السلام عليكم ورحمة الله وبركاتة

صباحكم / مسائكم الله بالخير

لا اطيل عليكم بالمقدماات

قدر الله مااشاء فعل

ربما ضرت نافعه

تم نقلي نقل تاديبي من مدينة تدريب الامن العام بالمدينة الى مدينة تدريب الامن العام بعسير وتاخير الدورة شهرين وحجز 4 اسابيع وخصم 10 نقاط



حبيت استفسر اين توجد مكان مدينة تدريب الامن العام بعسير لان بحجز تذكرة طيران ولا اعرف اين توجد ؟

ووكيف عسير كيف مدينه التدريب فيها كرف على ماسمعته ..؟ وكيف المدربين ..؟
وكيف اقدر اهرب جوال ..؟
وهل برد او حر على شان اجهز اغراضي ..؟


الرجاء الرد سريعاا

وعليكم السلام ,.

يجي من يفيدك ان شاء الله ,.


يمكن خيره لك وفعلا قدر الله وماشاء فعل ,.



والله يعين ,,.

ما اقدر افيدك الى بالشئ اللي اعرفه اما الاشياء الباقيه مابي اتكلم عن شئ ما اعرفه

بالنسبه للجو برد او حر ؟؟
انا من عسير والاجواء معروفه برد في عسير
لكن الحين باقي ماقد بدا البرد صح البرد صح يبدا من نهاية 12 وبداية واحد
والله متقدر تتوضأ خصوصا اذا كنت عايش في منطقه جوها معتدل
وانا اقول الكلام ذا علشان تاخذ احتياطاتك مو اخوفك

بالتوفيق لك وادع لي انقبل نهائي بامن المنشات

الله يعين الجميع




يعطيك العافيه والله يوفقك بامن المنشات ياارب

وننتظر من يفيدنا اكثر وخصوصا اين توجد مدينة التدريب ؟

لرفع والله ييسرها

مدينة تدريب الأمن العام في عسير موقعها في شعار تقريباً 30 كيلو برا أبها
وبخصوص مدينة التدريب اللي أسمعه أن مدينة تدريب عسير من أشد المدن من ناحية النظام والجزوات والمدربين
لكن طبعاً أنضباطك فوق كل شي
وبخصوص الأجواء إذا الدورة تاخرت شهرين راح تكون مع بداية ايام البرد

واسأل الله أن يوفقك ..

وعليكم السلام ورحمه الله وبركاته

قبل عقبة شعار كأنك نازل لمحايل تلاقيها قبل النقطه الي قبل العقبة

يعطيكم الف عافيه وربي يسعدكم


اعني احجز طيران لابها ؟ او فيه مطار اقرب ؟

[align=right]احجز طيران لى ابها وجهز اغراضك وخاصة الشتوية لانخا في منطقة مفتوحة من جميع الجهات ومرتفعه
ومدينة التدريب تقع على طريق ابها الطائف في مكان يسمى شعار. ولا تشيل هم الامور سهالات وان شاء الله يعجبك الجو والمنطقة . واهم شي لازم تتغير نظرتهم لك بانك منقول تاديبي . وتنظبط من اول يوم حتى لاتخسر الوظيفة .نصيحة اول ايامك هناك انسى الجوال وحاول تنظبط وتشوف كيف الوضع لانك منقول تاديبي وراح يحطون العين عليك ويتابعون كل صغيرة وكبيرة تسويها . والله يكون بعونك .[/align]

يعطيك الف الف عافيهه


لا اول تحضير اشوف الوضع واكون مسالم بعدين يبدا عمل التهريب ؟


وعلى ما سمعت ان ماتقدر تشرد خارج مدينة التدريب هذا العلم صحيح او فيه اماكن اقدر اشرد منها ؟