27-09-2013, 09:14 PM
|
 |
عضو ماسي
|
|
تاريخ التسجيل: Apr 2013
المشاركات: 1,428
معدل تقييم المستوى: 3912998
|
|
وعليكم السلام ورحمة الله وبركاته
حياك الله
العذر والسموحه تونا ننتبه لسؤالك .. ولا تنسى بارك الله فيك ان اليوم إجازه وفرصة الناس للمشاوير وغيرها فأكيد الأغلب مشغولين نعذرهم جعلك تسلم 
أسأل الله بمنه وكرمه أن يشفيك ويلبسك لباس الصحه والعافيه
أكيد بارك الله فيك تقدر تقدم على خادم وسائق
هذي طريقة التقديم :
في البدايه تروح لمركز التاهيل الشامل معك صورة من بطاقة الاحوال المدنيه للمعاق او كرت العائله وصورة من بطاقة الصراف
راح ياخذون الاوراق منك وياخذون رقم جوالك ويقولون لك راجعنا بعد اسبوعين اما تراجعهم على رقمهم او تروحلهم شخصيا بالنسبه لي انا اتصلت عليهم بعد اسبوعين واعطوني رقم المعامله
ثانيا: بعد ماتاخذ رقم المعامله تتوجه مباشره لمكتب العمل ومعك برنت لك من التامينات الاجتماعيه ولاوصلت مكتب العمل استفسر وهم يدلونك على المكتب الخاص لذوي الاحتياجات الخاصه يعني لاتصف طابور
بعد ماتروح للمكتب المختص داخل مكتب العمل راح يطلب رقم المعامله اللي اعطوك اياه مركز التاهيل بعدها راح يطلعلك المعامله ويطلب اثباتك وبرنت التامينات الاجتماعيه ويوقعك على ورقه ويطلب منك تحدد الجنسيات بعدها راح يطبعلك التاشيره
بالنسبه للي حصل معي مكتب التاهيل الشامل اعطوني ثلاث تاشيرات خادمه وسائق وممرضه ولكن مكتب العمل رفض يعطوني ثلاث تاشيرات وما اخذت الا سائق وخادمه ولما سئلتهم ليه قالو لازم راتبك فوق العشره الاف علما بان راتبي سته الاف فقط
ثالثا : بعد ماتاخذ ورقة التاشيره تروح لاي مكتب استقدام وقدم على اللي تبي
اخيرا: بعد ماتوصل العماله وهذه اهم نقطه لاني تبهذلت فيها عشان تستخرج للعماله اللي معك اقامات من غير رسوم
تروح في البداية لمركز التاهيل الشامل وتاخذ منهم خطاب اعفاء للجوازات مايطول خمس دقايق ويعطونك اياه وبعدها تروح للجوازات قسم الاقامات راح يدلونك على كاونتر خاص لشغله هذي تعطيه اوراق الفحص وصورة من بطاقتك وورقة الاعفاء وراح يعطونك موعد بعدها تجي وتستلم الاقامات كامله
ضروري بارك الله فيك القدره الماليه لأن الدوله تتكفّل بقيمة التأشيره والاقامه وتجديدها والخروج والعوده لكن الباقي عليك
الي هو الاستقدام والرواتب .
تحياتي لك
|
العرض العادي
