السلام عليكم


اخواني لدي مبلغ 50 الف لكن ابي استثمرها؟


نامل منكم الافادة

استغفر الله واتوب اليه

.
ياااا أخي الفاضل حتى تلتمس افادة الأعضاء وتجد افضل الأفكار وتحصد اثمن الأسرار وتصد عن اتفه واكبر المعضلات توسع في موضوعك أكثر بمعلومات بسيطة عنك مثلاً اسم مدينتك او مجال مهنتك او نوعية التجارة المحببة إليك ......
على سبيل المثال لربما تجد فكرة ناجحة و سبق لها التنفيذ على ارض الواقع في مكان ما ولكن هذه الفكرة تفشل في النجاح عندما تكون في مدينة أخرى ..... وشكرا

وعليكم السلام
المبلغ حلو وانا عندي اقتراح
افتح مؤسسة خذلك دبابات ايجار تمليك او اقصاد
واجرها يوميا الواحد ب80 ريال في البداية خذ لك دبابين
راح يدخل بحسابك شهرياً 4800 ريال نقول 2000 ريال اقصاد الدبابين
يعني ربحت 2800 وبعد كم سنة الدبابين تكون ملكك وانت مادفعت فيها ولا ريال احمر
هاذا اللي عندي وللمعلومية الفكرة تعتمد على المدينة اللي انت ساكن فيها يعني لو انت بجدة صدقني الفكرة بتكسب من وراها ذهب
وفي البداية مسموح لك لانك فاتح موسسة ب6 دبابات
ولو تلاحظ انك وفرت مايقارب ال45 الف من الخمسين الف اللي معاك
وبعد ستة اشهر راح يكون معاك 16800
هاذا وانت توك بادي ويمديك توسع نشاطك بالمحلات التجارية الصغيرة يعني حلاق في حارة شعبية
واذا تبي تتواصل معي ارسلي رقمك على الخاص

انا من رأيي لاتقرب للدبابات لأن خراباتها واجد صراحه وسرقه .. افتح لك محل اكسسوارات جوالات وعسى اللله يوفقك ويبارك لك

ي إخوان قريب محافظة حفر الباطن في هجرة الذيبية لكن هذه الهجرة مأهوله بكثافة السكان
لقربها من القاعدة العسكرية
لكن لا ادري ماذا ابدا
كفتيريا او كوفي شوب او غيرة من المحلات

او مطعم اسماك حيث يوجد من المطاعم الكثيرة لكن يوجد محل سمك
واحد مايسوي الا اذا جيت وطلبت بس سمك مقلي فقط

اخي ابن الذيبيه
افتح مغسلة ملابس متكامله في الاجهزه الحديث وتبي تطلع ذهب باذن الله
لان المنطقه الا انت فيها عسكريه لابعد الحدود واكثرهم عزابيه يعني فلوس دبل الدبل وتكون في ادارتك طبعا
وسو اشتراكات شهرين كل شهر سعر معين جميع القطع الملابس حتي لو نص مادفع يكون النص الثاني دافع المبلغ شوي شوي صدقني تبي تكون زباين والناس تبي ترتاح لانه عندك اشتركات شهريه وانت وشطارتك في العروض
مثل تعطير الملابس وغيرها
وانا فكرت في الذيبيه لكن ابي اسالك كم اجار محل عندكم علي موقع تجاري مميز ؟