السلام عليكم ورحمة الله وبركاته

اخوتي .. انا خريجة بكالوريس انجليزي و حاليا ادرس دبلوم تربية خاصة في جامعة طيبة بالمساء و حابة ادرس دبلوم حاسب الي بالصباح ع حسابي الخاص .. سؤالي هو هل يصير اخذ شهادتين دبلوم بنفس الوقت ؟؟ و هل يقبل هذا في الخدمة المدنية ؟؟ و لو اتاخرت شهادة الحاسب الالي سنة عن التربية الخاصة ؟؟ هل رح تعتمد الشهادة ؟ في الخدمة المدنية و غيرها و الا ما يعتبروها ؟؟؟

سؤالي الثاني : هل يصير اتعين معلمة تربية خاصة بدل الانجليزي ؟؟ و لما اجي اقدم ع كفايات اقدم تربية خاصة .. هل يصير كذا و الا لازم نفس تخصص البكالوريس ؟؟

ارجو منكم تنويري جزاكم الله الف خير ,, قبل اورط نفسي بدبلومين مع بعض و اخسر ...
دمتم بحفظ الله ..

اسأل الله لك التوفيق
ماشاء الله تبارك الله عليك وعلى طموحك



والله يا اختي ليس لدي علم


لكن نصيحة دقي على رقم الخدمة المدنية
وخوذي المعلومة الدقيقة
افضل لك من اي اجتهاد

للرفع

استغفر الله

والله انا اكلمك من نماذج شفتها قدامي وانت لك الخيار واستخيري اهم شي

التربيه الخاصه العالم تورطت فيه
تعينوا اول وثاني وثالث دفعه وبعدين وقف التعيين
لما يطلبون تخصصهم عدد قليل جدا اخر شي كانت ٦٠٠ وظيفه اظن بينها ١٣ فقط للتربيه الخاصه
وهذا بسبب قلة المدارس اللي فيها دمج وقلة ذوي الاحتياجات الخاصه الحمدلله


اما الحاسب فماشاءالله نصيحححتي لك روحي ادرسي الحاسب واهم شي يكون عندك تربوي وبإذن الله تتعينين
قريبتي مالها سنه من تخرجت وتعينت على طول بس في منطقه بعيده شوي هي اختارتها


والله يووووفقك ياااارب

هلا اختي ...ايوه كل اللي قلتيه يصيرا
لكن من وجهة نظري ان دبلوم الحاسب ماينفعك بالتقديم لانه الغوا الدورات...بس يمكن يفيدك بعد التعيين

ونصيحه مني حاولي تختبري في القياس انجليزي والتربيه الخاصه لان من السنه الجايه الاختبار راح يكون مفتوح طوال العام..

ووقت الاحتياج السنوي شوفي ايش اللي احتياجه اكثر
بتقديم جداره اي تخصص انجليزي ولا تربيه خاصه


وقدمي على هالاساس


وللمعلوميه التعيين بجداره على حسب النقاط ... وووين وقفت ولاحظ ان تخصص الانجليزي تعيينه مضمون اكثر من التربيه الخاصه....استخيري الله يوفقك

وفعلااا الانجليزي افضل لك من التربيه الخاصه

"""ادرسيهم كلهم يالعلا انتى ماعنك عمل يعنى متفرغه عادى اشغلى وقتك بالعلم وبالنسبة لتربية الخاصة حلو يرفع من راتبك بعد التعيين وكمان الحاسب الالي ينفعك لو توظفتى بالتعليم الاهلي
وفقك الله يالغالية د

انا ادرس دبلوم تربيه خاصه لمدة سنه ونصف واللحين باقي لي النص وقدمت على دبلوم تربوي
يصير انتهي من دبلوم التربيه الخاصه الرم الاول و الدبلوم التربوي العام الترم الثاني
فهمتي ؟؟ رحت للخدمه المدنيه اسألهم عادي قالوا لي ايه عادي

وانتي تأكدي بنفسك افضل

وبالتوفيق