السلام عليكم ورحمة الله وبركاته الحمدلله وشكر علئ كل شي رزق بيد الله
سالفتي مع الشركات والمقابلات تعبت كل يوم اتامل ان بحصل احسن
تخرجت من الجامعه تخصص محاسبه وصرت ادور وظيفه كل من اروح شركه قالوا عندك لغه اعرف لغه بسيط كنت سابقا ويرفضوني وبعدين الله فرجه وسافرت للخارج درست لغه سنه و3 شهور ورجعت السعوديه فرحان اني بحصل وظيفه ورحت دورت في شركات قالوا ماشاءالله عندك شهاده محاسبه ولغه بس ناقصك خبره طيب منين اجيب خبره وانا بدون وظيفه ونقهرت علئ اتعبي قلت اصبر وجا يوم اتصلت علي شركه اشتغل عندهم براتب ضعيف وافقت قلت فرصه اخذ خبره واطلع والحين صارت لي خبره وادور شركه ثانيه علشان اطلع بسبب معامله المدير
اجنبي ولايرحم وراتب موراضي يزيد تقريبا الحين عندي خبره فوق سنتين وللحين اشتغل بس كل من اروح شركه راتب
اقل او زي راتبي صار هالزمن كل شي غالي اجاره للسكن ومصاريف السوال ليش السعودين يتعبون ويالله يحصلون علئ وظيفه وراتب قليل والله وافقت ومستعد حتئ لو اشتغل في جده او اي مكان اهم شي اشتغل في مكان يناسب تخصصي وتعب هالسنوات وراتب عدل ونسيت شي مهم ان اكثر الشركات تقول ارسل السيره الذاتيه وبنرد عليك خبر قريب ولايردون. السوال ثاني عندي شهاده ولغه وخبره ليش الرفض في هالشركات وتعسر في الوضايف

روح ارامكو راتبهم خمسة عشر ألف وإن شاء الله ما يردونك
لأني أعرف سوداني نفس وضعك كان وراح هناك قبلوه على طووول
براتب 15000 الف ريال

قدمت بس ماقبلوني ان شاءالله بقدم ثانيه ويارب خير

اجل سوداني وبارامكو وابن البلد جالس يدور خبرة واصلي يابلادي

يارجال كان تبي نصيحة رح لم قطر ولا لم الامارات ابرك من انك تجلس تطلبب هالشركات وانت معاك شهادة جامعية رح يابعدي لايضيع عمرك وانت جالس بها الديرة الي تحل مشاكل البطالة بالدول المجاورة وناسية بطالة شعبة

وعليكم السلام ورحمة الله وبركاته

لاتنسى !

تدخل على الرابط، وتكمل بياناتك بالموقع وأنتظر أتصالهم عن قريب أن شاء الله

https://recruitment.sabic.com/app_pa...agreement.aspx

وماعليك من شروطهم، قدم وسو الي عليك

مرحباااا من عنده تجربه العمل في قطر واسم الشركه

هلا أخوي أحمد

قدم على قطر للبترول
وإذا تبي شركات أكثر إقلب قوقل السعوديه إلى قطر وإكتب ما تريد وتجد معلومات

وبالتوفيق لك ...

مشكوررر اخوي قدمت ويارب القبول