مشكور اخت احلام للمرور والنصيحة..ممكن التواصل للسؤال والاتفاق..

من لديه مشروع ناجح وبحاجة لشريك..انا على اتم الاستعداد

فيه مشروع لكن ما يحتاج المبلغ الي ذكرته انما يحتاج عدد مستهلكين يناسبوا كمية الانتاج وتقريبا تطلع التكاليف مع اول انتاج اذا اعتنيت فيه لكن يحتاج لك متابعه للمشروع او الله يعينك تشارك العمال فيه عشان يهتموا فيه

المشروع عباره عن انتاج زراعي ولو ما ارتفاع الاسعار الي صار العام الماضي والحالي اوقات الصيف ورمضان مع الطماطم وباقي الخضروات كان ترددت في النصيحه لكن تحتاج لمزرعه تتوفر فيها المياه وتكون كمية الانتاج تناسب المنطقه الي انت فيها حتى ما ترفع كمية الانتاج ثم ما تلاقي زبون

فلو استاجرت مزرعه مساحة بين 50 الى 100 الف متر تكون جاهزه فيها الابار والمكينه بسعر بين 5 الى 15 الف ريال او شرى بعشر اضعاف الايجار وبديت باربع بيوت محمية بتكاليف 80 الف فيفترض اذا ضبط الانتاج ان تعطيك اول سنه 160 الف مبيعات عاد لو تتعامل مع عامل فاهم في الشغله والنص بالنص وباقي المزرعه الي تغطيه المويه تزرع خضروات للسوق برضه بيعطيك على حسب المحصول واذا حاب تستمر اكثر ممكن تزرع معاه اشجار مثمره بحسب المنطقه الي انت فيها برضه ممكن الشجره تعطيك 100 ريال للانتاج واكثر بحسب الاسعار جمله والا توزيع ممكن يتضاعف 10 اضعاف البيع بالجمله

عاد لك وللبقيه الي يتوفر عنده مزرعة ويريد مكاسب سريعه فالبيت المحمي الواحد كلفته في الوقت الحالي تقترب من 20 الف ريال لكن المهم الخبره لان ممكن ينضرب المحصول بسبب الاهمال ومايرجع في اول انتاج الا ثلث الكلفه او قل وممكن برضه يتعرض لضربة برد او حر زايد يتلف النبات قبل الانتاج او حتى سيول او جفاف مياه او تربه سيئه يعني توقع الاسوء زي ما تتوقع الافضل بالرغم ان اول زراعه يفترض تكون الافضل خاصة اذا تم العناية بالتسميد الطبيعي بعيد عن الطرق العادية انما التسميد بطريقة صناعة الكمبوست لو بحثت بتلاقي الطريقه حتى ما يكون السماد الطبيعي بالطريقه التقليديه ناشر للامراض وبرضه فيه طرق لمعالجة التربه قبل الزراعة زي مكافحة الافات في التربه من ديدان وحشرات قبل الزراعه بفتره شهرين تقريبا ثم استخدام المبيدات ومواعيدها وانواعها بحسب انواع الفيروسات والفطريات هذي يكونوا عارفينها العمال الي عندهم خبره في الزراعه في البيوت المحمية فالبعض يستخسر ان يروح نصف الانتاج ويضيع عليه الانتاج بالكامل بسبب اخطاء بسيطه يتم ارتكابها بسبب عدم الخبره وحتى الي عنده خبره احيان اهمال بسيط يكلف الكثير او حتى افراط في العنايه يكون تأثيره سلبي على الانتاج سواء درجات حراره او رطوبه ما تتناسب مع نوع من انواع المنتج الواحد فما بال التعامل مع اكثر من منتج

المختصر ان مع تحسن الانتاج مع اجواء مناسبه لمنتج الطماطم على سبيل المثال والي تناسبه درجات حراره بين 25 الى 28 درجه تقريبا في المناطق الحاره يكون فيه عملية تهويه او تكييف بحسب درجات الحرارة اما في المناطق البارده فيكون الانتاج افضل لان درجات الحراره بشكل عام تكون مناسبه للانتاج فزي وضعه يكون معدل الانتاج بين 70 الى 80 كرتون صغير كل يومين على مدار 4 الى 5 شهور وهي كمية تقريبا تعطي اكثر من 20 الف ريال لاول انتاج لو كان متوسط سعر الكرتون 5 ريال اما في المواسم فممكن اسبوعين انتاج تعطي اكثر من نصف التكاليف للبيت المحمي واستمرار السعر مرتفع تعطي مبيعات بنفس الكلفه تقريبا لكن المهم الوصول بالنبات لذروة الانتاج ويكون خالي من الاوبئة الي ممكن تدمر المحصول

البعض ما يكون عنده قدره انه يبدى بمبالغ كبيرة فممكن يعمل بيوت محمية صغيرة بحسب استطاعته لكن كلما صغرت اكثر كلما تراجعت كمية الانتاج خاصة مع تقلب الاجواء وعدم توفر تكييف بسبب تأثر النبات القريب من الابواب لكن برضه حتى هي تطلع التكاليف مع اول انتاج او اول سنه في حال وجود عامل ياخذ نصف المحصول

البعض يغامر بشكل اكبر فوق حاجة السوق فيزرع كميات كبيره او يشتري كميات كبيره ويبدى يحسب الارباح بينما السوق ما يستوعب المعروض سواء منه او من المنافسين فالافضل ان يتم معرفة حاجة السوق وتقريبا المنتجات الاساسية طماطم وخيار جزر وبصل و باميه وكوسه وفلفل رومي سواء مكشوف او محمي مع البطاطس وغيرها من المنتجات الدارجه في السوق تكاليفها محدودة وما تحتاج لمبالغ كبيره بقدر ما تحتاج لمساحة كافية وكمية مياه معادن في التربه واجواء مناسبه لكل منتج سواء كانت مكشوفه او مكيف لها الاجواء عن طريق البيوت المحميه فهذا مشروع للي يريد الكسب السريع واذا كان كسول فمثلما الكسب السريع يتوفر الخساره السريعه فالافضل تكون البداية بمساحات صغيره الا اذا كان السوق يسمح بدخول المنتج وبيعه بدون مشاكل او تكدس له والي يريد ارباح فعلى حسب الموسم يفترض تكون الارباح اول الموسم لاي منتج ثم تتراجع وقت ذروة الانتاج بسبب زيادة المعروض

وارجع اذكر ممكن يتوفر المكسب السريع وممكن يتوفر الخساره السريعه والتكاليف في حال توفر الارض يفترض تكون محدودة مع الانتاج المكشوف لكن زي الطماطم والخيار انتاجية البيوت المحمية افضل من المكشوف بمعدل 10 اضعاف واكثر لنفس المساحة والمهم العنايه بالنبات حتى ما ينضرب المحصول

ماشاء الله تبارك الله الأخوان والأخوات ماقصروا وأفكارهم جميله ومتنوعة .

أرى والله أعلم أنه الأنسب ما أقترحته الأخت أحلام لأنه المشروع مضمون بعد أرادة الله وهي متكفله جزاها الله خير بتشغيل المعده ( قلاب ) ويكون بذلك أنك أستثمرت جزء بسيط من مالك .

لدي فكرة مشروع لكن تحتاج لمحل كبير وأيدي عامله لاتقل عن سته أشخاص حسب أعتقادي وهي بأختصار سوبرماركت خاص بالفواكه والخضار ومشتقاتها كالعصيرات مثلا ويكون جزء منها لعرض الفواكه والخضار المجزأة والمقطعه بحرفية وأتقان وكذلك التغليف وطريقة العرض تكون بشكل مميز وجذاب والأهم من ذلك جودة البضاعة ونظافة المحل لأني بصراحه ألى الآن لم أرى هذا المشروع المتكامل منفذ على ارض الواقع وبذلك تضمن التميز والبيع بعدة طرق ( مقطع وغير مقطع ) وفالك التوفيق والرزق المبارك ... ( أخي الكريم هذه مجرد فكره تحتاج لدراسة السوق ودراسة نظرة المستهلك ومدى أقباله على مثل هذه المشاريع وبأمكانك عمل أستبيان توزعه على الأقارب والأصحاب وعوائلهم كنموذج للمستهلك )

الاعزاء بارق الفجر,,,غريب الاوطان..
اشكر لكم مروركم وتعليقاتكم ومشورتكم..بالفعل مشاريع ممتازة ومغريه وان كانت تحتاج للكثير من المتابعة والتفرغ..وبحكم اني موظف يتعذر علي متابعتها..تحياتي لكم
بخصوص مشروع القلاب حاولت الاتصال بلاخت التي اشارت عليه به..لكن للاسف لم اجد اجابه..

انصحك بمحل خردوات ابو ريال وريالين

كيف حاولت تتصل فيني ؟؟؟؟؟؟