استاجر لك حوش ف موقع بيع السكراب
واشتر واشتر من اللي يبيعون على طن وطنين ولامنك جمعت لك بحدود الخمسين طن استاجر لك تريله ورح بعها على سابك
بس يبغالك عمال وشعلتها متعبه بالحيل لكن فيها من الدراهم قوم وقعده
مجرد فكره وشكلي بخوض فيها

خجول الاسم يعطيك العافية على الفكره ولكن. مشروع ألمكتبه ثبت برأسي ان شأالله

اخي البراء عندي نصيحه لك
قبل ما تبدأ المشروع اللي تبي تسويه سواءا كان مكتبه او مشروع ثاني
سولك دراسه جدوى للمشروع اللي تبي تبدأ فيه
عشان اذا لا سمح الله خسرت او صارلك شيء
يكون عندك خطه بديله.
وفيه حكمه تجاريه تقول :
لا تضع كل البيض فيه سله وحده
بمعنى لا تبدأ بالمشروع بكل فلوسك
لأن اذا خسرت بتخسر كل فلوسك
عموما الله يوفقك بالمشروع اللي تبي تسويه
..
تقبل مروري - سلطان

مشكور يا أخ سلطان على النصيحه

السلام عليكم
اخوي البراء
الظاهر انك مرتاح نسبيا لفكرة مشروع مكتبه ، اذا ركز على مشروعك ولا تشتت تفكيرك
قوم بزيارة ٦٤١٣ مكتبه او قرطاسيه
هههههههههه
زور اكبر عدد من المكتبات راح تستفيد افكار كثيره من طرق العرض والديكورات والبضائع والملاحظات على الموقع
وتعرف على موردين الجمله
مع كثرة الزيارات والمشاهدات الميدانيه بتزيد من معرفتك اكثر لمشروعك وتكون بدايتك آقوى

اسأل الله ان يوفقك

المشاريع واجد و الربح والخساره بيد الله والله الموفق
و انا عن تجربة احد الزملاء اخذ قرض 120الف ريال و راح الامارات و شرا له سيارتين و جابها للسعوديه وباعها و جاه مكسب على كل سياره 8000ريال وداوم على هذا الحال يشتري من الامارات و يبيع في السعوديه و حتى بعض السيارات في بيعها يجيه مكسب 2000ريال بس اهم شي ما يخسر ومنها تعرف ع ناس كثير شريطيه في السعوديه و في الامارات و صار يتواصل معاهم في كذا موقع و الان تاجر ما شاء الله و هذا كله بتوفيق من الله

انا ضربت لك مثال و الامثله كثير و الربح والخساره كلها حاصله و لكن عليك بالتأني في كل شي
موفق اخوي