[align=center]السلام عليكم ورحمه وبركاته
[/align]
[align=center]عندما انتهيت من الدراسة الثانوية اردت ان اتوظف بدلآ من اكمال الداسة

ولم اجد وظيفة
المهم كان مؤذن مسجدنا شاب طيب جدا لدرجة كبيرة وكان من مدينة الحوطة

الشقيقة

كلمه الوالد وقال له ما تخبر للولد وظيفة عندكم وكان يعمل في وزارة الصناعة والكهرباء

قال افا عليك الوظيفة عندي وراح امر عليه بكرا الصبح الساعة سبعة

ترى يمكن يداوم بنفس اليوم يعني مهب راجع لكم إلا الساعة 2


فرح ابوي وانبسط وتشقق والوالدة بعد فرحت ومن زود الفرح عشتنا ذيك الليلة

قرصان وانا جبت سفن اب واكتملت الليلة وكنا في غاية الانبساط

مرني الرجل الساعة سبع وحنا بالطريق قال لي شف ترى شهر نجي بسيارتك

وشهر بسيارتي وقام ودق قرعة من نروح على سيارته اول

ويو وصلنا ودخلنا الوزارة قال تعال اوريك مكتبك ودخلنا هاذيك الغرفة وفيها

اربع مكاتب قال انت تبي تصير معنا هنا

ثم عرفني على زملائه اللي بالمكتب وقال لهم هذا الموظف الجديد

ثم قال لي تعال اوريك غرفة الفطور وقال القطة 70 ريال يالله ادفعها الحين وفعلآ

اخذها مني والمشكلة ما كان معي إلا 100 والى الحين ما شفت الباقي

واخيرآ جت الزبدة ودخلنا على المدير


قال هو للمدير هذا جارنا يبي وظيفة

قال المدير والله ما عندنا وظايف

قال طيب يالله السلام عليكم

ورجعني ونزلني في البيت وانا غير مصدق......!!!![/align]
[align=center]
وصدق الأستاذ يحيى الدوسري يوم يقول :

المحاله شفتها بـانت محـالـه مالـهـا حل ولو طـالت سنيني
[/align]