السلام عليكم ورحمة الله وبركاته

قصيده اعجبتني جدا وحبيت ان انقلها لكم وهي لشاعر / محمد البلوي

يالسياحه نـدري ان الجـو كايـف
والمصايف ما يمـل اللـي وصلهـا
أمسيـات ومسرحيـات وطرايـف
والدعاوي سمنهـا مخالـط عسلهـا
بس حنـا لـو تزيـدون الكلايـف
لا نبـي هـذي ولا نبغـا بدلـهـا
غيرنـا تلقـو طبقـات وطـوايـف
يوم كلن رحلـة اوضاعـه رحلهـا
فاقد اللقمة ما هـو يـم المصايـف
منشغـل والراحـه الواقـع خذلهـا
الغلا متصـدر اخبـار الصحايـف
والحيـاه امورهـا مـن يحتملـهـا
النفوس يحوفها من الوقـت حايـف
وان سطا فيها خطير يجيـب اجلهـا
مار يا اللي تنقـل الاخبـار لايـف
لا تحَجْب الارض عن قمـة جبلهـا
خبّر اللي ما نـوى مـد النصايـف
عن رسايل حرّف الساعـي جُملهـا
السمان الوافيـه وصلـت نحايـف
والبلا إن اللي نقضهـا مـا فتلهـا
الفقـيـر يسكتـونـه باللـفـايـف
والحلول الحاسمـه طـوّل جدلهـا
والشباب يصيح من قـل الوظايـف
والامور اللـي مـا يقبلهـا قبلهـا
بيّنـت كـل الدلايـل والوصايـف
والعقول إنزاحـت إستـارة جهلهـا
المناظـر مـل منهـا كـل شايـف
والعيون تجاوب اللي مـا سألهـا !
الحواجـز فرقـت بيـن الولايـف
والاراضي تشتكي مـن ذل اهلهـا
التسـوّل زاد والطـوّاف طـايـف
في نظام نفوس تكسب مـن فشلهـا
تختفي مضايف وتظهـر مضايـف
والعيون يدور حول السـور أملهـا
والخطا إنّـا نعتبـر هـذي خفايـف
لين طحنا من جهلنـا فـي وحلهـا
بس لـوّ الهايـف نسميـه هايـف؟
كان بعض دروبنا العـوج نعدلهـا!
يا خبر ماني مصدقك انـت زايـف
والولا إستوطن خواطرنـا ونزلهـا
حافظين عهودنـا حفـظ اللطايـف
مـا تهـز نفوسنـا ثـورة زعلهـا
وانت ياللي من جحودك رحت عايف
خـل شخصياتـك اللـي تنتحلـهـا
تبغا ترحل ما على مثلـك حسايـف
الحمـول الله يبـارك فـي جملهـا
اما انا نظراتـي بـروس النوايـف
واعلـم إن أرزاقنـا ربـي كفلهـا
مانـي بمتضايـف ولانـي بخايـف
والقصيـده جبتهـا علـى مهلـهـا
والكـلام اللـي تعـداه الشفايـف؟
الحقوق مقسمه والشعـب اكلهـا


وصح لساانك يالشاعر والله جابها مزبووط حنا وين والسياحه وين

شكرا يالحر على النقل

قصيدة رائعة