ساعدوني في مشروع العمر

حياة عروس · #1 (**permalink**) 22-09-2013, 05:05 PM

عندي شقة من ثلاث غرف وصاله وانا بطاله من عشر سنوات انتظر الوظيفة وخلاص دخل الياس قلبي منها

المهم فكررررت أني اسوي هذي الشقه حظانه اطفال لأبناء الموظفات والعاملات بحيث انا اشرف عليهم واجيب خدامه تساعدني ووو ش رأيكم بس عندي كم سؤال

كم أخذ على الطفل الواحد في الشهر
وكيف اطلع تصريح
كيف اسوي اعلان لللحظانه

وأي فكره عندكم ساعدوني فيها

أحلام للتسويق · #2 (**permalink**) 22-09-2013, 07:05 PM

هلا وغلا اختي

تصريح ماعندي خلفيه ..ان شاء الله يفيدونك الاخوه..

و تاخذي ع الطفل ابدأي بسعر معقول ولما تنعرفي ممكن تزيدي السعر..

ممكن بالشهر 750 ريال ..

واعملي اعلانات بالواتس اب وارسلي لي الاعلان وابشري اوزعه لك..

والله يختارلك الخيرررررررررررررر

متًصل · #3 (**permalink**) 22-09-2013, 07:30 PM

الله يوفقك في مشروعك بالنسبه للتصريح ما اعرف شي عنه

بالنسبه كم تاخذين على الطفل

طبعا لازم انتي تشوفين الحضانات كم يأخذون اقل شي واكثر شي وسوي دراسة جدوى وحاولي تكوني اقل منهم اذا الشقه بدون إيجار. بحيث تكسبين اكثر وتكونين ارخص منهم

طبعا الإعلانات حاولي توزعينها اول على الي قريب من شقة حضانتك لان مستحيل احد بعيد بيجيك عشان يحط ولده

ارجو انها وصلت فكرتي لك واتمنى لك التوفيق من الله
*

ام نوره ولمى · #4 (**permalink**) 22-09-2013, 10:38 PM

موضوع الحضانه مهم جدا خاصه للموظفات

عندنا نوعين من الحضانه راح اقول لك عليها

النوع الاول اللي هو شفته بمدرسه قريبه الطفل ياخذو عليه 8 الاف السنه بس من شرطه ان الام او الاب يشتغل بالمدرسه او حواليها يعني شلون ماني عارفه :-)

النوع الثاني هذا اللي شفته مره بالسوق ياخذو عالطفل 30 ريال بالساعه وكل ساعه زياده 10 ريال

طبعا النوع الاول الدوام من 6:30 الين 5 العصر

النوع الثاني من 9 الصباح الين 10 الليل

انا داخله راسي بس المشكله ما اتحمل الرجه بناتي ويا الله فمابالك بعيال غيري :-)

الله يوفقك ويسهل لك

فزي ماقالو لك ادرسي الموضوع من كل النواحي

مستثمر مبتدء · #5 (**permalink**) 22-09-2013, 11:16 PM

الله يجزاك خير ويوفقك

مشروع رائع جدا

خآلد آلعنزي · #6 (**permalink**) 23-09-2013, 12:46 AM

مشروعك بإذن الله ناجح
في البدايه روحي لفي على كم حضانه في المحيط اللي حولك على انك بتسجلين طفل عندهم واخذي منهم كل المعلومات ،، الاسعار ،، طبيعة عملهم ترتيباتهم يعني المقصد تاخذين فكره كامله عن الاسعار وترتيبات المكان ومتطلباته
والتراخيص ان شاءالله امرها بسيط ...
الميزه ان عندك مكان يعني الشغله ماراح تكلفك كثير ... ديكورات بسيطه والعاب للاطفال
عسى الله يوفقك

حياة عروس · #7 (**permalink**) 23-09-2013, 02:05 AM

مشكورررررين كلكلم الله يوفقكم وأول ما بدا فيه بقولكم

خجول الاسم · #8 (**permalink**) 23-09-2013, 10:54 PM

الله يوفقك ..
بس انتي حاولي توفرين لهم سائق ياخهم من البيت ااى الحضانه بيكون وضعك مغري على كذا
واطبعي لك برشورات وروحي لمدارس ووزعيها على المعلمات..
وان كان على التصربح والامور هذا احسها بتكون معقده ولاودي والله احطمك..
لكن عندي لك رائي تروحون عند العمده ويشهد بأنكم عائلة معروفه ف الحي وانكم حسن السيره الخ ..خلاص بكذا الموظفات لما يقرئون خطاب ومشهد العمده بيرتاح ولايقلقون على عيالهم معاك

سلطانسلمان · #9 (**permalink**) 24-09-2013, 03:55 AM

شوفي اذا تبين مشروعك يتجح
اول شيء حطي عروض اول مايفتح
مثلا.
تخفيضات 50%
او سجل اخوين وراح يجيك تخفيض 30%
او سجل لمده 3 شهور وراح يجيك تخفيض 30%
اهم شيء تسوين عروض
لأن لما تسوي عروض كأنك سويتي دعايه بأسم الحضانه
وكذا بيجونك زبائن
وبالنسبه لتصاريح ماعندي خلفيه عنها
وشكرا

الحارث بن همام · #10 (**permalink**) 24-09-2013, 11:53 PM

لو طلع لك احد وقال يحتاج تصريح او رخصة...

اشتغلي من غير تصريح...ترى ما احد حولك ولا احد يسأل

انا شغلت محل عصير جنب اسواق كبرى بشارع عام سنة بدون رخصة...فما بالك بشقة ؟

يعني لا تصير الرخصة عقبة تعطل مشروعك ورزقك..

الله يوفقك