السلام عليكم ورحمة الله وبركاته
الحمدلله جربت مجالات التجارة من مندوبه لمسوقه للكل شي
بس مليت لان عالشغله صح فيها مكسب بس مافيها حب للشغل نفسه
انا الحمدلله الكل يمدح بلبسي وذوقي ومن وين اشتريتي لبسك وكذا
وانا احب اتابع الموضه واللبس
وفكرت اكون مصممه ازياء وابيع بس المشكلة ابي خياط مو خياطه لان الرجال اقضل من الحريم عن تجربه
فرق بين خياطة المشاغل وخياطة العمال
وايضاا فرق بالسعر المشاغل نار
وحابه اخذ رايكم واطبكم كم طلب
هل تتوقعون تمشي معي اذا عرضت موديلاتي بالانستقرام والمنتديات
يعني الناس تشتري يرسلون لي مقاساتهم ويختارون الموديل ..
طبعا ابي اتخصص تيورات وتنانير بلايز مو فساتين زوجات
لانها كثيررره بالنت هالعروض
وياليت الي يعرف مكان اقمشه رخيص او جمله بالرياض يدلني عليه
وبعد يعرف خياط يرضى يتعامل معي بالنسبه

وجزاكم الله خيرا

والله اختي انصحك انت تتعلمي الخياطه بنفسك لانه اي شغله في صنعه اذا تبي تتحكمي صح لازم تتقني الصنعه عشان لايدلعوا عليك العماله مستقبلا اول وثانيا انصحك ع شغلة المواليد والاطفال مبدئيا لانه ماراح يخسرك شي وترى منافسينك في هالمجال والله اعلم قليل وتقدر تبدا بنفسك من بيتك هذا رايي والله اعلم

الله يوفقك

وعليكم السلام ورحمة الله وبركاته

حاولي انتي تتعلمين الخياطة لانها هي راس المال صراحة

الادوات مجرد مكائن بسيطة مثل ما تشوفين عند الخياطين ممكن تسوين غرفة في البيت او حتى جزء من غرفة النوم تكون مخصصة للشغل. واحرصي على الخامات الراقية وليست الرخيصة حتى لو كان سعر المنتج في النهاية مرتفع بعض الشيء.

ابحثي بقوقل واكتي "دورة خياطة"

انا اختي بدت بمشروع تصميم وخياطة مفارش وكفرات استقبال. والحين ماشاء الله احيانا تعتذر من بعض الناس ما عندها وقت


نصيحة : مجرد الذوق الراقي لا يكفي بل يجب بذل جهد كبير للكسب وهذا ينطبق على اي نوع تجارة.

اختي
بالعكس مشروع ناجح مية بالمية ويعتمد علي الذوق والتصميم والاستايل
والله للاسف الجمله ماعرف لكن اذا تبي شي من الكويت مستعدين نوفرهـ

وشوفي حسابنا في الانستقرام


مخالف

عليك بباب رزق جميل الظاهر انهم يقدموا دورات في الخياطه

ممكن تدلوني على خياط ماهر بالرياض

مشروع ممتاز بس الله الله بالبس والموديلات المحشومة علشان ربي يبارك لك في رزقك

وعلى فكرة دورة الخياطة سهله وماكثر الله غير في النت مجانا والمعاهد بس قبل كل شي سوي دراسة شاملة واستخيري لا تستعجلين


وبالتوفيق يارب

الله يوفقك يارب