفي الحاسب قدامك.. ثم سوا لصق جدول .. لانه البنت قبلي سوت جدول
الجدول عبارة عن صف الاول فيه الاسم -الشهادة
والصف الثاني فيه التخرج-المؤهل
ثم جلست اعبي بيانات -حاولت اكون سرعة وبتركيز على الحروف-(واسمعه يسولف مع اللي عنده
اييه وين فلان يقولون وووو .. )
قال ظللي الصف الاول -رحت لكلمة-تصميم ثم اخترت من النماذج الجاهزة واخترت لون اسود
ثم قال حطي لون افتح حطيت اخضر .. ثم قال ظللي الصف الثاني
ثم رحت اخترت النماذج وجلست اجرب وش الالوان اللي تطلع مناسبه ثم قال خلاص خلاص شكرا
ثم انتهيت وطلعت الحممدلله كلها يمكن دقيقتين
وطلعت 4وربع
|
العرض العادي
