مشكلتي مع السلف وعدم ارجاعها

طلال القنوعي · #1 (**permalink**) 22-09-2013, 12:12 PM

السلام عليكم .. عندي مشكله زميل بالعمل طلب مني سلفه 50 ريال واعطيته بدون تردد
لاني حسيت وقتها فعلا محتاجها واخذت قرابة اسبوعين ماسألت عنها لين شفت الموضوع طول معه بعد ما سألته وين الخمسين قال اطلبها عند الله يعني جحدني !!
انا والله اعتبر المبلغ مو ذاك المبلغ الكبير عشان اطالب فيه بس شفت حقارة هالانسان على هالمبلغ وما يرجعه زادني تصميم اخذ حقي بقوه ولو كان الحق المطالب فيه بـ 50 ريال ..
مع العلم انه مملك و زواجه قريب اه لو تدري زوجته انه متسلف من واحد 50 و لايرجعها وش بتنظر له ؟؟ انسان حقير .. انا بصراحه ماعندي حلوووول ماقدرت اخذ حقي منه تكلمت معه بـ ود مانفع معه وش الحل ؟؟

واحد اثنين · #2 (**permalink**) 22-09-2013, 12:22 PM

50 ريال!!!!!

بن سمحان · #3 (**permalink**) 22-09-2013, 12:59 PM

[align=right]
بعكس اخي افرح
لان الانسان كشف معدنه في مبلغ زهيد
واعطاك فرصه من بدري انك ما تثق فيه او حتي تتعامل معه في السلف والدين
لان لو ما جحدك الحين .....بكره بعد الزواج اكيد حيتسلف منك مبلغ اكبر يوصل فوق الالف ...وحيجحدك فيها
لا تحاول انك تسترد الخمسين ....خلها عذر للايام الجايه انك ما تعطيه شي وتذكره بجحده فيك
هذه فرصه لك لا تفوتها في زحلقت انسان يستهين في حقوق الاخرين [/align]

مريممريووم · #4 (**permalink**) 22-09-2013, 01:11 PM

اعتبرهم صدقه زكاة دفع بلاء عنك وعن عيالك

طلال القنوعي · #5 (**permalink**) 22-09-2013, 01:52 PM

انا ما اهتميت لان المبلغ سخيف بس الي قهرني واستفزني انه جحدني وانا ساعدته بدون تردد .. لي صديق مصري بالعمل يقول هذا لو يطلبك ريال مستحيل يخليك وعلى هذا المبداء انا بتعامل معه بس مو لاقي حلوووووووووووووووووووووووووووووووووووووووووووووووو وووول ارجع المبلغ السخيف ؟

مع اني افكر اتصدقها له بس هالاشكال ماتستاهل الصدقه

آبو سعد · #6 (**permalink**) 22-09-2013, 02:03 PM

وهل تعتبر الخمسون ريالاً سلف ؟ وهل صارت مشكلة عويصة الان ؟

الموضوع وطريقة كتابتك توقعتها خمسون الف ...!!

ياللعجب .,

الحل مع مشكلتك اولاً نسيان هالمبلغ ..
ويكون درس بسيط لك لتتعلم من هذه الحياة من يستاهل انك توقف معه او توقف ضده .,
وان اقول ان هالشحص كشف لك وجهه وشخصيته بمبلغ زهيد ..

بالتوفيق ياراعي الخمسين .,

عبيراء · #7 (**permalink**) 22-09-2013, 04:12 PM

وعليكم السلام ورحمة الله وبركاته
حياك الله
هو صحيح الخمسين تنفع تعبي بها بانزين وتروح فيها مشوار بالليموزين لما تخرب سيارتك وتجيب بها كم غريض من البقاله بس جعلك تسلم ما تستاهل ينحط عشانها موضوع

أنا مع الأعضاء الله يجزاهم خير الي سبقوني بالرد في مسألة تناسيها وعدم إشغال نفسك بكيف ترجعها .
نعمة انك اكتشفت الشخص على حقيقته في ابسط موقف تحتاج منك حمد وشكر لله سبحانه حتى ما تتورط معه مستقبلا في أي تعامل أو مبلغ أكبر .
أهم شي الصحه والعافيه .. ريّح بالك وحط اعصابك في الثلاجه ولا تقعد تاكل في نفسك عشان 50 ريال ترا الرجال ما فكّر فيك ولا جاب خبرك ومحد نافعك إذا مرضت وبتضطر تدفع على العلاجات أكثر من 50 ريال وساعتها بتكون الخمسين الي سلفتها له حقيره في عينك ما تسوى هلله .
خلها صدقه عن نفسك واحتسبها عند الله والحق لي راح ما ينرجا عوضه إلا من الله سبحانه .
الله يعينك ويشرح صدرك وييسر امرك ولا يحوجك لأحد .
تحياتي لك

وضح النقى · #8 (**permalink**) 22-09-2013, 04:33 PM

كتبت رد وش طوله وطار بس ماعليه بعيده
بعض الناس تحسسك ان هالخمسين لاقيها طايحه بالشارع !!
ترى هالخمسين ماجت ببلاش جت من تعب وخمسين تشحن جوالك اوتجيب حليب الطائي!
مشكلتك انك سويت معروف مع واحد مايستاهل المعروف مالك الا تقول له يافلان انا عطيتك وقت حاجتك وسديت لزومك يوم انك محتاج وهالحين ابي حقي عشان ربي يبارك لك بحياتك
واذا شفته مايجي بالطيب ووجهه وسيع وعيا قول مومشكله دفعة بلاء وصدقه لك ولاهلك والله يتقبلها خله يفرفر بمكانه !

الصراحه انه مايستحي وشلون الرجال يرضى على نفسه يشحد ويجحد مايشوف لك معروف عليه راحوا الرجاجيل اللي عليها العلم

وخل هالسالفه درس لك وحطها بين عيونك لاجاك يحوس ويبي هالادمي اشطب عليه ومامنه فود !
واعتبر هالخمسين مقابل كشف معدن على قوله اللي قبلي وطلع رفيقك خرطي احمد ربك ماهيب خمسين الف

طلال القنوعي · #9 (**permalink**) 22-09-2013, 05:06 PM

الي يقولون 50 ماتستاهل انا ذكرت فالبدايه مو مهتم عشان الخمسين انا تبرعت لصالح عائله سوريه من اللاجئين بـ مبلغ كبير ومافرقت معي 50 . انا احصل على راتب فيه اضعاف الـ 50 وانا ماتكلم عن الارقام بالموضوع اقصد انه جحد

عبيراء · #10 (**permalink**) 22-09-2013, 10:41 PM

حياك الله
لا تزعل يابو الشباب والعذر والسموحه منك لأني فهمتك غلط .
شف بارك الله فيك اصابعك مهيب سوى وياما بتشوف في هالحياة بس قل الحمد لله إنك ما تورطت معه بمبلغ كبير .
الرسول اللهم صل وسلم عليه لما مات واحد من الصحابه سأل هل عنده دين فقالوا نعم فقال صلوا على صاحبكم ولما تكفّل واحد من الصحابه بالدين تقّم الناس وصلى عليه .. فما بالك بمن جحدها مثل ما سوى زميلك في العمل الله يهديه ويصلح قلبه .
إن استمريت في مطالبته فهذا حقك وان تركتها لوجه الله فهذا أفضل وصدقني ما راح يتهنى فيها ما دام بادي حياته الزوجيّة بمطل الناس حقوقهم .
اكرر اعتذاري
تحياتي لك