هل الحاسب داخل في مفاضلة شهر 10 الماضي ؟؟



يقال بالنسبة لشباب أن المفاضلة الاخيرة والمفاضلة التي سبقتها لم يدخل طلاب قسم الحاسب هذه المفاضلات
هل هالكلام صحيح ام لا!؟هل معنى هذا ان الاحتياج صفر

من 3 سنوات والاحتياج للحاسب 0 ، اطلب ربك وأنا أخوك كل الحاسوبيين تربويين وغير تربويين في مهب الريح !

ياساتر طيب الخدمة المدنية ماعندها وظائف بوزارات ثانية غير التعليم ، مابغى اقلب الموضوع شات بس صراحة طلاب الحاسب محتاجين نوقف وقفه شخص واحد ، رجال ونساء ، مايحدث بحالنا غير منطقي ، عقاب على دخول هذه الكلية ، ظلم واستفزاز من أعلى مستوى، لايوجدفرع او مكتب او وزارة في غنى عن موظفين حاسب ، هل الحاسب مهمش بنظر المسؤلين لدرجة انهم يهملون توظيفه ، الغريب في الامر أن هناك عدد كبير من المدارس يفتقر لمعلمين الحاسب ، والله لن اسامح الدكتور البراك على مايفعله بي وبمن يحمل شهادة هذا التخصص العظيم ويظل جالس في بيته . حسبي الله ونعم الوكيل

اخوى ليش ماتقدم على القطاع الخاص الحاسب مرغوب وبقوة اذا بتنتظر الخدمة المدنية راح تطول الله يرزقك ويفتحها بوجهك

ليش قطاع خاص والمدارس والجامعات تارسه البلد والجامعات تقبل اعداد كبيره من الطلبه والطالبات هذي الأعداد مو ايه من مدارس مدن وهجر ومحافظات
ليش خريجين وخريجات الدبلوم اللي كانوا يدرسونا للحين ماشاءالله ماتقاعدوا ماننكب رزق احد بس اللي اعرفه ان كل سنه يكون فيه متقاعدين ومتقاعدات ويش معنى قسم الحاسب
وليش مدارس القرى تفتقر لمدرسين حاسب ومدرساات حاسب
والا لانهم يستهيونوا في التخصص قسم بالله ماقابلت لي وحده الا وتقول الحاسب سهل سهل والا اي كلام
حتى جدتي اللي ماتقرى ولاتكتب صارت تقول الحاسب سهل كمبيوتر وبس
واليوم كنت اراجع ادارة التربيه اقابلي بديله دراسات اسلاميييه تسألني عن التخصص قلت لها حاسب قالت حاسب سهل بكل برود بكل استخفاف ب التخصص ياعاااااااالم افهموا قسم بالله انو صعب يشمل لغة انقليزي ويشمل الفيزياء ويشمل الرياضيات في برمجياته وعلى صعوبته يقولوا سهل وجع ان شاءالله ادرسوه دامكم صادقين بعدين اتفلسفوا وقولوا سهل <<معذرة من صاحب الموضوع وربي من قهر تكلمت
مالنا الا اليابان وربي مايقدرنا غيرهم على قولهم الامي هو الذي يجهل في اتقان الحاسب هذي ىالناس اللي ترفع معنوياتنا هههههه
الفكره اللي بوصلها ليش الوزاره تطلع احتياج وهم يشوفوا هالقسم ماله داعي وسهل والكل قادر عليه حتى المدارس الأهليه والله العظيم يحطوا تخصص عربي عندها دبلوم سنه حاسب تدرس البنات متوسط وثانوي حاسب ف يشوفوا ان الكل يقدر يستخدم الحاسب ونظرتهم محدوده ف كيف تبونهم يزيدوا الاحتياج وهم حاطين الماده في الحضيض حتى طالبات الأهليه صاروا يقولوا اايش يفرق الحاسب عن الاقتصاد االمنزلي قمة الاحباط
لكن الحمدلله على كل حال....نصيحه لاتتوجهوا للقطاعات الخاصه لانهم راح ينسوا ان فيه تخصص حاسب طالبوا واثبتوا على كلامكم وهذي من ابسط حقوقكم حتى يفتحوا لكم مجال في القطاع الحكومي

نحتاج تجمع ونحتاج مبادرة كبيرة من شباب الرياض تخصص حاسب لتنظيم وأخذ موعد مع المسؤلين في الديوان الملكي
لاينفع التشكي والتبكي ، لاكن هذه المشكله الحقيقية القطاع الخاص ، اذا ماكان راتبي فوق ٩ الاف أنا أسميها مضيعه للوقت والجهد
اذا طلاب الحاسب اقتنعوا بالقطاع الخاص واهملوا مطالباتهم بالوظائف الحكومية فهذا ماتتمنه وزارة التربية وغيرها من الوزارات
بالنسبة لكلام صمتي اليم

احب أزيد على كلامك وأقول أن تفكير أكبر موظف بالوزارة مثل تفكير أصغر موظف
هم ينظرون للحاسب أنه سهل، يعرفون يستخدمون وندوز ويعرف يشغله ويطفيه، ويعرف يطبع، وعندهم مناقصات لصيانه الاجهزة فهم فعليا غير محتاجين أقصد الوزارات الاخرى غير وزارة التعليم
أما بالنسبة لتعليم فهي حصة بالاسبوع وتروح كلها ياولد سكر السوليتير ومافي غير بالمتوسط والثانوي وطبعا الهجر كلها مايدرسون حاسب
على ما اعتقد وياليت احد يصحح لي اذا شافني على خطا