السلام عليكم ورحمة الله وبركاته
للي يقول عندي راس مال كويس وما ادري وش اسوي فيه
..
انا اقولك ايش راح تسوي فيه
فيه حي بالرياض اسمه المونسية
طبعا هالحي يعتبر جديد تقريبا له 8 سنوات
كان كم قبل سنه كان حي مليان استراحات
بس الحين صار الحي سكني
المهم نرجع لموضوعنا
في الحاره الحمدلله كل شيء موجود فيها
الا حاجه وحده
اللي هو محل جوالات
ايه نعم
المكان هناك يحتاج محل جوالات
واللي بيفتح بيكون مكسبه جيد
لأنه مافيه محلات للجوالات منافسه لك بالمنطقه
وانصح اللي بيفتحه يفتحه بشارع اسمه القلم
لأنه يطل على حديقة المونسية
وهالحديقة حولها تجمع سكني
وقدام الشارع فيه عمارتين
لشركة مقاولات وفيها فوق 700 عامل
وبالشارع فيه كم محل فاضي *للايجار*
وانصح اي واحد بيفتح المحل هناك يسوي دراسه جدوى
عشان يشوف المشروع يناسبه او لا
واي سؤال انا حاظر
والسلام عليكم ورحمه الله وبركاته

جزاك الله خير الجزاء يابو سلمان
لكن المشروع هذا مقتصر على مكان معين
ولكن قد استشف منه انه يمكنني البحث في الأماكن السكنيه والتي ينقصها محلات تغذي المنطقه

شكرا لك على مرورك هنا
ولكن لاحظت فيه ناس يسوو مواضيع انهم يبون افكار لمشاريع
لأنهم يمتلكون راس مال جيد
عشان كذا سويت هالموضوع

كلامك سليم والله

لكن المشكلة مافي درااااهم كله على هالراتب الله المستعان

بس بسألك هناك المحلات توقعاتك كم تبلغ إيجاراتها

اتوقع افضل حل ان المستثمر ما يتهور ويشترط على صاحب المحلات مهلة بين سنه الى سنتين تجربة ان ضبطت معاه كان بها ما ضبطت فالمحلات اساسا ماهي مؤجره ولو فيها خير ما احد وفرها بما فيهم صاحب المحلات هو وال 700 بنقالي الي فوق