السلام عليكم ورحمة الله وبركاته
ياخواني ابغى منكم الشور بمشكلة صاحبي
صاحبي هذا موظف عسكري له تقريبا 8 سنوات ومتزوج وعنده طفلين
طبعا عايش بمدينه بعيد عن اهله وراتبه طيب الله يزيده
وعنده بيت ملك ماشاء الله في مدينة اهله
المشكله يقول انا ماعندي صبر على العسكريه وراتبي كله طاير ع الاجار والمصاريف والاقساط
يقول من يوم اصبح لين امسي وتفكيري بس بالفصل وماعندي استطاعه ابقى بالوظيفه يوم واحد
وكل اللي مجلسني فيها كيف اشجع نفسي واقدم على هالخطوه
قلته طيب اذا فصلت وش بالتسوي قال بعيش مثل خلق الله طالما معي سياره وبيت ملك خلاص باقي الديون بحاول اقضيها من التجاره او اي شغله ارتاحلها
تكفون يالربع لا تبخلون بالمشوره
وباذن الله راح اخلي صاحبي يطلع على هالموضوع ويشوف ردودكم

كن مع الله ولا تبالي

ليش مايبغاها !!!

انصحة يتمسك بوظيفته ولايفرط فيها

لان الوظيفه الحكومية اكثر امان من التجارة وغيرها

خصوصا عنده عائلة واطفال من وين بيعيشون عياله !!

على الاقل ينفعهم التقاعد لو لاسمح الله صارله شي...

إن تركها ضاع وعياله...

__________________
"لله دُر أمي إذا ابتسمت
تهادت جروح قلبي والتئمت"

ياأخوي قله الله يهديه ويقعد في وظيفته أحسن له
يعني ماهوووب مجمع له مبلغ وقدره وماآخذ احتياطاته ؟!
لاوبعد عنده ديون وخرابيط ويبي يقضيها من مشروعه طيب فرضا مانجح مشروعه أو تجارته ؟!
وش بيسوي بحرمته وعياله ماراح تنفعه الديره ولا ينفعه البيت الملك والسياره لو مامعه دخل شهري مضمون _ لأن فيه مصاريف أخرى
وصدقننننني راح يندم لو يطلع منها لان اللي تعود على دخل شهري يدخل بحسابه وينقطع فجاءه ينصدم
يارجال الحريم وهم حريم يتغربون ويتحملون ضغط العمل والمشاوير والخساير وبعضهم عندها مسؤليات وزوج وبيت وحمل والله المستعان
نصيحتي له أنو يتحمل شويات ويجلس فيها وبعدين يقدم تقاعد مبكر على القل عشان يستفيد من االتقاعد هو وعائلته ومثلك عارف الدنيا الله يكفي شرها موت وإلا فوت والا فيه شي يمشي لعياله

يقدر يمارس التجاره وهو في عمله انصح لا يترك وظيفته

يكثر من الاستغفار والصدقة والصلاة والقرب من الله وسيرى بركة في المال والولد

والله يكتب له الخيره حيثما كانت

نصيحه ثم نصيحه لايترك وظيفته الناس جالسه بالالاف ماهي محصله وظايف اذا هو شاطر يشتغل بالتجاره وهو على راس عمله لايضيع نفسه

لا يفصل بل ينتظر ثمان سنوات ويقدم تقاعد مبكر لا بد من دخل شهري ثابت حتى لو كان قليل وخلال الثمان سنوات القادمه لازم يؤمن له دخل ثاني يعوضه الفرق بالراتب بعد التقاعد المبكر

من نظرتي البسيطه لمشكة صاحبك فهو غير مهيأ للتجاره أبدا لأن هناك ديون عليه زي ماتفظلت أهل الدين ماراح يصبروا عليه الين يبدأ في تجارته ويسددهم من فوائد الأرباح هذا اذا عنده رأس مال ولكن انصحه يبدأ في تجارته وهو على رأس العمل الين يضمن الفوائد ورأس المال والوفاء بتسديد جميع الديون بعدها يستطيع تقديم استقالته