بالبدايه احب امسي عليكم هالفكره وهالمشروع جا على بالي وبحكم اني موظف ودوامي متاخر وعندي التزامات عائليه ما قدرت انفذه ولا تراني درسته من جميع الجوانب وشفت انه مشروع لا يعلى عليه للي عنده طموح وحاب يبدا من الصفر
طبعا انا مريت بتجربة البطاله الله لا يعيدها وحاس بالهم الي يعانيه اخواني الشباب الي ما لقو وظائف الى حد الان
المشروع ما قد عرض على احد الى حد الان وهاذا اول مكان اكشف فيه عنه
انا متابع الموقع من مده طويله وعشت معه سنوات من العمر واستفدت منه الكثيييييير من الناحيه المعنويه قبل الماديه
فاوجه رسالة شكر للقائمين على هالموقع واسأل الله ان يجعل كل ما قدموه في موازين حسناتهم
فيه نقطه مهمه قبل لا اطرح المشروع وقد تكلمو الاخوان كثير عنها وودي برضه اطرحها لانها مهمه جدا جدا ونقطه اساسيه لنجاح اخواني الشباب السعودي في مجال المشاريع التجاريه الي هي التعاون والمشاركه يعني بصيغه اخرى احتكار السوق بين الشباب السعودي فقط فالقصد ليس حسد الاجانب الي جاييين يدورون لقمة العيش فكل واحد منهم اخذ نصيبه (وزياده حبتين) بعرق جبينه لكن الشي الي ما نرضى به لا من قريب ولا من بعيد هو الي جالسين نشوفه اليوم من تكتل وتعصب
بين العماله الوافد وبدون ذكر جنسيات ويييين؟؟؟؟؟؟؟ في سوقنا وضد مين ضدنا كل شتب سعود طموح يبي يبدا حياته ويبي يترزق فما ابي اطول في هالموضوع لانه طرح اكثر من مره والاكثريه ما تخفى إليهم هالنقطه
المشروع الي حاب اطرحه يخص محلات قطع الغيار زي ما انتو عارفين هالحين خربت عليك قطعه في سيارتك رحت للمكانيكي ولا السمكري وقالك توكل على وجبلي القطعه الفلانيه انت بدورك يا تروح للوكاله وتطلب هالقطعه ولا بتروح لاي محل قطع غيار وهات يا مشاوير وركبه ونزله على بال ما تحصل الي نبيه طيب لو ان فيه مكتب صغير بنص الصناعيه وفيه ذاك الشاب على هاذاك المكتب وعنده كمبيوتر ومريح تحت المكيف وشغلته بس انه انه يريح من هالقروشه ويقولك ترا القطعه الي تبيها في عشره محلات المحل الاول في الموقع كذا وسعر القطعه الي تبيها عنده بكذا والمحل الثاني عنده نفس القطعه بس ارخص لك بعشرين ريال واذا تبيها قطعه تجاريه وتمشي حالك عندك المحل الثالث بالله عليكم لو انك مكان هالشخص ما بتروح لهالمكتب ولو يبي مية ريال بتعطيه بس تفتك من وجع الراس
هالحين وصلت فكرة المشكروع والي اهم من الفكره الية تنفيذها بتقولولي يا شيخ الشغله معقده ويبيلك تفتر على جميع المحلات و محل بيتعاون معك ومحل ما راح يتعاون معك من غير الجرد الي ما راح تقدر تسويه لانه يبيلك عشرين سنه ع بال ما تجرد نص الصناعيه بس
فالي بيقولي محل بيتعاون معك ومحل لا هاذا الشي راجعلك انت وطريقه اسلوبك في الاقناع
والي بيقولي الجرد وما جرد بقوله بسيطه في كل محل برنامج احصائي بجميع القطع انت كل ما عليك انت تشولفك مبرمج يضبط امورك ويسوفلك برنامج يجمع ما بين كل البرامج الاحصائيه الي بالمحلات ويسحب جمع بيناتها
نجي للنقطه الاخيره الي هي وش السالفه انا ما فهمت شي وش نوع المكتب الي جالس تقص قصة حياتك وتبربر علينا عنه السالفه وما فيها مكتب خدمات بالصناعيه واسمه الافتراصي دليلك لقطع الغيار
ادري ان هالفكره فيها شي من الصعوبات البسيطه في البدايه بس وفي مرحلة التاسيس وناس بتقولي برضه من ناحية الاعلان
لكن انا اشةف ان لها مستقبل كبير باذن اله للي راح يشتغل عليها ليييييييش؟ لانها جديده ومالها مثيل ولان لها مميزات كثيره من نواحي التوسع وووووووووو يصعب سردها
فالي حاب ينفذها يتوكل على الله وله دعوه من القلب ان الله يوفقه ويصير بدل ماهو مكتب تصبح شركه متكامله لها فروعها بجميع انحاء المملكه

تتوقع ... كم السعر المناسب للخدمة المقدمة للعميل ؟

اذكر بالرياض فيه محل بمعارض السيارات نفس فكرتك لكن هو متخصص بالسيارات مثلا تسأله عن كامري 2013 فل كامل يقول لك المعارض والاسعار ب 20 ريال

الحقيقه فكرتك طيبه

تحتاج الا اللمام بالأسعار وأنواع القطع

وترى تفك مؤسسه احسن لك لكي تحصل على سعر ارخص وتبيعها بسعر زهيد

فكرة جميلة ومشروع جميل وممكن تطوره وتظيف له خدمة الشراء والتوصيل بمعنى الزبون ما عنده وقت يروح اصلا انت تروح تشتري له ويكون عندك سواق ..

لكن تحتاج الى اتفاق مع جميع اصحاب الورش وان كل زبون يجيبونه لك لهم نسبة ..

بالتوفيق