كل مايتعلق بالدفاع الجوي

ابراهيم الشمراني · #1 (**permalink**) 17-09-2013, 01:02 PM

السلام عليكم

اتمنى ان الموضوع يفيد الجميع ومن عنده اضافه لا يبخل فيها
اولا بخصوص الاوراق المطلوبه اصل شهادة الكليه وصوره طبق الاصل
صورة طبق الاصل ثالث ثانوي 16صوره كاشف الراس
صورة الهويه وصورة هوية الاب وصورة كرت العائله

بخصوص الاختبار احب اتكلم عن اللي جاني كله عربي واختيارت وصح وخطاء فقط ثلاث اوراق...
اختبار اللياقة جدا سهل تمرين الضغط وتمرين البطن ويقولك اقفز من مكان لاخر وبعدها الهروله وهي المتعبه اربع لفات
وبعدها تاخذ اورق العمده والبصمات والاحوال تضبطها خلال اسبوع وتسلمها

بخصوص فحص المستشفى اللي بمخرج 5 كان جدا سهل ومتعاونين معانا بكل شي يعني لحد يخاف بس المصري حق النظر هو قلق شوي بس ان شالله بيمشكم
طبعا جينا الساعه6 ومادخلنا الا7ونص والساعه 11 خلصنا كل شي وع البيت
بعدها بيوم تحلل مخدرات بنفس الوحده ويقولون خلاص حنا نتصل عليكم وبس

دعواتكم ياشباب واللي عنده اضافه ينورنا واللي عنده اي استفسار ان شالله اجاوبه باللي اعرف

أناعاطل · #2 (**permalink**) 17-09-2013, 06:24 PM

السلام عليكم ياشباب
بالنسبه لاختبار البرمجيات باللغة الانجليزيه وهو عباره عن اختياري وصح وخطا و ثلاث مسائل يبغي المخرجات

وعندي خبر مانا متاكد منه عن موعد الدوره راح يكون شهر 2

وفي تقديم لي طلاب الثانويه شهر 12 عن طريق البوابه

وعندي استفسار عن مدة الدورة هل هي 3 شهور فرد اساسي فقط او في دورة تخصص

ونسال الله التوفيق لجميع

ابراهيم الشمراني · #3 (**permalink**) 17-09-2013, 07:33 PM

اللي اعرفه 3 شهور فرد اساسي
واذا كنت فني لزم دورة تخصص غير 3الشهور حقت الفرد الاساسي
والمده تختلف من تخصص لاخر في 3شهور وفي 6شهور
وبخصوص موعد الدوره صح بشهر2 وناس تقول في دوره بشهر 1

الطيأر · #4 (**permalink**) 18-09-2013, 05:34 AM

حنا خلصنا كل شي وسلمنا كل الاوراق

بس باقي اختبار عملي << الاختبار النظري خلصناه بس قالو فيه اختبار عمللللللللي

ابراهيم الشمراني · #5 (**permalink**) 18-09-2013, 03:50 PM

طيار حنا نفس الشي بالرياض سلمنا كل شي بس احتبار عملي !!!
غريبه حنا بس نظري وش تخصصك انت
وبخصوص راتب وكيل رقيب ماعندك فكره كم ؟

حلو الأيام · #6 (**permalink**) 18-09-2013, 03:53 PM

الله يوفقكم يارب

الطيأر · #7 (**permalink**) 19-09-2013, 02:37 AM

اقتباس:

المشاركة الأصلية كتبت بواسطة ابراهيم الشمراني

طيار حنا نفس الشي بالرياض سلمنا كل شي بس احتبار عملي !!!
غريبه حنا بس نظري وش تخصصك انت
وبخصوص راتب وكيل رقيب ماعندك فكره كم ؟

ايه قالو لنا باقي لكم اختبار عملي يوم الاربعاء القادم للوظائف الفنيه فقط

انا تخصصي ادارة مستودعات ( تموين )

وبخصوص الرواتب تختلف من تخصص لاخر فيه تخصصات يمشي لها بدل خطر 1000 ريال مثل التموين وفيه تخصصات 600 ريال

بس على حسب كلام الشباب في المنتدى وغيره ان اعلا الرواتب في التموين يعني يمكن يتعدا 8000

والوكيل الرقيب ماراح ينزل عن 7200 ريال

الله يعيينه على الاختبار العملي الشاطح ذا

ابراهيم الشمراني · #8 (**permalink**) 19-09-2013, 03:59 AM

طيب كلنا فنيين بس اختبار نظري بس الا اذا بيتصلون علينا ويختبرونا مدري
بس يوم سلمنا الاوراق محد قال لنا شي
ع العموم بتوووفيق يارب وفالكم القبوول النهائي يارب

الطيأر · #9 (**permalink**) 19-09-2013, 04:05 AM

يعني ماقالو لكم ان باقي اختبار عملي ؟؟؟

انت يوم سلمت الاوراق ماوروك نتيجة الكشف الطبي ؟؟؟

حنا ورونا النتيجه وكلنا ناجحين ويمكن عددنا مايوصل 14 او 15 مره قليليين

انتم كم عددكم في الرياض قليل ولا واجد ؟؟

اي صح حنا يوم سلمنا الاوراق يقول لنا الرقيب خلاص اذا ناجحين في الكشف الطبي مقبولين نهائي يرسلون ملفاتنا للقياده وينطبع قرار تعييننا ع طول بس خوفنا من الاختبار النظري والعملي ولا كل شي تمام الى الان

ابراهيم الشمراني · #10 (**permalink**) 19-09-2013, 05:11 PM

لا حنا خلصنا جميع الاوراق وبعدين سوينا الفحص
والنتايج تتصل عليهم ويعلمونك والاغلب ناجحيين
العدد اعتقد بالاربعينات ماكان كثير
حنا اختبرونا نظري فقط عملي لا
طيب الان خلصنا كل شي متى يعلمونا بالنهائي

كل مايتعلق بالدفاع الجوي

إستفسارات ونتائج الوظائف العسكرية

السلام عليكم اتمنى ان الموضوع يفيد الجميع ومن عنده اضافه لا يبخل فيها اولا بخصوص الاوراق المطلوبه اصل شهادة الكليه وصوره طبق الاصل صورة طبق الاصل...

كل مايتعلق بالدفاع الجوي

تسجيل الدخول

كل مايتعلق بالدفاع الجوي

إستفسارات ونتائج الوظائف العسكرية

السلام عليكم اتمنى ان الموضوع يفيد الجميع ومن عنده اضافه لا يبخل فيها اولا بخصوص الاوراق المطلوبه اصل شهادة الكليه وصوره طبق الاصل صورة طبق الاصل...

كل مايتعلق بالدفاع الجوي