السلام عليكم


انا ابغا اتوظف بشركه مشرفه ولا اداريه ولا ادخال بيانات غير الكول سنتر ولا خدمه عملاء ولا معهد حاسب الي اداريه ولا اي وظيفه غير التدريس "عمل مكاتب ولا وظيفه بمكتب"
واذا يعني بمدرسه اهليه مشرفه ولا مراقبه ولا اداريه
ولا بمكتب عقارات معقبه ولا اداريه

انا معاي دبلوم حاسب الي تخصص شبكات سنتين
حاصله على شهاده الدبلوم تحت اشراف المؤسسه العامه للتدريب التقني والمهني
اجيد استخدام الحاسب الالي
الهدف الوظيفي تطوير ذاتب واثبات نفسي في المجتمع واكتساب الخبرات
ولدي خبره 4 اشهر بشركه معروفه بشمال الرياض وعندي شهاده خبره منهم
وياليت تكون الوظيفه بمخرج 5 ولا 6 ولا 7
واذا ما فيه عادي بس يكون بشرق الرياض وانا حدي مخرج 13 ولا مخرج 14 ولا 15 مو اكثر لاني انا ساكنه بشمال الرياض وما ابغا ادخل بالزحمه وخصوصا زحمه الصبح والظهر والمدارس والسيارات


وان شاء الله الاقي واحصل الوظيفه الي ابغاها واتمناها
وجميع المسلمين

وعليكم السلام

تابعي قسم الوظائف الرياض بشكل شبه يومي
وباذن الله تجدين فرصة الوظيفية المتاحه لك

موفقه

تابعي قسم وظائف منطقةالرياض وربي يوفقك

تسلمون اخواني
اتابع وارسل بس ما فيه رد منهم

المشكله بالمواصلات عندي الفتره هذي وخصوصا الصباح
ولا المساء اقدر
والمدارس ما فيه احد يداوم مسائي مثل المعاهد
وكتبت موضوع وما فيه احد رد علي الا وحده وعطتني اسم معهد واحد بس وما وصفت لي المكان ومع انه انا كتبت وحددت انه ابغا وصف مع الاسم
واشوف عدد المشاهدات لموضوعي تزيد وما فيه ردود

وانا رحت لمعهد واحد بالشمال وعطيتهم ال CV تبعي
والثاني معهد ولهم فرع يوظفون "ك مكتب توظيف" واعطيتهم ال CV تبعي وطلبوا مني صوره من شهادتي وشهاده الخبره والاثبات
وما قدرت ارجع لهم لانه الاثبات مو معاي ولا حتى صوره
واكيد راحت علي لانها حددت لي قالت لي لك لنهايه الاسبوع وانا ما رحت لها

على كلا
مشكور اخوي وجزاك الله خير وجميع المسلمين
وجعله في ميزان حسناتك ان شاء الله

المشاهده 52

وما فيه ولا ردود ولا حتى رد واحد
ولا شخص افادني بشيء

عدد المشاهدات 88
؟؟؟؟!!!!!!!!!!!!!!!!

ونعم بالله
لي اكثر من سنه من شهر 2"فبراير" العام وانا اقدم ويتصلوا علي واعمل مقابله وبعدها ما فيه
وبعضهم ما يتصلوا علي
من قال اني جالسه وانتظر اي اعلان يناسبني ويناسب اهلي ويرضون فيه قدمت فيه
وقدمت عند الموارد البشريه قبل فتره لما فتحوا قسم للتوظيف