[align=center]
السلام عليكم ورحمة الله

اخواني واخواتي عندي فكرة ممكن تساعد البعض تسويها وانت جالس في البيت
انا قبل فتره شفت محل لبيع الكراتين للبضائع ونقل العفش وما شابه
المهم انا اخذت اعلانهم وبديت اعلن بنفس اعلانهم واي احد يكلمني اروح اجيب له الطلب اللي يبيه
وازود عليه نسبتي.. والحمد لله مرات يكون ربحي قليل ومرات الربح جيد جدا
طبعا الخطوات اللي سويتها

1- بحثت عن سلعه (كراتين) ..
2- اعلنت عنها في الانترنت..
3- استقبل الطلبات على جوالي الخاص..
4- أروح المحل اخذ الطلب..
5- اوصلها للعميل او اشحنها له اذا هو خارج المدينه (مع العلم انو المحل ما يوصل ولا يشحن)

طبعا اخذ الطلب في الاول واشتريها انا.. بعدين استلم المبلغ من العميل..


بالنسبه للاستفسار اللي عندي
انا جاني طلب كميه كبيره من قبل احد الشركات تقريبا 5000 كرتون شهريا
وقالو ممكن نسوي عقد سنوي ..
بس المشكله انا كوسيط اللحين كيف اضمن حقي في الموضوع
هل بالنسبه؟؟ او تكون عباره عن صفقه يعني اخذ مبلغ معين ويكون تعامل الشركه مع المصنع؟؟
او انو اروح للمصنع واتفق معاه
مع العلم انو المصنع مالي علاقه فيه زيي زي اي زبون اجي اشتري وامشي

اذا فيه احد من الاخوان او الاخوات عنده اقتراح افضل عشان اضمن حقي معاهم اكون له من الشاكرين

اتمنى التوفيق للجميع

[/align]

اذا تبي الشغل الصح يبي لك تتعب وتدور المصنع الي خويك يشتري منه

وانت ماشاء الله كونت قاعده للزباين مفروض تكون مظبط امورك من ناحيه الشراء يعني تكون متفق مع المحل انك تشتري منه بسعر مخفض ويزيد ربحك لنك قاعد تسحب منه بالكميه

انا اشوف وضعك الحين له حلين

الاول اذا تقدر تفتح لك محل لك خاص وتجيب من المصنع مباشرة او

الحل الثاني انك تبرم العقد مع الشركه على انك توفر لهم ٥٠٠٠ كرتون ويكون الحساب يومي (ادفع واستلم) وتروح تتفق مع المحل الي دايم تشيل منه انه يحسب لك سعر مخفض وصدقني لو مكلمه من قبل مابيرفض لنه مستفيد منك فالتصريف لازم تتعرف على اهل السوق وتاخذ وتعطي وتكسب خبره بالتعامل

كلامك صحيح اخوي الغالي
بس المشكله انو انا اسحب منهم كميات قليله ممكن في الشهر 100 كرتون
هي الشغله بس زي ما يقولو في كل بحر رامي سناره
اشتغل اعمال حره واي شي ما ارده حتى لو قليل

المشكله الان الشركه اللي طالبه الكراتين رفعت الكميه لـ 10 الاف كرتون
والشركه تبي 500 كرتون خلال ذي اليومين وحقدر اوفرها 500 كرتون مو مشكله
بس هم طالبين بعدين يسوو عقد سنوي

انا اللي محتار فيه بس هل اعقد الاتفاق مع المصنع او الشركه اللي تبغى الكراتين
وكيف تكون نسبتي هل اخليها فرضا 10 هلله لكل كرتون !
او اطلب مبلغ معين مقابل الوساطه!
او تكون نسبه % من اجمالي العقد لو قلنا يكون الاتفاق مباشر بين المصنع وصاحب الشركه!

واذا فيه اي احد من الاخوان او الاخوات ممكن يسوي لي صيغة العقد ويفهمني كيف اضمن حقي راح يكون حقه محفوظ

اخوي (اللهم عونك) اشكرك على الرد وما انحرم من توجيهاتك يا غالي
تم أضافة تقييم إلى اللهم عونك

حياك الله اخوي

اول مرة انت اتوفر لهم طلبهم كامل وتاخذ عمولتك ..
وتتفق مع الشركه اللي توفر الكراتين انه راح توصل فيها شركة وتعمل معاكم عقد سنوي
ممكن تطلب منهم مبلغ كل مايتم سحب منهم كعموله لك
وممكن تاخذ مبلغ مقطوع مرة وحده ع العقد السنوي وتوصلهم ببعض..مثال راح يطلع لك بالسنه 10الاف ممكن تاخذ 6الاف ..
ويتم كتابة عقد لك لحفظ حقوقك وتوقيع وتوثيقه من الشركه اللي توفرالكراتين بحيث لو اخلفت كلامها تطالبها فيه..
وممكن تطلب من الشركة اللي راح توفرلها كمان عموله وتعملك عقد رسمي ويكون لك فايده من الطرفين..

ولو كلمتهم وحسيتهم ماعجبهم بالحاله هذي لاتوصلهم مع بعض وخليك وسيط بينهم كل ماتطلب الشركه تشتري لها وتوصلها وتاخذ عمولتك ..

وبخصوص العموله كم تكون مثلا الكرتون بريالين خذلك نص ريال او ربع ريال ع الكرتون لاتقول قليل المبلغ يجمع وبالبدايه تكون لك زباين وممكن تزيد..
والله يختارلك الخير..

أستغفر الله الذي لا إله إلا هو الحي القيوم وأتوب إليه .

الله يوفقك
مشروع ناجح باذن الله بس اهم شي سو دراسه من جميع الجوانب

بالتوفيق

روح للمصنع وكلم المسؤول قل له أنا معي طلب ب ٥٠٠٠ كرتون شهريا تقدر توفرها ؟
إذا قال إيه قل له كم نسبتي في العقد ؟
وهو راح يعطيك تقريبي إذا أقنعتك النسبة ( كن قنوع ) اطلب التزام بالسعي مصدق من الغرفة التجارية المصنع يصدقه ويعطيك إياه

بعدها اطلب من الشركة صاحبة الطلب خطاب شراء موجه للمصنع موضحة فيه الكمية المطلوبة ومدة العقد ومختوم بختم الشركة الرسمي
وخذ الخطاب للمصنع وهم راح يردوا عليه رسمي

طبعا لا تقول للشركة إنك ما تعرف المصنع علشان ما يلفوا من وراك قل مالك المصنع صاحبي
المهم قبل كل شيء تتأكد من جدية الطلب

إذا عندك سجل تجاري لمحل أو مكتب خاص بك خل الشركة توجه الخطاب لمكتبك وهذا أسلم شيء

أنا اشتغلت في التسويق وهذه هي الخطوات أتمنى أكون أفدتك

بالتوفيق اخوي